Рахимов Ҳасан Абдусаитовичнинг

фалсафа доктори  (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): “Меҳмонхона хўжаликларида самарадорликни баҳолаш ва таҳлил қилишни такомиллаштириш”, 08.00.05–Хизмат кўрсатиш тармоқлари иқтисодиёти (иқтисодиёт фанлари).

Диссертация мавзуси рўйхатга олинган рақам: В2017.2.PhD/Iqt102.  

Илмий раҳбар: Пардаев Олим Мамаюнусович, иқтисодиёт фанлари доктори, доцент.

Диссертация бажарилган муассаса номи: Самарқанд иқтисодиёт ва сервис институти.

ИК фаолият кўрсатаётган муассаса номи, ИК рақами: Самарқанд иқтисодиёт ва сервис институти, DSс.27.06.2017.I.18.01.

Расмий оппонентлар:Эргашев Рахматулло Хидирович,иқтисодиёт фанлари доктори, профессор; Тўйчиев Алишер Жўраевич,иқтисодиёт фанлари доктори, профессор.

Етакчи ташкилот: Самарқанд давлат университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: меҳмонхона хўжаликлари самарадорлигини ошириш, уларни баҳолаш ва таҳлил қилиш йўлларини такомиллаштиришга қаратилган илмий-услубий таклиф ва амалий тавсияларни ишлаб чиқишдан иборат.

III. Тадқиқотнинг илмий янгилиги:

меҳмонхона хўжаликлари томонидан кўрсатиладиган хизматларнинг асосий йўналишларини қамраб оладиган ва уларнинг самардорлигини ифодалайдиган кўрсаткичларнинг таснифи таклиф қилинган;

меҳмонхоналар томонидан туристларга кўрсатиладиган хизматларнинг турларини чегарадан кутиб олиб, чегарагача кузатишни қамраб оладиган битта субъектнинг хусусий мулкига асосланган бошқаришнинг энг самарали йўлларидан бири “Меҳмондорчилик кластери”ни шакллантириш таклифи асосланган;

меҳмонхона хўжаликлари иқтисодий салоҳияти самарадорлигини ифодаловчи кўрсаткичлар таркиби жойлар сонини қўшган ҳолда такомиллаштирилган таснифи ишлаб чиқилган;

туризм ва меҳмонхона хўжаликлари самарадорлигини оширишнинг бевосита малакали кадрларга боғлиқлиги, ҳар бирига қўйиладиган талаблар, уларнинг ўзини сафарбар қилиши орқали меҳнат самарадорлигини ошириш имкониятлари “Ҳаммаси бир шахсда” концепциясидан фойдаланган ҳолда  асосланган.

IV. Тадқиқот натижаларининг жорий қилиниши.

Меҳмонхона хўжаликларида самарадорлик, уларни баҳолаш ва таҳлил қилишнинг назарий ва методологик асосларини такомиллаштириш бўйича олинган илмий натижалар асосида:

меҳмонхона хўжаликлари томонидан кўрсатиладиган хизматларнинг асосий йўналишларини қамраб оладиган ва уларнинг самарадорлигини ифодалайдиган кўрсаткичлар таснифи Ўзбекистон Республикаси Туризмни ривожлантириш давлат қўмитаси фаолиятига жорий этилган (Ўзбекистон Республикаси Туризмни ривожлантириш давлат қўмитасининг 2017 йил 11 декабрдаги 03-09/4322-сон маълумотномаси). Мазкур таклиф қўмитанинг 2017 йил 18 августдаги 120и/ч-сонли буйруғини амалга татбиқ қилишда, тегишли “йўл харита”ларини ишлаб чиқишда фойдаланилган бўлиб, унинг амалиётга жорий қилиниши меҳмонхона хўжаликларида кўрсатиладиган хизматлар самарадорлигига аниқ баҳо бериш ва уни ошириш бўйича таъсирчан бошқарув қарорларини қабул қилиш имконини берган;

меҳмонхоналар томонидан туристларга кўрсатиладиган хизматларнинг турларини чегарадан кутиб олиб, чегарагача кузатишни қамраб оладиган битта субъектнинг хусусий мулкига асосланган бошқаришнинг энг самарали йўлларидан бири “Меҳмондорчилик кластери”ни шакллантириш таклифи Ўзбекистон Республикаси Туризмни ривожлантириш давлат қўмитаси фаолиятига жорий этилган (Ўзбекистон Республикаси Туризмни ривожлантириш давлат қўмитасининг 2017 йил 11 декабрдаги 03-09/4322-сон маълумотномаси). Мазкур таклиф қўмитанинг 2017 йил 14 февралдаги 21-сонли буйруғи орқали амалиётда фойдаланиш учун қабул қилинган бўлиб, туризм соҳасидаги тадбиркорлар туристларга кўрсатиладиган хизматларнинг барча жараёнларини ўзлари ҳисобидан хусусий мулк асосида ташкил қилиш орқали юқори самарадорликка эришилган;

меҳмонхона хўжаликлари иқтисодий салоҳиятининг таркиби, улар самарадорлигини ифодаловчи кўрсаткичлар тизими, таснифи ва баҳолаш орқали самарадорликни оширишнинг ички имкониятларини аниқлаш ва улар асосида тегишли бошқарув қарорларини қабул қилиш усуллари юзасидан ишлаб чиқилган тавсиялар Ўзбекистон Республикаси Туризмни ривожлантириш давлат қўмитаси амалиётида фойдаланилган (Ўзбекистон Республикаси Туризмни ривожлантириш давлат қўмитасининг 2017 йил 11 декабрдаги 03-09/4322-сон маълумотномаси). Ушбу тавсияни амалиётга жорий қилиш натижасида меҳмонхона хўжаликлари иқтисодий салоҳияти самарадорлигини ифодаловчи кўрсаткичлар таркиби жойлар сонини қўшиб ҳисоблаш ва моддий-техника асосларидан самарали фойдаланиш бўйича бошқарув қарорларини қабул қилиш имкониятига эга бўлган;

меҳмонхона хўжаликлари самарадорлигини кадрлар салоҳияти ва малакасига боғлиқлигини инобатга олиб, уларга қўйиладиган талаблар, кадрларни сафарбар қилиш орқали меҳнат самарадорлигини ошириш имкониятлари, уларни баҳолаш ва тўғри қарор қабул қилиш йўллари Ўзбекистон Республикаси Туризмни ривожлантириш давлат қўмитаси амалиётида фойдаланилган (Ўзбекистон Республикаси Туризмни ривожлантириш давлат қўмитасининг 2017 йил 11 декабрдаги 03-09/4322-сон маълумотномаси). Мазкур таклифнинг амалиётга жорий қилиниши ходимларнинг ўзини сафарбар қилиб бирданига бир қанча касбларни эгаллаш орқали меҳнат самарадорлигини ошириш ва меҳмонхона хўжаликларига ҳам фойда келтириш имкониятини яратган.