Бойқўзиева Гулсанамхон Адхамовна
Иқтисодиёт фанлари бўйича фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):
“Қайта ишлаш саноат корхоналари фаолиятини  бошқаришнинг ташкилий–иқтисодий механизмларини такомиллаштириш”,
08.00.13 – Менежмент, 08.00.03 – Саноат иқтисодиёти (иқтисодиёт фанлари).
Диссертация мавзуси рўйхатга олинган рақам:B2023.4.PhD/Iqt2637
Илмий раҳбар: Ханкелдиева Гузал Шеровна,.иқтисод фанлари доктори, профессор.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Андижон давлат университети, DSc.03/30.12.2019.I.60.03
Расмий оппонентлар: Арипов Ойбек Абдуллаевич иқтисодиёт фанлари доктори, профессор;  Абдумўминов Ахрорбек Ахатжонович, иқтисодиёт фанлари фалсафа доктори, доцент;
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Қайта ишлаш саноат корхоналари фаолиятини бошқаришнинг ташкилий-иқтисодий механизмларини такомиллаштиришда  илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
    Фарғона, Олтиариқ, Қува туманларидаги қайта ишлаш саноати корхоналари рақобатбардошлик даражасини ошириш имкониятларини аниқлаш асосида бошқарувининг инновацион ёндашув асосидаги ташкилий-иқтисодий механизмлари такомиллаштирилган;
    Қайта ишлаш саноати корхоналари фаолиятини бошқаришнинг тармоқ манфаатларини таъминловчи “ўзаро таъсирли ривожланиш занжирлари”ни шакллантириш-нинг интеграцион фаол тизимига асосланган алгоритми ишлаб чиқилган;
    Қайта ишлаш саноати корхоналари бошқарув фаолиятини такомиллаштириш мақсадида “комплекс назоратни мувофиқлаштирувчи марказ”лар ташкил этиш таклиф этилган;
    Қишлоқ хўжалиги маҳсулотларини қайта ишлаш тармоғи асосий ривожланиш тенденсияларидаги натижавий кўрсаткичларнинг кўп омилли эконометрик модели асосида 2027 - йилга қадар прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Қайта ишлаш саноат корхоналари фаолиятини бошқаришнинг ташкилий-иқтисодий механизмларини такомиллаштириш бўйича олинган илмий натижалар асосида:
Фарғона, Олтиариқ, Қува туманларидаги қайта ишлаш саноати корхоналари рақобатбардошлик даражасини ошириш имкониятларини аниқлаш асосида бошқарувининг инновацион ёндашув асосидаги ташкилий-иқтисодий механизмлари такомиллаштирилган таклифидан фойдаланиш натижасида (“Ўзбекистон Республикаси Қишлоқ хўжалиги вазирлиги”нинг 2023-йил 19-июлдаги 05/34-05/3562-сонли маълумотномаси) корхоналар рақобатбардошлигини белгиловчи кўрсаткичлар тизими корхоналарда бошқарув фаолияти таҳлилини такомиллаштиришга ҳамда инвестицион лойиҳаларни амалга оширилиш муддатларини мунтазам мониторингини амалга ошириш асосида самарали бошқарув қарорларини қабул қилинишига хизмат қилган.  
Қайта ишлаш саноати корхоналари фаолиятини бошқаришнинг тармоқ манфаатларини таъминловчи “ўзаро таъсирли ривожланиш занжирлари”ни шакллантириш-нинг интеграцион фаол тизимига асосланган алгоритми ишлаб чиқилганлиги тўғрисидаги таклифидан фойдаланиш натижасида, (“Ўзбекистон Республикаси Қишлоқ хўжалиги вазирлиги”нинг 2023-йил 19-июлдаги 05/34-05/3562-сонли маълумотномаси) қишлоқ хўжалиги маҳсулотларини этиштирувчи корхоналар фаолиятини ривожлантиришда оператив ва бошқарув кўрсаткичларининг ўзгаришини тавсифловчи параметрлари аниқланган ҳамда қулай ташкилий-иқтисодий ҳолатга ўтиш аниқлиги 10-12 %га ортган.
Қайта ишлаш саноати корхоналари бошқарув фаолиятини такомиллаштириш мақсадида “комплекс назоратни мувофиқлаштирувчи марказ”лар ташкил этиш таклифи натижасида, (“Ўзбекистон Республикаси Қишлоқ хўжалиги вазирлиги”нинг 2023-йил 19-июлдаги 05/34-05/3562-сонли маълумотномаси) қишлоқ хўжалиги маҳсулотларини этиштириш корхоналари фаолиятини бошқаришни такомиллаштириш, рақобатбардошлигини ошириш ҳамда соҳа ривожланишидаги тараққиёт стратегияларини ишлаб чиқишга хизмат қилади;
Қишлоқ хўжалиги маҳсулотларини қайта ишлаш тармоғи асосий ривожланиш тенденсияларидаги натижавий кўрсаткичларнинг кўп омилли эконометрик модели асосида 2027 - йилга қадар прогноз кўрсаткичлари ишлаб чиқилганлиги тўғрисидаги илмий янгиликни амалиётга жорий этиш натижасида, (“Ўзбекистон Республикаси Қишлоқ хўжалиги вазирлиги”нинг 2023-йил 19-июлдаги 05/34-05/3562-сонли маълумотномаси) соҳа корхоналари фаолиятини бошқариш омиллари таъсирида ўрта муддат учун омилларнинг прогноз қийматларининг фоиздаги мутлоқ хатолик чегараси ±0,55 % гача қисқарган.
Юқоридаги келтирилган илмий таклиф ва амалий тавсиялар қишлоқ хўжалиги маҳсулотларини қайта ишлаш саноати корхоналарини бошқаришни такомиллаштириш ва ривожлантиришга қаратилган бўлиб, тармоқ фаолиятини такомиллаштиришга доир амалий тадбирларни, қисқа ва узоқ муддатларга мўлжалланган стратегия ва дастурларни ишлаб чиқишда кенг фойдаланиш мумкин ҳамда мазкур соҳа фаолиятини комплекс ривожлантириш учун хизмат қилади.