Хуррамова Зилола Ғайратовнанинг
фалсафа доктори (PhD) диссертацияси ҳимояси ҳақида эълон

I.  Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёнғоқ мағизини саралаш машинаси конструксиясини такомиллаштириш ва параметрларини асослаш” 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2023.3.PhD/Т3993.
Илмий раҳбар: Мирзаев Отабек Абдирахимович, техника фанлари бўйича фалсафа доктори, доцент.
Диссертация бажарилган муассаса (муассасалар) номи: Андижон машинасозлик институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: техника фанлари доктори, профессор Игамбердиев Аскар Кимсанович (05.07.01),  техника фанлари номзоди, профессор, Худоёров Анваржон Назиржонович (05.07.01), техника фанлари бўйича фалсафа доктори, доцент Мамадалиев Махаммаджон Хабибуллаевич (05.07.01), техника фанлари бўйича фалсафа доктори, доцент Муродов Рахимжон Хакимжонович тайинланган.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ёнғоқ мағзини ўлчамлари бўйича саралайдиган такомиллашган машина конструксясини ишлаб чиқиш ва параметрларини асослашдан иборат.        
III.  Тадқиқотнинг илмий янгилиги:
ёнғоқ мағзини саралиш машинасини геометрик ўлчам бўйича саралайдиган, доира кўринишидаги туйниклар билан жиҳозланган конструксияси билан таъминлаш орқали такомиллаштирилган.
саралаш машинасида тебранма ҳаракатланиш характеристикалари мағизларнинг геометрик ва динамик параметрлари орасидаги аналитик боғланишлар 2-тур Лагранж теналамалари асосида аниқланган;  
элакнинг горизонтал йўналишга нисбатан ўрнатилиш бурчаги ва частотаси тебранувчи элакнинг тебраниш частотаси ва амплитудасига боғлиқлига аналитик боғланишлар асосида аниқланган;
саралаш юзасининг тебранма ҳаракатдаги амплитудаси саралаш аниқлиги ва унумдорлигига боғлиқлиги регрессия тенгламалар асосида аниқланган.
IV. Тадқиқот натижаларининг жорий қилиниши. Ёнғоқ мағизини саралаш машинаси конструксиясини такомиллаштириш ва параметрларини асослаш бўйича олинган натижалар асосида:
ишлаб чиқилган ёнғоқ мағизни саралаш машинасининг тажрибавий нусхаси Андижон вилоятидаги “МЎЖИЗА САВДО ПЛЮС” МЧЖ ва “Исмоил ҳожи” боғдорчилик фермер хўжаликларида жорий қилинган (Ўзбекистон Республикаси Қишлоқ хўжалиги вазирлигининг 2024-йил 17-январдаги 06/27-05/234-сон маълумотномаси). Натижада ишлаб чиқилган машинада саралаш жараёни унумдорлик кўрсаткичи 300 кг/соатни ташкил этган. Мағизни саралаш жараёнида саралаш аниқлиги 97 % бўлишга эришилган. Мағизни саралаш машинасини жорий этиш натижасида бир ойда 17,8 млн. фойда олишга эришилган.