Дўстова Фируза Хамроевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Фрикцион муфтали тикув машиналари динамик тавсифларининг технологик жараёнга таъсири” мавзусидаги диссертация ишини 05.02.03 – “Технологик машиналар. Роботлар, мехатроника ва робототехника тизимлари” (техника фанлари)
Диссертация мавзуси рўйхатга олинган рақам: В2021.3.PhD/T2387.
Илмий раҳбар: Бабаджанов Сабит Хусанович, техника фанлари номзоди, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентлар: Жуманиязов Қадам Жуманиязович, техника фанлари доктори, профессор; Ибрагимов Фарход Хайруллоевич, техника фанлари фалсафа доктори, доцент.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: Тикув машинасининг ишга тушиш аниқлигини ва юкланиш қобилиятини ошириш учун куч таъсирида алоҳида туташувчи фрикцион муфтани такомиллаштиришдан иборат.
III. Тадқиқотнинг илмий янгилиги:
тикув машинаси қайишқоқ элементли фрикцион муфтасининг принципиал схемаси ишлаб чиқилиб, ишга тушириш аниқлигининг ошгани ҳисобига таъминловчи муфтанинг ишқаланувчи жуфтликларида туташув кучланишларининг тақсимланиш қонуниятлари олинган;
бериладиган юкланишларнинг барқарорлигини ошириш ҳисобига тикув машинаси фрикцион муфта ишқаланувчи жуфтликларида куч таъсиридаги туташув жараёни аналитик асосланган;
юкламани узатишда фрикцион муфта энг юқори барқарорликка эга бўладиган юкланиш характеристикасини таъминлай олиши исботланиб, асосий валнинг бурама тебранишлари катталиклари, ишқаланиш қоэффициенти ва фрикцион муфта ишқаланувчи жуфтликлари туташув кучланишлари тақсимотининг ўзаро боғлиқлиги аниқланган;
тикув машинасининг такомиллаштирилган резинали амортизатор қўлланилган фрикцион муфтани конструктив ва технологик кўрсаткичларининг рационал қийматлари тўлиқ факторли тажриба усули ёрдамида матрицалар тузиш ҳамда таҳлил қилиш асосида ишлаб чиқилган.
IV. Тадқиқот натижаларининг жорий қилиниши: Диссертацияда тикув машинаси фрикцион муфтасини такомиллаштириш бўйича олинган илмий ва амалий натижалар асосида:
тикув машинасининг юритмасига интеллектуал мулк агентлигининг фойдали моделига патент олинган (Тикув машинасининг юритмаси.
UZ № FAP 02019. 2022-й.), натижада тикув машинаси фрикцион муфтасининг самарали конструкцияси яратилган;
тикув машинасининг ўтувчи режимда ишлашини яхшиловчи ва тебранишларни сўндирувчи қайишқоқ элементли фрикцион муфтанинг янги конструкцияси яратилиб, “URGENCH CLUSTER” МЧЖ тасарруфидаги тикув ишлаб чиқариш корхонасига жорий этилган (“Ўзтўқимачиликсаноат” уюшмасининг 20 май 2024 - йилдаги №03/25-1051сонли маълумотномаси). Илмий тадқиқот натижаларининг ишлаб чиқаришга жорий этилиши натижасида игна ипининг узилишлари ва тикув игнасининг синишлари 25%га камайишини таъминлайди, бу орқали электроэнергияни сарфини ҳам камайишига эришилган.