Radjabov Tirkash Avazovichning
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Ba’zi bo‘lakli o‘zgarmas argumentli xususiy hosilali differensial tenglamalar echimi haqida”, 01.01.02 – Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2023.4.PhD/FM950
Dissertatsiya bajarilgan muassasa nomi: Sharof Rashidov nomidagi Samarqand davlat universiteti.
IK faoliyat ko‘rsatayotgan muassasa nomi, IK raqami: Samarqand davlat universiteti huzuridagi DSc.30/30.12.2019.FM.02.01 raqamli Ilmiy kengash.
Ilmiy rahbar: Mo‘minov Muhiddin Eshqobilovich, fizika-matematika fanlari doktori (DSc), dotsent.
Rasmiy opponentlar: Xalmuxamedov Alimdjan Raximovich, fizika-matematika fanlari doktori, professor, Bozorov Islom Namozovich fizika-matematika fanlari nomzodi, dotsent.
Yetakchi tashkilot: Buxoro davlat  universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi bo‘lakli o‘zgarmas argumentli xususiy hosilali differensial tenglamalar echimlarini bo‘lakli o‘zgarmas argumentli oddiy differensial tenglamalar echimlari va ularning xususiyatlari yordamida tadqiq qilishdan iborat.
III. Tadqiqotning ilmiy yangiligi quyidagilardan iborat:  
koeffisientlari o‘zgarmas bo‘lgan bo‘lakli o‘zgarmas argumentli oddiy differensial tenglamalar echimlarining mavjudlik shartlari va analitik echimlari koeffisientlarga bog‘liq ravishda topilgan;
koeffisientlari vaqtga bog‘liq bo‘lgan bo‘lakli o‘zgarmas argumentli oddiy differensial tenglamalarning echimga ega emasligi, chekli yoki cheksiz ko‘p davriy echimlarga ega bo‘lishi koeffisientlarga bog‘liq ravishda isbotlangan;
koeffisientlari o‘zgarmas bo‘lgan bo‘lakli o‘zgarmas argumentli xususiy hosilali differensial tenglamalar echimlarining mavjudlik shartlari koeffisientlarga bog‘liq ravishda topilgan;
koeffisientlari vaqtga bog‘liq bo‘lgan bo‘lakli o‘zgarmas argumentli xususiy hosilali differensial tenglamalar echimga ega emasligi, chekli yoki cheksiz ko‘p echimlarga ega bo‘lishi koeffisientlarga bog‘liq ravishda isbotlangan.
IV. Tadqiqot natijalarining joriy qilinishi. Bo‘lakli o‘zgarmas argumentli xususiy hosilali differensial tenglamalar echimlari uchun olingan natijalar asosida:
bo‘lakli o‘zgarmas argumentli differensial tenglamalarni echishda foydalanilgan usul №6679/2023 raqamli Chennay “Dengizchilik ta’limi va kadrlar tayyorlash akademiyasi” universitetining ilmiy loyihasida bo‘lakli o‘zgarmas argumentli ikkinchi tartibli xususiy hosilali differensial tenglamalarni sonli echishda qo‘llanilgan (Hindiston, Chennay “Dengizchilik ta’limi va kadrlar tayyorlash akademiyasi” universitetining 2024-yil 19-iyuldagi ma’lumotnomasi). Olingan natijalar echimning mavjudligi va yagonaligi mezonlarini olish imkonini bergan;
koeffisientlari o‘zgarmas bo‘lgan bo‘lakli o‘zgarmas argumentli xususiy hosilali differensial tenglamalar echimlarining mavjudlik shartlaridan IL-21071166 (2022-2024 yy.) “Shamolning past tezligi uchun mo‘ljallangan vertikal o‘qli shamol turbinasini yaratish” mavzusidagi innovatsion loyihada shamol turbinalarining samarali parametrlarini aniqlash maqsadida tuzilgan matematik model tenglamalarida foydalanilgan (O‘zbekiston Respublikasi Fanlar akademiyasi Mexanika va inshootlar seysmik mustahkamligi institutining 2024-yil 8-iyuldagi 851-3-son ma’lumotnomasi). Olingan natijalar model parametrlarining mumkin bo‘lgan qiymatlari chegarasini aniqlash imkonini bergan.