Юлдашова Нилуфар Зиябаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармогʻи номи): “Рақамли иқтисодиёт шароитида агросервис хизматлари самарадорлигини оширишнинг ташкилий-иқтисодий механизмлари”, 08.00.05 –“Хизмат кўрсатиш тармоқлари иқтисодиёти”, 08.00.04 –“Қишлоқ хўжалиги иқтисодиёти”
Диссертация мавзуси роʻйхатга олинган рақам: B2021.3.PhD/Iqt 1784.
Илмий раҳбар: Холиқулов Анвар Нематович, иқтисодиёт фанлари номзоди, профессор.
Диссертация бажарилган муассаса номи: Самарқанд иқтисодиёт ва сервис институти.
ИК фаолият кўрсатаётган муассаса номи, ИК рақами: Самарқанд иқтисодиёт ва сервис институти, PhD.03/28.02.2022.I.18.01.
Расмий оппонентлар: Эргашев Рахматилла Хидирович, иқтисодиёт фанлари доктори, профессор; Мардонов Баходир  Бахронович иқтисодиёт фанлари доктори, профессор.
Етакчи ташкилот: Самарқанд агроинновациялар ва тадқиқотлар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Рақамли иқтисодиёт шароитида агросервис хизматлари самарадорлигини оширишнинг ташкилий-иқтисодий механизмларини такомиллаштириш бўйича амалий таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
        агросервис хизматлари бўйича олимларининг олиб борилган тадқиқотларини ўрганиб, тараққиёт стратегияси талабларига мос “агросервис соҳасида ташкилий-иқтисодий механизмлар”, “агросервис хизматлари”, “агросервис соҳаси самарадорлиги”, “агросервис соҳаси рентабеллиги” тушунчаларининг таърифлари такомиллаштирилган;
         рақамли иқтисодиёт талабларидан келиб чиқиб, агросервисда хизмат кўрсатувчи корхонларнинг молиявий-хўжалик фаолияти самарадорлигини ифодаловчи кўрсаткичлар тизимлаштирилган ва уларга таъсир қилувчи омилларнинг функсионал боғлиқлигини инобатга олиб, аниқлаш йўллари такомиллаштирилган;
         агросервис хизматларини иқтисодий мазмуни ва бажарилиш жойига қараб илк бор гуруҳлаштирилган, уларнинг ҳажмини кўпайтириш ва сифатини яхшилашга қаратилган ташкилий ва иқтисодий механизмлар такомиллаштирилган;
         агросервис корхоналари сони ва агросервис соҳасига киритиладиган инвестицияларнинг агросервис хизматларига таъсирини корреляцион таҳлил қилиш натижасида, мамлакатимизда агросервис хизматларини 2024-2029 йилларга кутиладиган ҳажмини прогнозлаш имконини берувчи алгоритм ишлаб чиқилган;
IV. Тадқиқот натижаларининг жорий қилиниши. Агросервис хизматлари самарадорлигини ошириш бўйича олинган илмий натижалар асосида:
         Услубий ёндашувга кўра, рақамли иқтисодиёт шароитида агросервис хизматлари самарадорлигини оширишда тараққиёт стратегияси талабларига мос “агросервис хизматлари”, “агросервис соҳаси самарадорлиги”, “агросервис соҳаси рентабеллиги” тушунчаларининг  такомиллаштирилган таърифлари илмий тавсияларда кенг ёритилган (Ўзбекистон Республикаси Адлия Вазирлиги ҳузуридаги интелектуал мулк агентлигидан 23.04.2024 йилда № ДГУ 37152-сонли гувоҳнома). Ушбу илмий янгиликнинг амалиётга жорий этилиши натижасида, агросервисда хизмат кўрсатувчи субъектларга, ушбу сохада тадкикот ишларини олиб бораётган изланувчиларга, талабаларга  такомиллаштирилган таърифлар асосида билим ва кўникмаларни шакллантириш имкони яратилган.
         Тадқиқот ишининг илмий хулоса ва назарий-услубий ишланмалардан вилоятимиз қишлоқ хўжалиги корхоналарига кўрсатилаётган агросервис хизматларининг назарий асосларини тадқиқ этишда, агросервис хизматлари самарадорлигини ҳисоблаш тизимини такомиллаштиришда Ўзбекистон Республикаси қишлоқ хўжалиги вазирлиги Самарқанд вилоят қишлоқ хўжалиги бошқармаси, Самарқанд вилоят “Агросервис МТП” маъсулияти чекланган жамияти  агросервис хизматларининг самарадорлигини ошириш бўйича таклифларни ўрганиш учун қўлланилган (Ўзбекистон Республикаси Адлия Вазирлиги ҳузуридаги интелектуал мулк агентлигидан 23.04.2024 йилда № ДГУ 37152-сонли гувоҳнома, 23.04.2024й; Ўзбекистон Республикаси Қишлоқ Хўжалиги Вазирлигининг 2024 йил 28 май 05/06-02-379-сонли маълумотномаси, Самарқанд вилоят қишлоқ хўжалиги бошқармасининг 2023 йил 14 ноябрдаги 01/031-1461-сонли маълумотномаси, Самарқанд вилоят “Агросервис МТП” маъсулияти чекланган жамиятнинг 2023 йил 13 ноябрдаги маълумотномаси).
          Агросервис хизматлари самарадорлигини аниқлашда Й = 0,000113156*СКИ+30.7015 иқтисодий жиҳатдан мазмунга эга бўлган регрессия тенгламаси тузилиб,  мамлакатда агросервис хизматлари ҳажмининг кейинги олти йиллик прогнозини ишлаб чиқишда фойдаланиланиш таклифи Ўзбекистон Республикаси Қишлоқ Хўжалиги Вазирлиги Самарқанд вилоят қишлоқ хўжалиги бошқармаси, Самарқанд вилоят “Агросервис МТП” маъсулияти чекланган жамияти томонидан агросервис соҳасига киритилаётган инвестициялар ҳажмини ихтиёрий фоизга ошириш натижасида агросервис хизматлари ҳажмини прогнозини қилишда фойдаланилган (Ўзбекистон Республикаси Адлия Вазирлиги ҳузуридаги интелектуал мулк агентлигидан 23.04.2024 йилда № ДГУ 37152-сонли гувоҳнома, 23.04.2024й; Ўзбекистон Республикаси Қишлоқ Хўжалиги Вазирлигининг 2024 йил 28 май 05/06-02-379-сонли маълумотномаси, Самарқанд вилоят қишлоқ хўжалиги бошқармасининг 2023 йил 14 ноябрдаги 01/031-1461 -сонли маълумотномаси, Самарқанд вилоят “Агросервис МТП” маъсулияти чекланган жамиятнинг 2023 йил 13 ноябрдаги маълумотномаси). Ушбу таклифнинг жорий қилиниши агросервиснинг ривожланиши, агросервисда самарадорликни оширишда қўлланилган.