Хўжамбердиева Мафтуна Норқобиловнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Она тили таълимида эйдекология тамойиллари асосида қадриятли муносабатларни шакллантириш методикасини такомиллаштириш”, 13.00.02 – Таълим-тарбия назарияси ва методикаси (ўзбек тили) (педагогика фанлари).
Диссертация мавзуси рўйхатга олинган рақам: B2023.2.PhD/Ped5242.
Илмий тадқиқот иши бажарилган муассаса номи: Қарши давлат университети.
Илмий раҳбар: Аслонова Орзигул Пиримовна, педагогика фанлари бўйича фалсафа доктори (PhD), профессор.
ИК фаолият кўрсатаётган муассаса номи, ИК рақами: Қарши давлат университети, PhD.03/04.06.2020.Ped.70.02.
Расмий оппонентлар: Орипова Нодима Халиловна, педагогика фанлари доктори (DSc), профессор; Мўминова Нилуфар Абдираҳмоновна, филология фанлари бўйича фалсафа доктори (PhD), доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади она тили таълимида эйдекология тамойиллари асосида қадриятли муносабатни шакллантириш методкасини такомиллаштириш ҳамда  илмий-методик тавсиялар ишлаб чиқишдан иборат.
III. Тадқиқотнинг илмий янгилиги:
ўқувчиларнинг қадриятли муносабатларини ривожлантиришда она тили ўқув фаолиятини ташкил этишнинг функсионал модели мазмун компоненти ахлоқий, ижтимоий ва иқтисодий кўникмаларни дискрет ривожлантириш асосида такомиллаштирилган;
она тили таълимида қадриятли муносабатларни шакллантиришнинг классик технологиялари ўқув жараёнига муаммоли-эвристик босқичли топшириқлар ҳамда амалий фаолиятнинг продуктивлик даражасини интенсив ошириш орқали такомиллаштирилган;
она тили таълимида ўқувчиларнинг қадриятли муносабатни шаклланганлик кўникмаси мазмуни ўқувчиларнинг бир-бирларини қўллаб-қувватлаш, ўзига нисбатан ишончли хатти-ҳаракатни намоён қилиш, ижтимоий фаоллик даражаси ностандарт диагностик тестлари орқали аниқлаштирилган;
она тили таълимида эйдекология тамойилларини қўллаш жараёни педагогик шарт-шароитларнинг турли экстремал ҳолатларда ўқувчининг ўз-ўзини ҳамда атроф-муҳит ҳимоясига ўргатиш технологияси қадриятли-когнитив мобиллик асосида такомиллаштирилган.
IV.Тадқиқот натижаларининг жорий қилиниши. Она тили таълимида эйдекология тамойиллари асосида қадриятли муносабатни шакллантириш методикасини такомиллаштириш бўйича ишлаб чиқилган илмий натижалари:
она тили таълимида ўқувчиларнинг қадриятли муносабатни шаклланганлик кўникмаси мазмуни ўқувчиларнинг бир-бирларини қўллаб-қувватлаш, ўзига нисбатан ишончли хатти-ҳаракатни намоён қилиш, ижтимоий фаоллик даражаси ностандарт диагностик тестлар  орқали аниқлаштириш ҳамда эйдекология тамойилларини қўллаш жараёни педагогик шарт-шароитларнинг турли экстремал ҳолатларда ўқувчининг ўз-ўзини ҳамда атроф-муҳит ҳимоясига ўргатиш технологиясидан фойдаланишга доир таклифлар бошланғич таълим йўналиши учун тайёрланган “Тарбиявий ишлар методикаси” номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2022 йил 19 - июлдаги 233-сон буйруғи, 233-0360-сон гувоҳнома). Ҳатижада, бўлажак бошланғич синф ўқитувчиларининг қадриятли муносабатни шакллантиришга оид билимларини бойитишга хизмат қилган;
ўқувчиларнинг қадриятли муносабатларини ривожлантиришда она тили ўқув фаолиятини ташкил этишнинг функсионал модели мазмун компоненти ахлоқий, ижтимоий ва иқтисодий кўникмаларни дискрет ривожлантириш асосидаги тавсияларидан А-1-173 “Ёшларнинг умуммиллий қадриятларимизга хос тарбиясини шакллантириш технологияси ва методикасини ишлаб чиқиш” мавзусидаги амалий лойиҳани бажаришда фойдаланилган (Қарши давлат университетининг 2023 йил 1 декабрдаги 372/1-сон маълумотномаси). Натижада, илмий методик таклиф ва тавсиялар асосида дидактик жараёнда фойдаланиш имкониятини ривожлантиришга  хизмат қилган;
она тили таълимида қадриятли муносабатларни шакллантиришнинг классик технологиялари ўқув жараёнига муаммоли-эвристик босқичли топшириқлар ҳамда амалий фаолиятнинг продуктивлик даражасини интенсив ошириш орқали такомиллаштирилган методикасидан ъзбекистон Республикаси Мактабгача ва мактаб таълими вазирлиги амалиётида фойдаланилган (Ўзбекистон Республикаси Мактабгача ва мактаб таълими вазирлигининг 2024-йил,10-октябрдаги 01/11-1-800-сон маълумотномаси).Натижада бошланғич синф ўқувчилари фаолиятида ўқув вазифаларига ижобий муносабатни қарор топтириш орқали қадриятли муносабатларни таркиб топтиришга хизмат қилган.