Кувандиков Жўра Турсунбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Ўқитиш жараёнини бошқаришда ўқув кўрсаткичлари асосида билимларни акс эттиришнинг мантиқий хулосалаш модел ва алгоритмлари”, 05.01.02 – “Тизимли таҳлил, бошқарув ва ахборотни қайта ишлаш” (техника фанлари).
Диссертация мавзуси рўйхатга олинган рақам: B2024.4.PhD/Т5008.
Илмий раҳбарнинг Ф.И.Ш., илмий даражаси ва унвони: Рахимов Нодир Одилович техника фанлари доктори, доцент.
Диссертация бажарилган муассаса номи: Мирзо Улуғбек номидаги Ўзбекистон миллий университети Жиззах филиали.
ИК фаолият кўрсатаётган муассаса номи, ИК рақами: Шароф Рашидов номидаги Самарқанд давлат университети, PhD.03/29.12.2023.Т.02.12.
Расмий оппонентлар: Мухамедиева Дилноз Тулкуновна, техника фанлари доктори, профессор; Марданов Дилмурод Рахмонович, техника фанлари бўйича фалсафа доктори (PhD), доцент.
Етакчи ташкилот номи: Наманган давлат университети.
II. Тадқиқотнинг мақсади ўқитиш жараёнини бошқаришда ўқув кўрсаткичлари асосида билимларни акс эттиришнинг мантиқий хулосалаш модел ва алгоритмларини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
норавшан тўпламлар назариясига асосланган баҳолаш механизмлари орқали ўқитишнинг индивидуал хусусиятларини ҳисобга олган ҳолда кўп факторларга асосланган билимларни акс эттиришнинг модели ишлаб чиқилган;
ўқув кўрсаткичларидаги ўзаро боғланган ахборотларни аниқлаш ва норавшан мантиқ асосида билимларни акс эттириш қарорларини қабул қилиш алгоритми ишлаб чиқилган;
мантиқий хулосалаш асосида билимларни акс эттириш учун ўқув кўрсаткичларидаги ахборот ресурсларининг функсионал юкламасини кенгайтириш ва улардан фойдаланиш самарадорлигини ошириш имконини берувчи баҳолаш алгоритми ишлаб чиқилган;
билимларни акс эттириш жараёнида кўп факторли баҳолаш параметрлари асосида норавшан мантиқли алгоритмлар ва уларнинг дастурий воситаси ишлаб чиқилди.
IV. Тадқиқот натижаларининг жорий қилиниши: Диссертация тадқиқотлари доирасида ўқитиш жараёнини бошқаришда ўқув кўрсаткичлари асосида билимларни акс эттиришнинг мантиқий хулосалаш модел ва алгоритмларини ишлаб чиқиш бўйича олинган илмий натижалар асосида:
ўқитиш жараёнини бошқаришда ўқув кўрсаткичларидаги ўзаро боғланган ахборотларни аниқлаш ва норавшан мантиқ асосида билимларни акс эттириш қарорларини қабул қилиш алгоритмининг дастурий воситаси Ўзбекистон Республикаси Олий ва ўрта махсус таълим вазирлиги ҳузуридаги Таълим муассасаларида электрон таълимни жорий этиш марказида таълим олувчиларнинг индивидуал хусусиятларини шакллантиришда ўқув кўрсаткичлари асосида билимни акс эттириш мақсадида қўлланилган. (Ўзбекистон Республикаси Рақамли технологиялар вазирлигининг 2023-йил 25-майдаги 33-8/3509-сон маълумотномаси). Натижада, ишлаб чиқилган дастурий восита ўқув кўрсаткичларни кўп факторли таҳлил қилиш самарадорлигини 10-15% га ошириш имконини берган;
мантиқий хулосалаш асосида билимларни акс эттириш учун ўқув кўрсаткичларидаги ахборот ресурсларининг функсионал юкламасини кенгайтириш ва улардан фойдаланиш самарадорлигини ошириш имконини берувчи баҳолаш алгоритмининг дастурий воситаси Инновацион ривожланиш агентлиги Жиззах вилояти ёшлар технопаркида фойдаланиш кўрсаткичларини шакллантириш ҳамда ушбу кўрсаткичлар асосида баҳолашда қарор қабул қилишга кўмаклашиш учун фойдаланилган (Ўзбекистон Республикаси Рақамли технологиялар вазирлигининг 2023-йил 25-майдаги 33-8/3509-сон маълумотномаси). Натижада, ишлаб чиқилган дастурий восита ахборот ресурсларидан фойдаланиш кўрсатишлари асосида билимларни акс эттириш самарадорлигини 12-14% га ошириш имконини берган;
билимларни акс эттириш жараёнида кўп факторли баҳолаш параметрлари асосида норавшан мантиқли алгоритмларнинг дастурий воситаси Тошкент ахборот технологиялари университети ҳузуридаги педагог кадрларни қайта тайёрлаш ва уларнинг малакасини ошириш тармоқ марказида ўқув кўрсаткичлари асосида билимларни акс эттиришда фойдаланилган (Ўзбекистон Республикаси Рақамли технологиялар вазирлигининг 2023-йил 25-майдаги 33-8/3509-сон маълумотномаси). Натижада, билимларни акс эттиришда ўқув кўрсаткичлари ўртасидаги ўзаро боғлиқлик ва ахборот-ресурслардан фойдаланиш кўрсаткичларини ҳисобга олган ҳолда, таълим олувчиларнинг билимларини обектив баҳолашда таклиф этилган кўп факторли баҳолаш модел ва алгоритмлари самарали деб хулоса берилган.