Фазлиева Нигина Тожиқуловнанинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Электролит системалар хроматографиясининг физик-кимёвий асослари», 02.00.04–Физик кимё (кимё фанлари).

Диссертация мавзуси рўйхатга олинган рақам: B2018.1.PhD/К93.

Илмий раҳбар: Мухамадиев Нурали Қурбоналиевич, кимё фанлари доктори, профессор.

Диссертация бажарилган муассаса номи: Самарқанд давлат университети.

ИК фаолият кўрсатаётган муассаса (муассасалар) номи, ИК рақами: Самарқанд давлат университети, PhD.28.02.2018.K.02.05.

Расмий оппонентлар: Холиқов Абдували Жонизоқович, кимё фанлари доктори, доцент; Сидиқов Абдужалил Сидиқович, кимё фанлари доктори, профессор.

Етакчи ташкилот: Ўзбекистон Миллий университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: электролит системалар хроматографиясининг физик-кимёвий асосларини «ионит-ионат-элюент» тизими гуруҳ ташкил этувчиларининг ўлчам, ўзаро таъсир энергияси ва заряд катталиклари асосланган моделлар ёрдамида баҳолашдан иборат.

III. Тадқиқотнинг илмий янгилиги:

ион хроматографиясида «ионит-ионат-элюент» ўлчам, ўзаро таъсир энергияси ва заряд параметрлари асосида ажралиш жараёнлари (назарий) асосланган;

«ионит-ионат-элюент» тизимида ажралиш жараёнини мақбуллаштиришнинг алгоритми ва унинг дастурий таъминоти ишлаб чиқилган;

исталган электролит системалар учун ионларни ажратиш алгоритми тузилган;

турли таркибдаги катионлар ва анионлар аралашмасини ажратишнинг мақбул шароитлари танланган ва турли сувлар, доривор ўсимликлар таркибидан ионлар миқдорлари аниқланган.

IV. Тадқиқот натижаларининг жорий қилиниши.

Электролит системалар хроматографиясининг физик-кимёвий асослари бўйича олинган илмий натижалар асосида:

электролит системалар таркибидан ионларни ион хроматографияси усулида аниқлаш услубияти «Самарқандкимё» АЖда амалиётга жорий этилган («Самарқандкимё» АЖнинг 2018 йил 22 октябрдаги 2-627/6-сон маълумотномаси). Натижада яратилган услубият бир вақтнинг ўзида битта намунадан бир нечта катион ва анионларни аниқлаш имконини берган;

сув таркибидан катионларни ион хроматографияси усулида аниқлаш услубияти «Diamond Glass» Ўзбекистон-Хитой қўшма корхонасида амалиётга жорий этилган («Diamond Glass» Ўзбекистон-Хитой қўшма корхонасининг 2018 йил 18 августдаги маълумотномаси).Натижада яратилган услубият бир вақтнинг ўзида битта намунадан бир нечта ионларни аниқлаш имконини берган;

электролит системалар таркибидан ионларни ион хроматографияси усулида аниқлаш услубияти «SAM ROS XOLOD» МЧЖ Ўзбекистон-Россия қўшма корхонасида амалиётга жорий этилган («SAM ROS XOLOD» МЧЖ Ўзбекистон-Россия қўшма корхонасининг 2018 йил 22 сентябрдаги 77-сон маълумотномаси). Натижада яратилган услубият бир вақтнинг ўзида битта намунадан бир нечта ионларни аниқлаш имконини берган.