Рахимбердиев Мирзоҳид Рахимберди ўғлининг
фалсафа доктори(Phd) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Модификацияланган йигирилган ип ишлаб чиқариш технологиясини такомиллаштириш” 05.06.02 - “Тўқимачилик материаллари технологияси ва хомашёга дастлабки ишлов бериш”(техника фанлари).
Диссертация мавзуси рўйхатга олинган рақам: B2024.1.PhD/T4479
Илмий раҳбар: Файзуллаев Шавкат Раимович, техника фанлари номзоди, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Ханходжаева Нилуфар Рахимовна, техника фанлари доктори, профессор; Эркинов Зокиржон Эркинбой ўғли, техника фанлари доктори, доцент.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: сохта бурам берувчи модификациялаш қурилмаси ёрдамида ҳалқали усулда ип йигириш технологиясини такомиллаштиришдан иборат.
III. Тадқиқотнинг илмий янгилиги:
ипнинг сифатини яхшилаш, мувозанатлаш ва бурамини камайтиришга қаратилган, сохта бурам берувчи ички юзаси гипербола шаклли спиральсимон бўртмаларга эга янги конструкциядаги модификациялаш қурилмаси асосида йигириш технологияси такомиллаштирилган;
шаклланаётган ипдаги ташқи кучларнинг мувозанат тенгламасидан фойдаланган ҳолда, модификациялаш қурилмасининг сохта бурами пишитиш учбурчагидаги толаларнинг таранглик кучларига таъсири ифодаловчи боғланишлар олинган;
қурилма ҳосил қилаётган бурамларнинг ипда тақсимланиш шартлари  Допплер эффекти асосида аниқланган ва доимий тезликда ҳаракатланаётган ипдаги бурамларни ҳисоблаш дастури яратилган;
модификациялаш қурилмаси айланиш частотаси ва уни машинада жойлашиш ўрнинг рационал парамертлари кўп омилли регрессион  моделлар таҳлиллари асосида аниқланган;
IV. Тадқиқот натижаларининг жорий қилиниши: Модификацияланган йигирилган ип ишлаб чиқариш технологиясини такомиллаштириш бўйича олинган илмий натижалар асосида:
ҳалқали йигириш машиналарининг технологик имкониятларини ипга сохта бурам берувчи қурилма ёрдамида кенгайтирилиб модификацияланган йигирилган ип ишлаб чиқариш технологияси «Ўзтўқимачиликсаноат» уюшмаси таркибидаги “Agro Teks Alliance” МЧЖ ва “Navoiy fayzcom textile” МЧЖ корхоналарида (“Ўзтўқимачиликсаноат” уюшмасининг 2024-йил 15-ноябрдаги 03/25-3092- сонли маълумотномаси) жорий қилинган. Натижада янги конструкциядаги модификациялаш қурилмаси орқали йигирилган ипнинг узилишдаги узайиши 8,9 % ва солиштирма узилиш кучи 7,2 % га ортади ҳамда ипнинг умумий нотекислик 13,3% га, тукдорлик 9,8 % га пасайган.