Абдуллаев Фаёз Раҳмонқул ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Натрий перкарбонат ишлаб чиқаришда аралаштириш жараёнини жадаллаштириш ва аралаштиргич қурилмасини такомиллаштириш», 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: В2024.2.PhD/Т4597.
Илмий раҳбар: Абдурахмонов Олим Рустамович, техника фанлари доктори, профессор.
Диссертация бажарилган муассасалар номи: Тошкент кимё-технология институти.
ИК фаолият кўрсатаётган муассаса номи, ИК рақами: Бухоро муҳандислик-технология институти, DSc 03/28.02.2022.Т101.01.
Расмий оппонентлар: Мирзаев Шавкат Мустакимович, техника фанлари доктори, профессор; Султанов Сардор Худойбердиевич, техника фанлари бўйича фалсафа доктори (PhD).
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: натрий перкарбонатни аралаштириш жараёнини жадаллаштириш ва аралаштиргич қурилмасини такомиллаштиришдан иборат.
III. Тадқиқотнинг илмий янгилиги:
аралаштиргич қурилмасида суюқ фазани пуркаб берувчи форсункаларни қўллаб, таркибида фаол кислород миқдори 14,8 %  бўлган натрий перкарбонат олиш илмий асосланган;
натрий перкарбонат таркибидаги фаол кислород миқдори максимум 14,8 % бўлишини таъминлаш учун аралаштиргич қурилмасида бешбурчак шаклдаги парракда аралаштириш жараёнида парракларнинг айланиш частотаси 120 айл/мин, аралаштириш вақти 15 мин ва аралашма ҳарорати 15℃ тенг бўлган мақбул режими ишлаб чиқилган;  
аралаштиргич қурилмасида вертикал тўсиқли совитувчи қобиқларни қўллаб, сувнинг иссиқлик бериш коеффисиенти ошиши ҳамда натрий перкарбонат аралашмасини керакли ҳароратда совитиш мумкинлиги илмий асосланган;
қуруқ сочилувчан маҳсулот, калсинацияланган сода (натрий карбонат) ва суюқ маҳсулотлар: водород пероксид, сувни аралаштириб, сифатли натрий перкарбонат ишлаб чиқадиган аралаштиргич қурилмаси конструксияси ишлаб чиқилган.
IV. Тадқиқот натижаларининг жорий қилиниши. Натрий перкарбонат ишлаб чиқаришда аралаштириш жараёнини жадаллаштириш ва аралаштиргич қурилмани такомиллаштириш бўйича олинган илмий натижалар асосида:
ишлаб чиқилган аралаштиргич қурилма “Ўзбекнефтгаз” АЖ Муборак газни қайта ишлаш заводида ишлаб чиқаришга жорий қилинган (“Ўзбекнефтгаз” АЖ Муборак газни қайта ишлаш заводининг 2024 йил  8 июлдаги 654/ҒК-07-сон маълумотномаси). Натижада, импорт эвазига олиб келинадиган бактериялардан ва микроорганизмлардан тозаловчи реагентларни  маҳаллийлаштириш имконини берган;
қуруқ ва суюқ фазаларни аралаштириш ва совутиш жараёнинини амалга оширувчи аралаштиргич қурилмасини қўллаш орқали натрий перкарбонат олиш усули  “Ўзбекнефтгаз” АЖ Муборак газни қайта ишлаш заводида ишлаб чиқаришга жорий қилинган (“Ўзбекнефтгаз” АЖ Муборак газни қайта ишлаш заводининг 2024 йил 8 июлдаги 654/ҒК-07-сон маълумотномаси). Натижада, таркибида фаол кислород миқдори 14,8 %  бўлган натрий перкарбонат олиш имконини берган.