Мирсаидов Мираббосхон Миржалолхоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Жамиятда маънавий-маърифий ишлар самарадорлигини оширишнинг инновасион механизмлари (ижтимоий-фалсафий таҳлил)” 09.00.04 – Ижтимоий фалсафа (фалсафа фанлари).
Диссертация мавзуси рўйхатга олинган рақам: B2023.1.PhD/Fal905
Диссертация бажарилган муассаса номи: Наманган давлат университети.
ИК фаолият кўрсатаётган муассаса (муассасалар) номи, ИК рақами: Наманган давлат университети PhD.03/30.04.2021.F.76.06.
Илмий раҳбарнинг Ф.И.Ш. илмий даражаси ва унвони: Назаров Насриддин Атакулович фалсафа фанлари доктори (DSc),  профессор.
Расмий оппонентлар: Дехканов Наримон Бухонжонович сиёсий фанлар доктори (DSc), профессор; Норқулов Дўстмурод Тошпўлатович фалсафа фанлари доктори, профессор.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади. Жамиятда маънавий-маърифий ишлар самарадорлигини оширишга таъсир этувчи омилларни ўрганиб, ахлоқий тарбияни юксалтиришга хизмат қилувчи инновацион механизмларни аниқлашдан иборат.
III. Тадқиқотнинг илмий янгилиги:
“Маънавият ва жамият маънавияти” тушунчалари бугунги кун реалликлари асосида таҳлил этилиб, маънавий-маърифий ишлар самарадорлиги миллий юксалишни таъминлаш омили эканлиги, миллий ахлоқнинг инсонпарварликка йўналтирилган гуманистик моҳияти ижтимоий-фалсафий жиҳатдан очиб берилган;
Янги Ўзбекистон шароитида маънавий-маърифий ишлар ва уларнинг самарадорлигини ошириш механизмлари илгари сурилиб, баркамол ёшлар фаолиятини оптималлаштиришда тарбиявий-ахлоқий омиллардан самарали фойдаланиш усуллари, маънавий-маърифий фаолиятнинг жамият аъзолари креативлигини шакллантиришдаги ўрни далилланган;
жамиятни модернизациялаш шароитида  ёшлар ташаббусларини рўёбга чиқаришда ғоявий омилларнинг ўрни ва уларнинг ижтимоий даврга хос трансформациясининг эволюсияси, яни миллий тикланишдан миллий юксалиш сари гояси, бугунги кунда эса ягона халқ, ягона ватан ғояларини ижтимоий тафаккурга сингдириш йўл ва усуллари кўрсатилган;
маънавий-маърифий ишлар самарадорлигини таъминлашда инновацион ёндашув, чунончи уч авлод учрашуви, Марказий Осиё Республикалари ёшлари билан Онлайн учрашувлар ташкил этиш бўйича амалий таклифлар, назарий хулосалар ишлаб чиқилган ва амалиётга жорий қилиш имкониятлари исботланган.
IV.Тадқиқот натижаларининг жорий қилиниши. Жамиятда маънавий-маърифий ишлар самарадорлигини оширишнинг инновацион механизмини ижтимоий-фалсафий таҳлили бўйича ишлаб чиқилган таклифлар асосида:
“Маънавият ва жамият маънавияти” тушунчаларининг бугунги маънавий янгиланишлар шароитидаги консептуал таҳлили, жамиятнинг маънавий янгиланишлар шароитида социал ҳодисаларнинг ўзаро умумий қонуниятлари ва тенденсияларига боғлиқлиги доир таклиф ва тавсияларидан Республика маънавият ва маърифат марказининг 2022-йилда “Маънавий ва маърифий ишлар самарадорлигини ошириш ва соҳани ривожлантириш бўйича чора-тадбирлар дастури” ИВ-йўналишига оид Ёшларда юксак маънавий фазилатлар, катталарга ҳурмат, ёшларга ғамҳўрлик, эзгулик ва инсонийлик, меҳрибонлик ва бағрикенглик, ватан ва халқига садоқат туйғуларини шакллантириш мақсадида “Аждодларга муносиб ворис бўлайлик” мавзусида танлов сенарийсини ишлаб чиқиш, ОАВ ҳамда ижтимоий тармоқларда тарғиб қилиш, шунингдек, 7-банд “Янги Ўзбекистоннинг Маънавий тараққиёт стратегияси” 8-банд “Янги Ўзбекистон-маърифатли жамият” консепсиясини амалга ошириш бўйича йўл харитаси лойиҳасини тайёрлашда фойдаланилди (Республика маънавият ва маърифат марказининг 2023-йил 12-декабрдаги № 02-12/1410-сон далолатномаси). Натижада, жамиятнинг маънавий янгиланишлар шароитида социал ҳодисаларнинг ўзаро умумий қонуниятлари ва тенденсияларини очиб беришга хизмат қилган;
Янги Ўзбекистон шароитидаги маънавий-маърифий ишлар самарадорлигини ошириш, социумда ҳодиса ва жараёнлар ижтимоий таъсирчанлиги ва креатив-тарбиявий  аҳамиятини юксалтириши орқали, жамиятда мавжуд ахлоқий меʼёрлар баркамол шахс фаолиятини оптималлаштиришнинг ҳаётий зарурият сифатидаги фалсафий жиҳатлари очиб беришга оид хулоса ва тавсияларидан Ўзбекистон Республикаси ёшлар сиёсати ва спорт вазирлиги ҳузуридаги Ёшлар ишлари Агентлиги фаолиятида фойдаланилган (Ёшлар ишлари Агентлигининг 2023-йил 7-ноябрдаги 1-17-21-3212-сонли маълумотномаси). Натижада, ёшларда ғоявий иммунитетни ривожлантириш, ахлоқий тамойилларни барқарорлаштириш, уларнинг ижтимоий аҳволини яҳшилаш ва касбий билим-кўникмаларини ривожлантиришга хизмат қилган;
глобаллашув шароитида жамиятнинг маънавий хавфсизлигини таъминлаш аҳолида ватанпарварлик туйғулари ва давлатга бўлган ишончни мустаҳкамлаш орқали давлат ва жамият ўртасидаги миллий номутаносиблик ва бегоналашув жараёнларини енгиб ўтишини таъминловчи рационал омилларига доир  илмий ва назарий хулосаларидан Ички ишлар вазирлигининг 2023-йил 1-июндаги “Янги Ўзбекистон ёшлари бирлашайлик шиори остида ёшлар ойлигини ўтказиш тўғрисида”ги 157-сон фармойиши ва уларни амалга ошириш бўйича чора тадбирлар дастури лойиҳасини тайёрлаш “Янги Ўзбекистон ёшлари, бирлашайлик!” шиори остидаги ИИИ республика ёшлар форумида ҳамда 2023-йил 10-апрелдаги 186-сон буйруғи асосида 2023-йил 27-28-сентябр кунлари ИИВ Академиясида ўтказилган “Йилнинг энг яҳши мураббийи” кўрик-танловини ўтказишда диссертация материалларидан фойдаланилган (Ички ишлар вазирлигининг 2023-йил 7-ноябрдаги 2/2946-сонли маълумотномаси). Натижада, давлатга бўлган ишончни мустаҳкамлаш, ички ишлар органлари ходимларини айниқса ёш ходимларни касбий тайёргарлик давомида, уларни малакасини ошириш ва қайта тайёрлов курсларида фойдаланишга хизмат қилган.
ёш авлоднинг маънавий-ахлоқий қиёфасини шакллантиришда миллий тарихий-маънавий қадриятлар миллий ғурурнинг уйғонишини таъминлаш заруриятини келтириб чиқаришига доир таклиф ва тавсияларидан Ўзбекистон “Миллий тикланиш” демократик партиясининг 2020-2024-йилларга мўлжалланган сайловолди дастурида келтирилган “Давлат ҳокимияти ва бошқарувини янада демократлаштириш, муʼнавий баркамол фуқаролик жамиятини ривожлантиришнинг устивор йўналишлари” соҳасидаги вазифаларни амалга оширишда фойдаланилди (Миллий тикланиш демократик партияси Марказий кенгашининг 2023-йил 23-октябрдаги 02/02-60-сонли маълумотномаси). Натижада, ёшларда миллий ўзликни англашнинг ўсиши, миллий ғурур, Ватанга садоқат ва муҳаббат туйғусини шакллантиришга ҳамда партия тизимидаги ходимларнинг сиёсий, маънавий-маърифий йўналишдаги билим ва кўникмаларини ошириш, ўқув-услубий, мафкуравий тарғибот ишларини такомиллаштиришга хизмат қилган.