Азизов Ҳуснуддин Гелдиёровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ички ишлар органларида коррупсияга қарши курашиш фаолиятини такомиллаштириш”, 12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар).
Диссертация мавзуси рўйхатга олинган рақам: В2024.2.PhD/Yu1403.
Илмий раҳбар: Турсунов Ахтам Саломович, юридик фанлар доктори, профессор.
Диссертация бажарилган муассаса номи: Ўзбекистон Республикаси Ички ишлар вазирлиги Академияси.
ИК фаолият кўрсатаётган муассаса номи, ИК рақами: Ўзбекистон Республикаси Ички ишлар вазирлиги Академияси, DSc.31/30.12.2019.Yu.25.02.
Расмий оппонентлар: Ахмедова Сорахон Талипжановна, юридик фанлар доктори, профессор; Файзиев Хайриддин Сирожиддинович, юридик фанлар бўйича фалсафа доктори, доцент.
Етакчи ташкилот: Ўзбекистон Республикаси Жамоат хавфсизлиги университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ички ишлар органларида коррупсияга қарши курашиш фаолиятини ташкил этишни такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ходимларга хизмат фаолияти учун муносиб шароит яратиш, уларнинг ижтимоий-ҳуқуқий кафолатларини кучайтириш ҳамда ҳуқуқлари ва қонуний манфаатларини таъминлаш самарадорлигини ошириш мақсадида жамоатчилик асосида ишлайдиган “Ички ишлар органларининг интизомий кенгашлари” фаолиятини йўлга қўйиш лозимлиги асослантирилган;
жамоада соғлом маънавий-руҳий муҳит ва ишчан кайфиятни шакллантириш учун ички ишлар органи раҳбари ўзига бўйсунувчи ходимларга нисбатан юқори профессионализм, ҳалоллик ва адолатда ўрнак бўлиши, гуруҳбозлик ва фаворитизм кўринишларига йўл қўймаслиги зарурлиги исботланган;
ички ишлар органларида хизмат интизомини мустаҳкамлаш, одоб-ахлоқ меъёрларига риоя этилишини таъминлаш мақсадида ходимнинг тизимга хизматга қабул қилинган вақтдан бошлаб “Ички ишлар органлари ходимларининг касбий маданият ва хизмат интизоми Кодекси” қоида ва талабларига қатъий риоя этиши лозимлиги асослантирилган;
ички ишлар органларида таъмагирлик ва порахўрлик ҳолатларининг содир этилиш сабаблари ҳамда уларга имкон берган шарт-шароитларни бартараф этиш мақсадида ходимлар тизимда коррупсиянинг ҳар қандай кўринишига қарши курашиши, унинг профилактикасига фаоллик билан кўмаклашиши лозимлиги исботланган.
IV. Тадқиқот натижаларининг жорий қилиниши. Ички ишлар органларида коррупсияга қарши курашиш фаолиятини тадқиқ этиш бўйича олинган илмий натижалар асосида:
ходимнинг ички ишлар органларида хизматга қабул қилинган вақтдан бошлаб “Ички ишлар органлари ходимларининг касбий маданият ва хизмат интизоми Кодекси” қоида ва талабларига қатъий риоя этиши мажбурийлигини қонун ҳужжатларида белгилашга доир таклифдан Ўзбекистон Республикаси Президентининг 2023-йил 20- январдаги 10-сон қарорига 1-илова билан тасдиқланган “Ички ишлар органлари ходимларининг касбий маданият ва хизмат интизоми кодекси”нинг 1-боб 2-бандини ишлаб чиқишда фойдаланилган (Ўзбекистон Республикаси ИИВнинг 2024-йил 12-октябрдаги 31/1064-сон далолатномаси). Ушбу таклифнинг жорий этилиши ички ишлар органларида коррупсияга қарши курашиш фаолиятини такомиллаштиришга хизмат қилмоқда;
ходимлар коррупсиянинг ҳар қандай кўринишига қарши курашиши ва унинг профилактикасига фаоллик билан кўмаклашиши зарурлигини қонун ҳужжатларида белгилашга доир таклифдан Ўзбекистон Республикаси Президентининг 2023-йил 20-январдаги 10-сон қарорига 1-илова билан тасдиқланган “Ички ишлар органлари ходимларининг касбий маданият ва хизмат интизоми кодекси”нинг 2-боб 6-бандини ишлаб чиқишда фойдаланилган (Ўзбекистон Республикаси ИИВнинг 2024-йил
12-октябрдаги 31/1064-сон далолатномаси). Ушбу таклифнинг жорий этилиши ички ишлар органлари ходимлари томонидан содир этиладиган коррупсион ҳолатларнинг олдини олиш самарадорлигини оширишга хизмат қилган;
ходимларнинг ҳуқуқлари ва қонуний манфаатларини таъминлаш самарадорлигини ошириш мақсадида жамоатчилик асосида фаолият юритадиган “Ички ишлар органларининг интизомий кенгашлари”ни тузишга доир таклифдан Ўзбекистон Республикаси ички ишлар вазирининг 2021-йил 21-октябрдаги 400-сон буйруғига 1-илова билан тасдиқланган “Ички ишлар органлари маънавий-маърифий ишлар хизматининг ягона иш юритиш тартиби тўғрисида”ги Низомнинг 4-боб 53, 54 ва 67-бандларини ишлаб чиқишда фойдаланилган (Ўзбекистон Республикаси ИИВнинг 2024-йил 12-октябрдаги 31/1063-сон далолатномаси). Ушбу таклифларнинг жорий этилиши ички ишлар органлари ходимларнинг ҳуқуқлари ва қонуний манфаатлари кафолатланишини янги босқичга олиб чиққан;
ички ишлар органи раҳбарига қўйиладиган талабларни қонунчиликда аниқ белгилашга доир таклифдан Ўзбекистон Республикаси ички ишлар вазирининг 2021-йил 21-октябрдаги 400-сон буйруғига 1-илова билан тасдиқланган “Ички ишлар органлари маънавий-маърифий ишлар хизматининг ягона иш юритиш тартиби тўғрисида”ги Низомнинг 6-боб 156-бандини ишлаб чиқишда инобатга олинган (Ўзбекистон Республикаси ИИВнинг 2024-йил 12-октябрдаги 31/1063-сон далолатномаси). Ушбу таклифнинг жорий этилиши ички ишлар органлари раҳбар ходимларининг коррупсияга қарши курашишда масъулиятини оширишга хизмат қилган.