Kudratov Bekzod Sherzodovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan tarmog‘i nomi): “Metallurgiya sanoati chiqindisi va polifunksional qo‘shimcha asosidagi kompleks modifikatsiyalangan beton”, 05.09.05 – “Qurilish materiallari va buyumlari” (texnika fanlari).
Dissertatsiya mavzusi ro‘yxatga olingan raqam: B2024.2.PhD/T4766.
Ilmiy rahbar: Kadirov Ilxom Abdullaevich texnika fanlari bo‘yicha falsafa doktori, dotsent
Dissertatsiya bajarilgan muassasa nomi: Toshkent davlat transport universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat transport universiteti huzuridagi DSc.15/31.08.2022.T.73.04 raqamli Ilmiy kengash
Rasmiy opponentlar: Xasanov Baxriddin Baratovich, texnika fanlari doktori, professor;  Amirov Tursoat Jumaevich texnika fanlari boʻyicha falsafa doktori, dosent
Yetakchi tashkilot: Jizzax politexnika instituti.
Dissertatsiya yo‘nalishi. Texnika yo‘nalishi. Nazariy va amaliy ahamiyatga molik.
II. Tadqiqotning maqsadi: temirbeton konstruksiyalarini kam qizidiriladigan yoki qizdirilmaydigan texnologiyalari yordamida ishlab chiqarish uchun M400 portlandsementi, metallurgiya sanoati chiqindisi va polifunksional qo‘shimcha asosidagi talab etilgan xossalar majmuiga ega bo‘lgan yangi avlod beton qorishmalari va betonlari tarkibini ishlab chiqishdan iborat.
III. Tadqiqotning ilmiy yangiligi:
ilk marotaba po‘lat eritish shlaki va polifunksional qo‘shimcha asosidagi kompleks modifikatorni qo‘llash orqali temirbeton buyumlari va konstruksiyalarni ishlab chiqarish uchun kam qizdiriladigan yoki qizdirilmaydigan texnologiyalar uchun mo‘ljallangan, talab etilgan xossalar majmuiga ega bo‘lgan beton qorishmasi va beton tarkibi ishlab chiqilgan;
beton tarkibida past faollikka ega bo‘lgan po‘lat eritish shlakidan  foydalanish ishqoriy muhitning zarur ko‘rsatkichlarini shakllantirishga yordam berishi hisobiga kechki ettringitlarni shakllanishiga yo‘l qo‘ymasligi haqidagi gipoteza asoslangan va tasdiqlangan;
taklif etilayotgan polifunksional kimyoviy modifikatordan foydalanish sement tizimi strukturasi shakllanish jarayonini tezlashtirishi orqali issiqlik-namlik bilan ishlov berish jarayonida izotermik qizdirish haroratini sezilarli darajada pasaytirishi hisobiga temirbeton buyum va konstruksiyalarni kam qizdiriladigan texnologiyalari yordamida ishlab chiqarish isbotlangan.
kompleks modifikasiyalangan beton tarkibida po‘lat eritish shlakining sement tizimining zarur ishqoriy ko‘rsatkichlarini saqlashi hisobiga temirbeton konstruksiyalardagi po‘lat armaturaning korroziyasiga ta’sir ko‘rsatmasligi isbotlangan.
IV. Tadqiqot natijalarining joriy qilinishi. Metallurgiya sanoati chiqindisi va polifunksional qo‘shimcha asosidagi kompleks modifikasiyalangan betonni o‘rganish bo‘yicha olingan ilmiy natijalari asosida:
B15 sinfidagi yig‘ma beton va temirbeton konstruksiyalarini ishlab chiqarish uchun kompleks qo‘shimchali optimal beton tarkibi "BINOKOR TEMIRBETON SERVIS" MChJ QK ishlab chiqarish korxonasida amaliyotga joriy etilgan ("O‘zsanoatqurilishmateriallari" uyushmasining 2024 yil 27 avgustdagi 04/13-2412-sonli ma’lumotnomasi). Natijada sement sarfini 1,25 barobarga tejash, muzlashga bardoshlilikni 3 markaga va betonning suv o‘tkazmasligini ikki sinfga oshirish imkonini bergan;
ishlab chiqilgan texnologik yo‘riqnoma “Texnologicheskaya instruksiya TI64-23394177-90:2024 po proizvodstvu betonnix blokov dlya sten podvalov po standartu O‘z DSt 778-97, s ispol`zovaniem kompleksno-modifisirovannogo betona na osnove mineral`nogo napolnitelya i polifunksional`noy dobavki” "BINOKOR TEMIRBETON SERVIS" MChJ QK ishlab chiqarish korxonasida amaliyotga joriy etilgan ("O‘zsanoatqurilishmateriallari" uyushmasining 2024 yil 27 avgustdagi 04/13-2412-sonli ma’lumotnomasi). Natijada olingan iqtisodiy samaradorlik qish mavsumida 1m3 beton uchun 118 243 so‘mni, yoz mavsumida esa 122 839 so‘mni tashkil etdi (2024 yil narxlarida). Kutilayotgan iqtisodiy samara 3000 ta blok uchun 296 mln. so‘mni tashkil qilgan (2024 yil narxlarida).