Курбанова Дилшода Уткуровнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертасия мавзуси, ихтисослик шифри (илмий даража бериладиган тармоғи номи): «Компютер ГАТ технологиялари асосида геологик жараёнларни моделлаштириш ва уларнинг Олмалиқ-Ангрен тоғ-маъдан майдонидаги геоморфологик хусусиятлари билан боғлиқлиги», 04.00.01 – Умумий ва минтақавий геология (геология-минералогия фанлари).
Диссертасия мавзуси рўйхатга олинган рақам: В2023.3.PhD/GM190.
Илмий раҳбар: Садикова Лола Ренатовна, геология-минералогия фанлари доктори.
Диссертасия бажарилган муассаса номи: Геология ва геофизика институти.
ИК фаолият кўрсатаётган муассаса номи, ИК рақами: Геология ва геофизика институти, DSc.24/30.10.2020.GM.125.01.
Расмий оппонентлар: Турапов Мирали Камалович, геология-минералогия фанлари доктори, профессор; Петров Максим Анатолиевич, геология-минералогия фанлари номзоди.
Етакчи ташкилот: Ўзбекистон Миллий университети..
Диссертасия йўналиши: назарий ва амалий аҳамиятга молик.
II. Тадқиқотнинг мақсади: Олмалиқ-Ангрен тоғ-маъдан майдони геоморфологик хусусиятларини аниқлаш орқали сочма олтин конлари ҳосил бўлиши учун қулай тузилма-геоморфологик холатларни ГАТ тизимида моделлаштиришдан иборат.
III. Тадқиқотнинг илмий янгилиги:
релефнинг табиатини акс эттирувчи турли тартибли базис юзалардаги фарқ асосида релефнинг геоморфологик модели ишлаб чиқилган;
Олмалиқ-Ангрен тоғ-маъдан майдони релефининг ривожланиши тарихида алювиал турдаги олтин маъдан сочмаларининг шаклланиши ва ривожланиш даврлари учун асосий учта босқичи ажратилган;
иккита таърифдан: горизонтал (оқим зичлиги) ва вертикал релеф бўлинишида намоён бўлган релефнинг бўлиниш даражаси кўрсаткичлари аниқланган;
алювиал генезисдаги олтин маъданлашув жойлашувини башорат қилиш учун тизимли геоморфометрик таҳлил ва геостатистик қурилмалардан фойдаланган ҳолда, илк бора морфометрик хариталарни автоматлаштирилган тарзда яратишни ўз ичига олган усул ишлаб чиқилган.
IV. Тадқиқот натижаларининг жорий қилиниши. Компютер ГАТ технологиялари асосида геологик жараёнларни моделлаштириш ва уларнинг Олмалиқ-Ангрен тоғ-маъдан майдонидаги геоморфологик хусусиятлари билан боғлиқлигини илмий асослаш бўйича олинган илмий натижалар асосида:
Олмалиқ-Ангрен тоғ-маъдан майдонининг тузилма-геоморфологик хусусиятлари “Ўзбек геология қидирув” АЖ нинг амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 8 январдаги 08-0096-сонли маълумотномаси). Натижада, келгусида қилинадиган геологик қидирув ишлари ёʻналишларини белгилаш имконини берган;
Компютер ГАТ тизимида бажарилган геологик жараёнларни рақамли моделлаштириш “Ўзбек геология қидирув” АЖнинг геологик қидирув ишлари амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 8 январдаги 08-0096-сонли маълумотномаси). Натижада, моделлаштиришдан олинган натижалар геология-қидирув ишларини самарали режалаштириш имконини берган;
Сочма маъданлашув шаклланиши зоналарини башоратлаш ва линямент таҳлили материаллари “Ўзбек геологияси қидирув” АЖнинг геологик қидирув ишлари амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 8 январдаги 08-0096-сонли маълумотномаси). Натижада, сочма олтинга ажратилган истиқболли майдонларда келгусида бажариладиган геологик-қидирув ишларини йўналишини белгилаш имконини берган.
