Эмбергенова Анжим Айдосбаевнанинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Инновацион иқтисодиётга ўтиш шароитида туризм соҳаси ривожланишини бошқаришни такомиллаштириш (Қорақалпоғистон Республикаси мисолида)”,08.00.13 – “Менежмент”  ва 08.00.17 –“Туризм ва меҳмонхона фаолияти” (иқтисодиёт фанлари).
Диссертация мавзуси руйхатга олинган рақам:Б2021.4.PhD/Iqt1933
Илмий раҳбарининг Ф.И.Ш., илмий даражаси ва унвони: Ташматов Рустам Хусанович, иқтисодиёт фанлари доктори, профессор.
Диссертация бажарилган муассаса номи: Бердақ номидагиҚорақалпоқ давлат университети.
ИК фаолият кўрсатаётган муассаса номи, ИК рақами: Бердақ номидаги Қорақалпоқ давлат университети, PhD.03/30.01.2020.I.20.06.
Расмий оппонентлар: Арабов Нурали Уралович, иқтисодиёт фанлари доктори, профессор; Матякубов Азамат Жуманазарович, иқтисодиёт фанлари бўйича фалсафа доктори (PhD), доцент.
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади инновацион иқтисодиётга ўтиш шароитида минтақада туризмнинг самарали ривожланишини бошқаришни такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
туризмда инновацион фаолиятни маҳсулот, технологик ва бошқарув инновациялари самарадорлигини саёҳат хизматлари меҳнат унумдорлигига кўра уйғун ривожлантириш бўйича ёндашувнинг иқтисодий жиҳатдан мақсадга мувофиқлиги асосланган;
минтақанинг ўзига хос табиий-иқлим шароити, туристик ресурслари, ижтимоий-демографик каби хусусиятлари ва туристик хизмат кўрсатиш имкониятларига кўра экстремал туризмнинг тоғ, сув, ҳаво, қуруқликдаги, экзотикага оид турларини ривожлантиришнинг мақсадга мувофиқлиги асосланган;
Қорақалпоғистон Республикасида туристик фирмалар ва ташкилотлар сонини 2030-йилгача бўлган даврга ўзгаришларининг прогноз кўрсаткичлари ишлаб чиқилган;
Қорақалпоғистон Республикасида туризм соҳасини 2030-йилгача бўлган даврга ривожлантиришнинг прогноз кўрсаткичлари ишлаб чиқилган.
IV. Тадқиқот натижаларининг жорий қилиниши:
туризмда инновацион фаолиятни маҳсулот инновациялари, технологик инновациялар ҳамда бошқарув инновациялар уйғунлигида ривожлантириш бўйича берилган таклиф Қорақалпоғистон Республикаси Иқтисодиёт ва молия вазирлиги ҳамда Қорақалпоғистон Республикаси Туризм бошқармаси амалиётига татбиқ этилган (Қорақалпоғистон Республикаси Иқтисодиёт ва молия вазирлигининг 2024-йил 30-апрелдаги РС/0105/34-сон ҳамда Қорақалпоғистон Республикаси Туризм бошқармасининг 2024-йил 30-апрелдаги 01-06/03-638-сон маълумотномалари). Мазкур таклиф туризм функсиялари (бандликни таʻминлаш, тўлов балансини соғломлаштириш, табақалаштириш, даромадни шакллантириш, такрор ишлаб чиқариш) ва минтақавий ривожланиш омилларининг (табиий-географик, маданий-тарихий, демографик, ижтимоий-иқтисодий, моддий-техник, сиёсий) ўзаро алоқада ривожланиш имконияти яратилган;
минтақанинг ўзига хос табиий-иқлим шароити, туристик ресурслари, ижтимоий-демографик каби хусусиятлари ва туристик хизмат кўрсатиш имкониятларига кўра экстремал туризмнинг тоғ, сув, ҳаво, қуруқликдаги, экзотикага оид турларини ривожлантириш таклифлари Қорақалпоғистон Республикаси Туризм бошқармаси амалиётига татбиқ этилган (Қорақалпоғистон Республикаси Туризм бошқармасининг 2024-йил 30-апрелдаги 01-06/03-638-сон маълумотномаси). Таклифнинг амалиётга жорий этилиши минтақада янги туризм турларини кенгайтириш ва соҳани ривожлантиришга муайян даражада хизмат қилган;
Қорақалпоғистон Республикасида туристик фирмалар ва ташкилотлар сонини 2030-йилгача бўлган даврга ўзгаришларининг прогноз кўрсаткичларидан Қорақалпоғистон Республикаси Иқтисодиёт ва молия вазирлиги ҳамда Қорақалпоғистон Республикаси Туризм бошқармаси томонидан “2022–2026-йилларда Қорақалпоғистон Республикасида туризм соҳасини ривожлантиришнинг мақсадли кўрсаткичлари”ни ишлаб чиқишда фойдаланилган (Қорақалпоғистон Республикаси Иқтисодиёт ва молия вазирлигининг 2024-йил 30-апрелдаги РС/0105/34-сон ҳамда Қорақалпоғистон Республикаси Туризм бошқармасининг 2024-йил 30-апрелдаги 01-06/03-638-сон маълумотномалари). Мазкур прогноз кўрсаткичлари минтақанинг барча ҳудудларида туризм соҳасида хизмат кўрсатувчи ташкилотларни ташкил этиш ва улар томонидан хизмат кўрсатиш қамровини кенгайтириш ҳисобига эришишга муайян даражада хизмат қилган;
Қорақалпоғистон Республикасида туризм соҳасини 2030-йилгача бўлган даврга ривожлантиришнинг прогноз кўрсаткичларидан Қорақалпоғистон Республикаси Иқтисодиёт ва молия вазирлиги ҳамда Қорақалпоғистон Республикаси Туризм бошқармаси томонидан “2022–2026-йилларда Қорақалпоғистон Республикасида туризм соҳасини ривожлантиришнинг мақсадли кўрсаткичлари”ни ишлаб чиқишда фойдаланилган (Қорақалпоғистон Республикаси Иқтисодиёт ва молия вазирлигининг 2024-йил 30-апрелдаги РС/0105/34-сон ҳамда Қорақалпоғистон Республикаси Туризм бошқармасининг 2024-йил 30-апрелдаги 01-06/03-638-сон маълумотномалари). Мазкур прогноз кўрсаткичлари минтақада туризм соҳасини ривожлантиришнинг прогноз параметрларини илмий жиҳатдан асослашга ва ички имкониятлардан самарали фойдаланишга муайян даражада хизмат қилган.