Гиясова Дилфуза Раджабовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Янги ассортиментдаги тўқимачилик ипини олиш технологиясини ишлаб чиқиш”, 05.06.02 – “Тўқимачилик материаллари технологияси ва хомашёга дастлабки ишлов бериш”
Диссертация мавзуси рўйхатга олинган рақам: B2023.1.PhD/Т1166
Илмий раҳбар:Хамраева Сановар Атоевна, техника фанлари доктори, профессор
Диссертация бажарилган муассаса номи:
Бухоро муҳандислик- технология институти.
ИК фаолият кўрсатаётган муассаса номи, ИК рақами:
Бухоро муҳандислик-технология институти, PhD.03/29.10.2021.Т.101.03
Расмий оппонентлар: Бухоро муҳандислик-технология институти доценти, техника фанлари номзоди, Қурбанов Фазлиддин Аминович (05.06.02-Тўқимачилик материаллари технологияси ва хомашёга дастлабки ишлов бериш), “Пахтасаноат илмий маркази” АЖ Бош директорнинг илмий ишлар ва инновация бўйича биринчи ўринбосари, профессор, техника фанлари доктори, Жуманиязов Қадам Жуманиязович (05.06.02-Тўқимачилик материаллари технологияси ва хомашёга дастлабки ишлов бериш).
Етакчи ташкилот:  Наманган тўқимачилик саноат институти.
 Диссертация йўналиши: амалий аҳамиятга молик.
II. Тадқиқотнинг мақсади: маҳаллий ва кимёвий хомашёларнинг оптимал таркибини танлаш асосида янги ассортиментдаги тўқимачилик ипини олиш технологиясини ишлаб чиқиш ҳамда унинг сифатини оширишдан иборат.
III. Тадқиқотнинг илмий янгилиги:
маҳаллий жун, пахта ва полиефир толаларнинг оптимал улуш фоизи танланган ва ип сифатини яхшилаш мақсадида толаларни аралаштиришда сулфанол НП-3, глицерин ва моноетаноламид таркибли эмулсияни қўллаш ва тцилиндрлари такомиллаштирилган пилталаш машинасидаги чўзиш асбобидан фойдаланиш натижасида ипларнинг нотекислиги камайтирилган янги ассортиментдаги ип олиш технологияси ишлаб чиқилган;
ипнинг нотекислигини камайтириш учун пилталаш машинасининг чўзиш асбоби ўрта тцилиндрнинг ўйиқ чизиқли рифлялари йўналишини  биринчи ва учинчи тцилиндр рифлялари йўналишига мослаштириб, иккинчи тцилиндрнинг ўйиқ чизиғининг оғиш бурчагини 40 дан 4057'га ўзгартириш асосида  такомиллаштирилган;
тўлиқ омилли тажриба натижалари асосида кириш омиллари таъсирида турли таркибли толалар аралашмасидан олинган тўқимачилик иплари узиш кучининг ўзгаришини регрессион моделлари кичик квадратлар усулини қўллаш орқали олинган;
маҳаллий жун, пахта ва полиефир толалардан муайян хоссали янги ассортиментдаги ип ишлаб чиқаришда камеранинг айланиш тезланиши, ипнинг пишитилганлиги, ипнинг чиқиш тезликлари технологик параметрларининг оптимал қийматлари асосланган.
IV. Тадқиқот натижаларининг жорий қилиниши.Турли маҳаллий хомашё ва полиефир аралаш таркибли тўқимачилик ипи ишлаб чиқариш самарадорлигини ошириш бўйича олинган натижалар асосида:
 маҳаллий жун, пахта ва полиефир тола аралашмали тўқимачилик ип олишни  Бухоро шаҳридаги “Ўзбекистон кўзи ожизлар жамияти қошидаги  ўқув ишлаб чиқариш” корхонасида ишлаб чиқаришга жорий этилган (“Ўзтўқимачиликсаноат” уюшмасининг 2023 йил 21 августдаги №03/25-1835-сон маълумотномаси). Натижада, ипнинг мутаҳкамлигини 15% гача оширишга эришилган;
турли таркибли толалар улуши фоизини танлаш асосида 50 тексли ип ишлаб чиқариш технологияси Бухоро шаҳридаги “Сагдиана Текс Пром Инвест” МЧЖ корхонасида ишлаб чиқаришга жорий этилган («Ўзтўқимачиликсаноат» уюшмасининг 2023 йил 21 августдаги №03/25-1835-сон маълумотномаси). Жун, пахта ва полиефир толалар аралашмали ип олиш эвазига ипнинг  узилишини 18%га камайтириш имконияти яратилган.