Якубов Нурбек Алишеровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри: “Ҳудудларда аҳоли турмуш даражасини мониторинг қилишнинг ўзига хос хусусиятлари  (Хоразм вилояти мисолида)”, 08.00.12 – “Минтақавий иқтисодиёт”(иқтисодиёт фанлари).
Диссертация мавзуси рўйхатга олинган рақам: B2023.1.PhD /Iqt1274.
Илмий раҳбарнинг Ф.И.Ш., илмий даражаси ва унвони: Ахмедов Турсун    Мухитович, иқтисодиёт фанлари доктори, (DSc) профессор.
Диссертация бажарилган муассаса номи: Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти.
ИК фаолият кўрсатаётган муассасалар номи, ИК рақами: Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти, DSc.14/30.12.2019.I.84.01.
Расмий оппонентлар: Эгамбердиев Фармонқул Турсунқулович, иқтисодиёт фанлари доктори, профессор; Отабоев Шерзодбек Худайберганович, фалсафа доктори (PhD).
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Хоразм вилоятида аҳоли турмуш даражасини мониторинг қилиш бўйича таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
вилоят ва туман марказларида, шаҳарлар ва қишлоқларда шаклланадиган эҳтиёж, корхона қуввати, ресурслар имконияти ва қурилиш қоидаларидан келиб чиққан ҳолда хизмат обектларини жойлаштиришни ҳудудлараро услуби такомиллаштирилган;
мамлакат бўйича инвесторнинг қиймати 200 миллиард сўмдан ошадиган, шундан ўз маблағлари улуши 25 фоиздан кам бўлмаган инвестиция лойиҳаларини зарур ташқи муҳандислик-коммуникация тармоқлари хизматлари билан таъминлашни Давлат бюджети маблағлари ҳисобидан қоплаш кўзда тутилгани ҳолда, ушбу кўрсаткичларни Хоразм вилояти, жумладан хизматлар соҳаси паст ривожланган туманлар учун мос равишда 50 миллиард сўм ва 20 фоиз қилиб белгилаш асосланган;
маҳаллада, айниқса қишлоқ жойларда ёшларни инновацион хизмат кўрсатиш соҳасига жалб қилишни фаоллаштиришда ёшлар етакчиларининг ойлик иш ҳақи хонадонлар сони 500 тагача бўлган маҳаллада – меҳнатга ҳақ тўлаш энг кам миқдорининг 5 баравари; хонадонлар сони 501 тадан 1000 тагача бўлган маҳаллада – 5,5 баравари; хонадонлар сони 1000 тадан ортиқ бўлган маҳаллада – 6 баравари миқдорида белгилаш юзасидан таклиф ишлаб чиқилган;
келажакда аҳолининг талабларидан келиб чиққан ҳолда вилоят ва унинг туманларида хизмат кўрсатиш соҳаларини 2030-йилгача устувор ривожлантиришнинг мақсадли параметрлари ишлаб чиқилган;  
IV. Тадқиқот натижаларининг жорий қилиниши.
Хоразм вилояти ҳудудларда аҳоли турмуш даражасини мониторинг қилишнинг ўзига хос хусусиятлари ва ундан самарали фойдаланиш бўйича таклифлар асосида:
вилоят ва туман марказларида, шаҳарлар ва қишлоқларда шаклланадиган эҳтиёж, корхона қуввати, ресурслар имконияти ва қурилиш қоидаларидан келиб чиққан ҳолда хизмат обектларини самарали жойлаштириш услуби таклифи Ўзбекистон Республикаси Президентининг 2022-йил 27-январдаги “Хизматлар соҳасини ривожлантиришга оид қўшимча чора-тадбирлар тўғрисида”ги ПҚ-104-сон қарорининг 15-бандининг 1,2 ва 4 абзаци (сўз боши)  ишлаб чиқишда фойдаланилган. (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2022-йил 30-декабрдаги 02/22-1/48 сон маълумотномаси ва Ўзбекистон Республикаси Хоразм вилояти ҳокимлиги маҳкамасининг 2024-йил 28-ноябрдаги 02-7-09/11168 сон маълумотномаси). Мазкур тавсиянинг амалга оширилиши аҳолининг реал эҳтиёжидан келиб чиққан ҳолда республика, вилоятлар, шаҳарлар, туманлар ва маҳаллалар миқёсида хизматлар турларини ривожлантириш  консепсияларини тайёрлаш ва мақсадли инвестиция лойиҳаларини самарали жойлаштириш имконини берган.
мамлакат бўйича инвесторнинг қиймати 200 миллиард сўмдан ошадиган, унинг ўз маблағлари улуши 25 фоиздан кам бўлмаган инвестиция лойиҳаларини зарур ташқи муҳандислик-коммуникация тармоқлари билан таъминлашни Давлат бюджети маблағлари ҳисобидан қоплаш кўзда тутилгани ҳолда, бу кўрсаткичларни Хоразм вилояти учун мос равишда 50 миллиард сўм ва 20 фоиз қилиб белгилаш бўйича таклиф Ўзбекистон Республикаси Президентининг 2021-йил 25-августдаги “Инвестиция лойиҳаларини ташқи инфратузилма билан таъминлаш чора-тадбирлари тўғрисида”ги ПҚ-5233-сон қарори 1-бандини ишлаб чиқишда фойдаланилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2022-йил 30-декабрдаги 02/22-1/48 сон маълумотномаси ва Ўзбекистон Республикаси Хоразм вилояти ҳокимлиги маҳкамасининг 2024-йил 28-ноябрдаги 02-7-09/11168 сон маълумотномаси). Бу таклиф кириш автомобил ёʻллари, электр энергияси, ичимлик суви, оқова сув, газ ва алоқа тармоқларини қуриш, реконструксия қилиш ва таъмирлаш ишларини амалга ошириш имконини берган;
маҳаллаларда фаолият юритадиган ёшлар етакчиларининг ойлик иш ҳақи хонадонлар сони 500 тагача бўлган маҳаллада – меҳнатга ҳақ тўлаш энг кам миқдорининг 5 баравари; хонадонлар сони 501 тадан 1000 тагача бўлган маҳаллада – 5,5 баравари; хонадонлар сони 1000 тадан ортиқ бўлган маҳаллада – 6 баравари миқдорида белгилаш юзасидан ишлаб чиқилган таклиф Ўзбекистон Республикаси Президентининг 2022-йил 19-январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ-92-сон қарори 14-бандини ишлаб чиқишда фойдаланилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2022-йил 30-декабрдаги 02/22-1/48 сон маълумотномаси ва Ўзбекистон Республикаси Хоразм вилояти ҳокимлиги маҳкамасининг 2024-йил 28-ноябрдаги 02-7-09/11168 сон маълумотномаси). Мазкур таклиф ёшлар етакчилари ойлик иш хақини маҳаллалардаги хонадонлар сонига мувофиқ табақалаштирган ҳолда ташкил этиш имконини берган.
келажакда аҳолининг талабларидан келиб чиққан ҳолда вилоят ва унинг туманларида хизмат кўрсатиш соҳаларини  2030-йилгача устувор ривожлантиришнинг мақсадли параметрлари ишлаб чиқиш таклифи Ўзбекистон Республикаси Вазирлар Маҳкамасининг 2022-йил 4-апрелдаги “2022-2026-йилларда Хоразм вилояти ҳудудларини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида”ги 154-сон қарори лойиҳасининг 1-иловасини тайёрлашда фойдаланилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2022-йил 30-декабрдаги 02/22-1/48-сон маълумотномаси ва Ўзбекистон Республикаси Хоразм вилояти ҳокимлиги маҳкамасининг 2024-йил 28-ноябрдаги 02-7-09/11168 сон маълумотномаси). Хизматлар соҳасини ривожлантиришнинг тавсия этилган мақсадли параметрларини туманлар кесимида қўллаш улар орасидаги фарқни 2-марта камайтиришга имкон берди.