Жўраев Элдор Исроиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Охирги ишлаш давридаги конларда геологик-физик ва технологик кўрсаткичларнинг нефт олиш жараёнига таъсири даражасини ўрнатиш», 04.00.13 – Нефт ва газ конларини ўзлаштириш ҳамда ишлатиш  (техника фанлари).
Диссертация мавзуси рўйхатга олинган рақам: B2020.3.PhD/Т1794.
Илмий раҳбар: Агзамов Аваз Хамидиллаевич  техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: “ЎЗЛИТИНЕФТГАЗ” АЖ, DSc.23/25.08.2021.Т.136.01.
Расмий оппонентлар: Назаров Азизбек Улугбекович, техника фанлари доктори; Асадова Хулкар Боймановна, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: турли геологик ва физик шароитдаги объектлар гуруҳлари учун нефт чиқариб олиш коеффициентининг геологик-статистик моделларини яратишдан иборат.
III. Тадқиқотнинг илмий янгилиги:
карбонат ва терриген жинсли кичик қовушқоқ ва карбонат жинсли юқори қовушқоқ нефтли объектларда геологик омилларнинг НЧОК катталигига таъсири 70% дан ортиқлиги асосланган;
газ ости нефт уюмларида геологик омилларнинг НЧОК га таъсири 60% дан кам бўлиши ва объектларни ишлатиш самарадорлигига технологик омиллар таъсирининг ортиши исботланган;
уюмларнинг ҳамма геологик-физик шароитларида НЧОК катталигига энг катта таъсирни маҳсулдор қатламларнинг геологик турлилигини кўрсатиши исботланган;
озод коеффициенти катта кўрсатгичли геологик-статистик моделларда НЧОК катталигини кичик оралиқда ўзгариб геологик ва технологик омилларнинг таъсир улушининг камайиши асосланган.
IV. Тадқиқот натижаларининг жорий қилиниши. Охирги ишлаш давридаги конларда геологик-физик ва технологик кўрсаткичларнинг нефт олиш жараёнига таъсири даражасини ўрнатиш бўйича олинган илмий натижалар асосида:
сўнгги ишлатиш босқичидаги қудуқлар тўрини зичлаштириш бўйича тавсиялар “САНЕГ” ҚК МЧЖ нинг Шимолий Ўртабулоқ конида жорий этилган (“САНЕГ” ҚК МЧЖ нинг 2024 йил 8 ноябрдаги 001-0001-2964-2024-сонли маълумотномаси). Натижада, йиллик нефт қазиб чиқариш сур'ати 0,96% дан 1,14% га ва нефт чиқариб олиш коеффициенти 3,8% га ошириш имконини берган;
ишлаб чиқилган нефт чиқариб олиш коеффисиентининг геологик-статистик моделлари “САНЕГ” ҚК МЧЖ нинг конларида жорий этилган (“САНЕГ” ҚК МЧЖ нинг 2024 йил 8 ноябрдаги 001-0001-2964-2024-сонли маълумотномаси).Натижада, нефт олиш суръатини ва чиқариб олиш коеффициентини ошириш бўйича дастур ишлаб чиқиш имконини берган.