Mamlakatimizda ta’lim va fan sohalarini sifat jihatdan rivojlantirish hamda yosh avlodning intellektual salohiyatini oshirishda dasturiy chora-tadbirlar amalga oshirilmoqda. Bu borada ilmiy kengashlar faoliyatini nizomlar talablari asosida tashkil etish, dissertatsiyalar sifatini oshirish muhim ahamiyat kasb etadi.
Shu nuqtai nazardan, 17 fevral` kuni Oliy attestatsiya komissiyasida pedagogika fanlari bo‘yicha ilmiy darajalar beruvchi ilmiy kengashlar rahbariyati bilan yig‘ilish o‘tkazildi.

Mazkur yig‘ilishda dissertatsiyalar sifatini oshirish, ilmiy kengashlar faoliyatini nizomlar talablari asosida tashkil etish, korrupsion holatlarga yo‘l qo‘ymaslik va attestatsiya hujjatlarini belgilangan talablar asosida rasmiylashtirish kabi masalalar muhokama qilindi va tegishli ko‘rsatmalar berildi.
O‘tkazilgan yig‘ilish yakunida mavzu doirasida yo‘llangan savollarga mas’ullar tomonidan atroflicha javoblar berildi.  

OAK Axborot xizmati