Орзиқулова Гавҳархон Султонмурод қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Болалар ортопедик мослашувчан кийимини ишлаб чиқиш технологиясини такомиллаштириш” 05.06.04-“Тикувчилик буюмлари технологияси ва костюм дизайни”
Диссертация мавзуси рўйҳатга олинган рақам: B2024.3.PhD/Т4928
Илмий раҳбар: Расулова Мастура Кабиловна, техника фанлари доктори, профессор.
Диссертация бажарилган муассаса номи: Жиззах политехника институти.
ИК фаолият кўрсатаётган муассаса номи, ИК рақами: Жиззах политехника институти, PhD.03/30.06.2020.Т.115.01.
Расмий оппонентлар: Набиджанова Наргиза Насимжановна, техника фанлари доктори, профессор; Темирова Гулноз Ибодовна, техника фанлари бўйича фалсафа доктори, доцент. Етакчи ташкилот: Фарғона давлат техника университети
Диссертация йўналиши: амалий аҳамиятга молик.
II. Тадқиқотнинг мақсади: Бир ёшгача бўлган болалар дисплазия касаллигида қўлланадиган ортопедик мослашувчан кийимини ишлаб чиқиш технологиясини асослашдан иборат.
III. Тадқиқотнинг илмий янгилиги:
дисплазия касаллигини даволаш ва реабилитасия қилиш давомида фойдаланиладиган болалар ортопедик мослашувчан кийимларига қўйиладиган талабларга даволаш самарадорлигини ошириш, психологик таъсир, биологик таъсир кўрсаткичлари киргизилган ҳолда такомиллаштирилган схемаси ишлаб чиқилган;
конструктив елемент хусусиятларини ҳисобга олиб ортопедик мослашувчан кийимдаги керувчи ёғоч корректорнинг геометрик параметрлари ҳисобланган ва илмоқли таянч стержен эгилиши аналитик усулда асосланган;
ортопедик мослашувчан кийим самарадорлигини ошириш ва боланинг соғлигини тиклаш муддатини камайтириш учун оёқ керилиш кенглигини боланинг ёши, оёқ керилиш бурчаги ва кийиш муддатига боғлиқлиги  кўп омилли тажриба натижаларига статистиc ишлов бериш асосида аниқланган;
дисплазия касаллигини даволашда фойдаланадиган болалар ортопедик мослашувчан кийим материаллари пакети шакллантирилган, самарали функсионал элементларни қўллаш асосида буюмнинг конструктив-технологик ечимлари ва рационал параметрлари керувчи корректорни қўллаш асосида ишлаб чиқилган.
IV. Тадқиқот натижаларининг жорий қилиниши. Болалар чаноқ-сон боғими дисплазиясини даволаш жараёнида ноқулайликларни бартараф этувчи, даволовчи-профилафтик вазифани ўзида мужассамлаштирган болалар ортопедик мослашувчан кийими технологиясини такомиллаштириш бўйича олинган натижалар асосида:
болалар ортопедик мослашувчан кийимига Ўзбекистон Республикаси Интеллектуал Мулк Агентлигининг саноат намунаси патенти (САП 02222, 2021 й.) олинган. Натижада даволаш самарадорлиги юқори бўлган мослашувчан кийим пакети шакллантирилган, эргономик қулайлиги конструксия ва технологиясининг такомиллашуви ҳисобига оширилган;
 дисплазия касаллигида даволовчи-профилафтик вазифани ўзида мужассамлаштирган мослашувчан кийим ассортименти Жиззах вилояти “Зилол Голд ТЕХТИЛ 777”  МЧЖ ва “Жиззах Тоштепа текстил” МЧЖ корхоналарида ишлаб чиқаришга  жорий этилган (“Ўзтўқимачиликсаноат” уюшмасининг 2024 йил 13 сентябрдаги 03/25-2485-сон маълумотномаси). Натижада эргономик қулайликни таъминловчи, даволаш самарасини ошириб берувчи мослашувчан кийимни ишлаб чиқариш ҳисобига иқтисодий самарадорлик 123397856 минг сўмни ташкил этган.