Раджабов Тиркаш Авазовичнинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Баъзи бўлакли ўзгармас аргументли хусусий ҳосилали дифференциал тенгламалар ечими ҳақида”, 01.01.02 – Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: Б2023.4.PhD/FM950
Диссертация бажарилган муассаса номи: Шароф Рашидов номидаги Самарқанд давлат университети.
ИК фаолият кўрсатаётган муассаса номи, ИК рақами: Самарқанд давлат университети ҳузуридаги DSc.30/30.12.2019.FM.02.01 рақамли Илмий кенгаш.
Илмий раҳбар: Мўминов Муҳиддин Эшқобилович, физика-математика фанлари доктори (DSc), доцент.
Расмий оппонентлар: Халмухамедов Алимджан Рахимович, физика-математика фанлари доктори, профессор, Бозоров Ислом Намозович физика-математика фанлари номзоди, доцент.
Етакчи ташкилот: Бухоро давлат  университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади бўлакли ўзгармас аргументли хусусий ҳосилали дифференциал тенгламалар ечимларини бўлакли ўзгармас аргументли оддий дифференциал тенгламалар ечимлари ва уларнинг хусусиятлари ёрдамида тадқиқ қилишдан иборат.
III. Тадқиқотнинг илмий янгилиги қуйидагилардан иборат:  
коеффициентлари ўзгармас бўлган бўлакли ўзгармас аргументли оддий дифференциал тенгламалар ечимларининг мавжудлик шартлари ва аналитик ечимлари коеффициентларга боғлиқ равишда топилган;
коеффициентлари вақтга боғлиқ бўлган бўлакли ўзгармас аргументли оддий дифференциал тенгламаларнинг ечимга эга эмаслиги, чекли ёки чексиз кўп даврий ечимларга эга бўлиши коеффициентларга боғлиқ равишда исботланган;
коеффициентлари ўзгармас бўлган бўлакли ўзгармас аргументли хусусий ҳосилали дифференциал тенгламалар ечимларининг мавжудлик шартлари коеффициентларга боғлиқ равишда топилган;
коеффициентлари вақтга боғлиқ бўлган бўлакли ўзгармас аргументли хусусий ҳосилали дифференциал тенгламалар ечимга эга эмаслиги, чекли ёки чексиз кўп ечимларга эга бўлиши коеффициентларга боғлиқ равишда исботланган.
IV. Тадқиқот натижаларининг жорий қилиниши. Бўлакли ўзгармас аргументли хусусий ҳосилали дифференциал тенгламалар ечимлари учун олинган натижалар асосида:
бўлакли ўзгармас аргументли дифференциал тенгламаларни ечишда фойдаланилган усул №6679/2023 рақамли Ченнай “Денгизчилик таълими ва кадрлар тайёрлаш академияси” университетининг илмий лойиҳасида бўлакли ўзгармас аргументли иккинчи тартибли хусусий ҳосилали дифференциал тенгламаларни сонли ечишда қўлланилган (Ҳиндистон, Ченнай “Денгизчилик таълими ва кадрлар тайёрлаш академияси” университетининг 2024-йил 19-июлдаги маълумотномаси). Олинган натижалар ечимнинг мавжудлиги ва ягоналиги мезонларини олиш имконини берган;
коеффициентлари ўзгармас бўлган бўлакли ўзгармас аргументли хусусий ҳосилали дифференциал тенгламалар ечимларининг мавжудлик шартларидан ИЛ-21071166 (2022-2024 йй.) “Шамолнинг паст тезлиги учун мўлжалланган вертикал ўқли шамол турбинасини яратиш” мавзусидаги инновацион лойиҳада шамол турбиналарининг самарали параметрларини аниқлаш мақсадида тузилган математик модел тенгламаларида фойдаланилган (Ўзбекистон Республикаси Фанлар академияси Механика ва иншоотлар сейсмик мустаҳкамлиги институтининг 2024-йил 8-июлдаги 851-3-сон маълумотномаси). Олинган натижалар модел параметрларининг мумкин бўлган қийматлари чегарасини аниқлаш имконини берган.