Батирова Камолахон Юсуповнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Ўзбекистон Республикасида ИПОни ҳуқуқий тартибга солиш муаммолари”. 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар).
Диссертация мавзуси рўйхатга олинган рақам: В2022.2.PhD/Yu733.
Илмий маслаҳатчи: Гулямов Саид Саидаҳрорович, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.01.
Расмий оппонентлар: Мусаев Бекзод Турсунбоевич, юридик фанлар доктори, профессор; Назаров Юсуф Бозорович, юридик фанлар доктори.
Етакчи ташкилот: Ўзбекистон Республикаси Олий Мажлиси Қонунчилик палатаси ҳузуридаги Парламент тадқиқотлари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади бирламчи оммавий таклиф (ИПО)нинг ҳуқуқий асосларини такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
акциядорлик жамиятлари ИПО ўтказганлигига қараб, оммавий ва оммавий бўлмаган акциядорлик жамиятларига бўлиниши асослантирилган;
оммавий акциядорлик жамиятларига бўлган қўшимча молиявий, корпоратив бошқарув бўйича талаблар асослаб берилган;
фақатгина тижорат банклари ҳамда Ўзбекистон Республикаси резидентлари бўлган юридик шахслар ўртасида эмас, балки резидент жисмоний шахсларга ҳам давлат қимматли қоғозларини сотиб олишга рухсат бериш лозимлиги асослантирилган;
Ўзбекистон Республикаси номидан Молия вазирлиги ва Марказий банк томонидан чиқариладиган давлат облигация ва ғазначилик мажбуриятларини Ўзбекистон Республикасининг давлат қимматли қоғозларини чиқарилишларининг жойлаштирилиши, муомалада бўлиши ва сўндирилиши тартиби тўғрисидаги Низомда назарда тутилган ҳолда резидент жисмоний шахсларга татбиқ этилиши асослаб берилган.
IV. Тадқиқот натижаларининг жорий қилиниши.
Тадқиқот асосида олинган натижалар қуйидагиларда ўз ифодасини топган:
акциядорлик жамиятлар ИПО ўтказганлигига қараб, оммавий ва оммавий бўлмаган акциядорлик жамиятларига бўлиниши ҳақидаги таклифлар Ўзбекистон Республикаси Президентининг “Ўзбекистон Республикасининг фуқаролик қонунчилигини такомиллаштириш чора-тадбирлари тўгрисида” 2019-йил 5-апрелдаги Ф-5464-сон фармойишида назарда тутилган Ўзбекистон Республикасининг Фуқаролик кодекси биринчи қисм янги таҳрири лойиҳасининг 76-моддасини ишлаб чиқишда фойдаланилган (Ўзбекистон Республикаси Адлия вазирлиги Давлат хизматлари марказлари ва ФХДЁ органлари фаолиятини мувофиқлаштириш бошқармасининг 2024 йил 24 октябрдаги
24/1-1-сон далолатномаси). Ушбу таклифлар акциядорлик жамиятларининг бирламчи оммавий таклиф ўтказиши, оммавий акциядорлик жамиятларининг акциядорларини ҳуқуқ ва қонуний манфаатларини ҳимоя қилишга хизмат қилган;
оммавий акциядорлик жамиятларига бўлган қўшимча молиявий, корпоратив бошқарув бўйича талаблар ҳақидаги таклифлар Ўзбекистон Республикаси Президентининг “Ўзбекистон Республикасининг фуқаролик қонунчилигини такомиллаштириш чора-тадбирлари тўгрисида” 2019-йил 5-апрелдаги Ф-5464-сон фармойишида назарда тутилган Ўзбекистон Республикасининг Фуқаролик кодекси биринчи қисм янги таҳрири лойиҳасининг 77-моддасини ишлаб чиқишда фойдаланилган (Ўзбекистон Республикаси Адлия вазирлиги Давлат хизматлари марказлари ва ФХДЁ органлари фаолиятини мувофиқлаштириш бошқармасининг 2024 йил 24 октябрдаги
24/1-1-сон далолатномаси). Ушбу таклифлар акциядорлик жамиятларида бошқарувни такомиллаштириш бўйича қонунчиликдаги муаммоларни бартафар этишга хизмат қилган;
фақатгина тижорат банклари ҳамда Ўзбекистон Республикаси резидентлари бўлган юридик шахслар ўртасида эмас, балки резидент жисмоний шахсларга ҳам давлат қимматли қоғозларини сотиб олишга рухсат бериш лозимлиги ҳақидаги таклифлар Ўзбекистон Республикаси Вазирлар Маҳкамасининг 2022-йил 21-февралдаги  “Ўзбекистон Республикасининг давлат ғазначилик мажбуриятлари ва облигацияларини муомалага чиқаришни ташкил этиш чора-тадбирлари тўғрисида” 2018-йил 14-декабрдаги 1016-сон қарорига ўзгартириш ва қўшимчалар киритиш тўғрисида”ги 82-сонли қарори иловасининг 3-қисми в-бандини ишлаб чиқишда фойдаланилган (Ўзбекистон Ресбпуликаси Вазирлар Маҳкамасининг Макроиқтисодий таҳлил, таркибий ўзгартиришлар, молия-банк тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибиятининг 2023 йил 18 январдаги 04/18-01-23-сон далолатномаси). Мазкур таклифлар қимматли қоғозлар бозорида резидент жисмоний шахслар томонидан давлат қимматли қоғозларини сотиб олишнинг ҳуқуқий асосларини мустаҳкамлашга хизмат қилган;
Ўзбекистон Республикаси номидан Молия вазирлиги ва Марказий банк томонидан чиқариладиган давлат облигация ва ғазначилик мажбуриятларини Ўзбекистон Республикасининг давлат қимматли қоғозларини чиқарилишларининг жойлаштирилиши, муомалада бўлиши ва сўндирилиши тартиби тўғрисидаги Низомда назарда тутилган ҳолда резидент жисмоний шахсларга тадбиқ этилиши ҳақидаги таклифлар Ўзбекистон Республикаси Вазирлар Маҳкамасининг 2022-йил
21-февралдаги  “Ўзбекистон Республикасининг давлат ғазначилик мажбуриятлари ва облигацияларини муомалага чиқаришни ташкил этиш чора-тадбирлари тўғрисида” 2018-йил
14-декабрдаги 1016-сон қарорига ўзгартириш ва қўшимчалар киритиш тўғрисида”ги 82-сонли қарори иловасининг 3-қисми в-бандини ишлаб чиқишда фойдаланилган (Ўзбекистон Ресбпуликаси Вазирлар Маҳкамасининг Макроиқтисодий таҳлил, таркибий ўзгартиришлар, молия-банк тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибиятининг 2023-йил 18-январдаги 04/18-01-23-сон далолатномаси). Мазкур таклифлар қимматли қоғозлар бозорида иштирокчиларни кенгайтириш ва уларнинг ҳуқуқларини таъминлашга хизмат қилган.