Юсупов Абдисалим Бобомурод ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Песчаное ва Таушан конлари олтин маъданларининг минералогияси (Марказий Қизилқум)”, 04.00.08 – Минералогия. Кристаллография (геология-минералогия фанлари).
Диссертация мавзуси рўйхатга олинган рақам: В2023.4.PhD/GM209.
Илмий раҳбар: Карабаев Маматхан Садирович, геология-минералогия фанлари доктори, профессор.
Диссертация бажарилган муассаса номи: Геология ва геофизика институти ДМ.
ИК фаолият кўрсатаётган муассаса номи, ИК рақами: Минерал ресурслар институти ДМ ҳузуридаги DSc.24/30.12.2019.GM.40.01 рақамли илмий кенгаш асосидаги бир марталик илмий кенгаш.
Расмий оппонентлар: Мамарозиков Усмонжон Довронович, геология-минералогия фанлари доктори; Тангиров Абдимутал Исамитдинович, геология-минералогия фанлари бўйича фалсафа доктори (PhD).
Етакчи ташкилот: “Ўзбек геология қидирув” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Песчаное ва Таушан конларидаги олтин маъданлашувининг моддий таркиби, минерал парагенезислари ва улардаги асосий минералларнинг типоморф хусусиятларини аниқлашдан иборат.
III. Тадқиқотнинг илмий янгилиги:
Песчаное ва Таушан конларидаги олтин маъданлашувининг минералогик хусусиятлари аниқланган ва уларнинг маҳсулдор минерал ассоциациялари ажратилган;
минерал таркиби ва уларинг типоморф хусусиятларига кўра Таушан кони маъданлашуви маъдан ҳосил бўлишнинг нисбатан эрта, Песчаное кони эса - ўрта ва кечки босқичларига хос эканлиги аниқланган;
илк бор Песчаное ва Таушан конларининг олтин маъданлари таркибида ушбу конлар учун бир қатор янги минераллар аниқланиб,  уларнинг ўзига хос белгилари ажратилган;
маъданларда олтин ва унга ҳамроҳ элементларнинг геокимёвий тарқалиш хусусиятлари ҳамда минералогик таркиблари ўзаро таққосланиб олтин маъданлашувининг қидирув белгилари ишлаб чиқилган.
IV. Тадқиқот натижаларининг жорий қилиниши. Песчаное ва Таушан конларининг олтин маъданлашувининг минералогияси бўйича олинган натижалар асосида:
Қулжуқтов ва Ауминза тоғларидаги Таушан ва Песчаное конлари олтин маъданлари макро- ва микроминерал таркиби, турлари ва минерал парагенезислари бўйича хулосалар “Ўзбек геология қидирув” АЖ амалиётига жорий қилинган (Тоғ-кон саноати ва геология вазирлигининг 2024 йил 12 мартдаги 08-0923-сон маълумотномаси). Натижада, қидирув ишларида маъдан турларининг батафсил минерал таркибини аниқлашга имкон берган;
Песчаное ва Таушан конлари маъданлашув зоналарида олтин ва унга ҳамроҳ элементларнинг учраш шакллари ва тарқалиш хусусиятлари бўйича хулосалар “Ўзбек геология қидирув” АЖ амалиётига жорий қилинган (Тоғ-кон саноати ва геология вазирлигининг 2024 йил 12 мартдаги 08-0923-сон маълумотномаси). Натижада, олтин маъданларини турларга ажратишда ва улар намоён бўлган майдонлар чегараларига аниқлик киритиш имконини берган;
тадқиқот майдонларида ажратилган минералогик ва геокимёвий қидирув-башоратлаш белгилари тўплами “Ўзбек геология қидирув” АЖ амалиётига жорий қилинган (Тоғ-кон саноати ва геология вазирлигининг 2024 йил 12 мартдаги 08-0923-сон маълумотномаси). Натижада, Қулжуқтов ва Ауминза тоғларида олиб борилаётган қидирув ишлари амалиётида олтин маъданлашувига истиқболли майдонларни аниқлаш имконини берган.