Rajabov Orzijon Mamasolievichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi):
“Raqamli texnologiyalar asosida logistika xizmatlari samaradorligini oshirish”, 08.00.05 – Xizmat ko‘rsatish tarmoqlari iqtisodiyoti.           
Dissertatsiya mavzusi ro‘yxatga olingan raqam: B2024.2.PhD/Iqt4026
Ilmiy rahbar: Sharipov To‘lqin Saidahmedovich, iqtisodiyot fanlari nomzodi, dotsent.
Dissertatsiya bajarilgan muassasa nomi: Samarqand iqtisodiyot va servis instituti.
IK faoliyat ko‘rsatayotgan muassasa nomi, IK raqami: Samarqand iqtisodiyot va servis instituti, PhD.03/28.02.2022.I.18.01
Rasmiy opponentlar: Samarqand iqtisodiyot va servis instituti professori, i.f.d. Komil Baxramovich Urazov, Ipak yo‘li turizm va madaniy meros universiteti  professori, i.f.d. Dilmurod Abdullaevich Nasimov
Yetakchi tashkilot: Samarqand davlat universiteti
Dissertatsiya yo‘nalishi: ilmiy va amaliy ahamiyatga molik.
II. Tadqiqotning maqsadi.
Raqamli texnologiyalar asosida logistika xizmatlari samaradorligini oshirish bo‘yicha taklif va tavsiyalar ishlab chiqishdan iborat.
III. Tadqiqotning ilmiy yangiligi:
raqamli texnologiyalar asosida logistika xizmatlari samaradorligini baholash yondashuvi logistika xizmatini ko‘rsatish jarayonini tashkil etishga sarflangan vaqt (tp) va xizmat ko‘rsatish shartlarining tabiati (ty) inobatga olingan holda uslubiy jihatdan “operatsion samaradorlik”, “texnik samaradorlik” va “iqtisodiy samaradorlik” natijalarini qiyosiy baholashga ko‘ra takomillashtirilgan;
logistika xizmatini ko‘rsatish tizimini raqamlashtirish jarayoni moddiy-axborot-moliyaviy oqimlar bo‘yicha logistika zanjirida bajariladigan operatsiya va funksiyalarga mos ravishda raqamli texnologiyalarni qo‘llashga ko‘ra takomillashtirilgan;
“aqlli” raqamli logistika xizmati tizimi logistika zanjirida mijozlarga xizmat ko‘rsatishda ustuvor darajada analitika va platformaga asoslangan holda an’anaviy biznes-infratuzilma provayderlar biznes-innovatsion biznes modellariga asoslanishiga ko‘ra takomillashtirilgan;
logistika xizmatlari samaradorligiga ta’sir etuvchi omillarni ekonometrik modellashtirish asosida, 2030-yilgacha moddiy oqim hajmini va unga mos tashish hamda saqlash xizmatlarini prognoz ko‘rsatkichlari ishlab chiqilgan.
IV. Tadqiqot natijalarining joriy qilinishi.
raqamli texnologiyalar asosida logistika xizmatlari samaradorligini baholash yondashuvi logistika xizmatini ko‘rsatish jarayonini tashkil etishga sarflangan vaqt (tp) va xizmat ko‘rsatish shartlarining tabiati (ty) inobatga olingan holda uslubiy jihatdan “operatsion samaradorlik”, “texnik samaradorlik” va “iqtisodiy samaradorlik” natijalarini qiyosiy baholashga ko‘ra takomillashtirish bo‘yicha taklif logistika xizmati ko‘rsatuvchi «Efe Inter Trans logistic» MChJ QK va «Vision Trans Logistic Plus» MChJ faoliyatiga joriy etilgan (Raqamli texnologiyalar vazirligining 2024 yil 25-oktyabrdagi 25.10-787-sonli, Samarqand viloyat hokimligining 2024 yil 11-oktyabrdagi 06-06/820-sonli ma’lumotnomalari).  Taklif raqamli texnologiyalar logistika xizmatlari samaradorligini aniq baholash imkoniyatini kengaytirishga muayyan darajada xizmat qilgan;
logistika xizmatini ko‘rsatish tizimini raqamlashtirish jarayoni moddiy-axborot-moliyaviy oqimlar bo‘yicha logistika zanjirida bajariladigan operatsiya va funksiyalarga mos ravishda raqamli texnologiyalarni qo‘llashga ko‘ra takomillashtirish taklifi logistika xizmatini ko‘rsatuvchi «Efe Inter Trans logistic» MChJ QK va «Vision Trans Logistic Plus» MChJ faoliyatiga joriy etilgan (Raqamli texnologiyalar vazirligining 2024 yil 25-oktyabrdagi 25.10-787-sonli, Samarqand viloyat hokimligining 2024 yil 11-oktyabrdagi 06-06/820-sonli ma’lumotnomalari). Ushbu taklifning joriy qilinishi natijasida logistika xizmat ko‘rsatish tizimini  raqamlashtirish asosida operatsion xarajatlar 12 foizgacha, shu jumladan transport xarajatlari 4 foiz, saqlash xarajatlarini 8 foizga qisqarishiga erishishga muayyan darajada xizmat qilgan;
“aqlli” raqamli logistika xizmati tizimi logistika zanjirida mijozlarga xizmat ko‘rsatishda ustuvor darajada alitika va platformaga asoslangan holda an’anaviy biznes-infratuzilma provayderlar biznes-innovatsion biznes modellariga asoslanishiga ko‘ra takomillashtirish bo‘yicha taklif logistika xizmatini ko‘rsatuvchi «Efe Inter Trans logistic» MChJ QK va «Vision Trans Logistic Plus» MChJ faoliyatiga joriy etilgan (Raqamli texnologiyalar vazirligining 2024 yil 25-oktyabrdagi 25.10-787-sonli, Samarqand viloyat hokimligining 2024 yil 11-oktyabrdagi 06-06/820-sonli ma’lumotnomalari). Ushbu taklifning amaliyotga joriy qilinishi raqamli logistika xizmat ko‘rsatish tizimida bajariladigan barcha jarayonlarni raqamli texnologiyalar asosida boshqarish, axborotlarni tahlil qilish va logistika operatsiyalarini raqamli muhitda bajarishga xizmat qilgan;
logistika xizmatlari samaradorligiga ta’sir etuvchi omillarni ekonometrik modellashtirish asosida, 2030-yilgacha moddiy oqim hajmini va unga mos tashish hamda saqlash xizmatlarini prognoz ko‘rsatkichlaridan Respublikada transport va logistikani rivojlantirish dasturlarini ishlab chiqishda foydalanilgan (Raqamli texnologiyalar vazirligining 2024 yil 25-oktyabrdagi 25.10-787-sonli, Samarqand viloyat hokimligining 2024 yil 11-oktyabrdagi 06-06/820-sonli ma’lumotnomalar). Ushbu taklifning joriy qilinishi logistika xizmatlarini rivojlantirishning istiqboldagi asosiy ko‘rsatkichlari o‘rtasidagi o‘zaro muvofiqlikni ta’minlash imkoniyatlarini yanada kengaytirishga muayyan darajada xizmat qilgan.