Аблазова Камола Сахибовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармогʻи): “Нормал тақсимот ва назорат карталар асосида технологик жараёнларни стабиллигини моделлаштириш”, 05.01.07- Математик моделлаштириш. Сонли усуллар ва дастурлар мажмуи (техника фанлари).
Диссертация мавзуси рўйхатга олинган рақам: Б2024.1.PhD/Т.3646
Илмий раҳбар: Ахмедов Сохибжон Акбарович ф-м.,ф.н., доцент.
Диссертация бажарилган муассаса номи: Заҳириддин Муҳаммад Бобур номидаги Андижон давлат университети. Илмий кенгаш фаолият кўрсатаётган муассаса (муассасалар) номи, Илмий кенгаш рақами: Рақамли технологиялар ва сунъий интеллектни ривожлантириш илмий-тадқиқот институти, DSc.13/30.12.2021.Т.142.01.
Расмий оппонентлар: Рахмонов Зафар Равшанович - Ўзбекистон Миллий университети, “Амалий математика ва интеллектуал технологиялар” факультети декани, физика-математика фанлари доктори, доцент.
Мурадов Фаррух Абдукахарович - Рақамли технологиялар ва сунъий интеллектни ривожлантириш илмий тадқиқот институти, докторант, техника фанлари бўйича фалсафа доктори (PhD), катта илмий ходим
Етакчи ташкилот: Тошкент давлат транспорт университети
Диссертация ёʻналиши: назарий ва амалий аҳамиятга молик.
II. Тадқиқотнинг мақсади Нормал тақсимот билан моделлаштирилган технологик жараёнларнинг стабиллигини аниқловчи математик моделлар ишлаб чиқиш, сонли алгоритмлар ҳамда дастурий мажмуа яратиш ва амалда қўллашдан иборат.
III. Тадқиқотнинг илмий янгилиги:
        асимметрия ва эксесс, Колмогоров ҳамда Смирнов критерийлари ёрдамида технологик жараённинг стабиллигини битта кўрсаткич билан аниқловчи назорат карталарига асосланган математик моделлар ишлаб чиқилган;
Смирнов ва Стюдент критерийлари ёрдамида технологик жараённинг стабиллигини иккита кўрсаткич билан аниқловчи назорат карталарига асосланган математик моделлар ишлаб чиқилган;
Смирнов ва Фишер критерийлари ёрдамида технологик жараённинг стабиллигини учта кўрсаткич билан аниқловчи назорат карталарига асосланган математик моделлар ишлаб чиқилган;
        технологик жараённинг стабиллигини битта ва икки-учта  кўрсаткич билан аниқловчи назорат карталарга асосланган математик моделларга асосан сонли алгоритмлар  ишлаб чиқилган.
IV. Тадқиқот натижаларининг жорий қилиниши: «УЗ Ауто Моторс» АЖдаги пайвандлаш ва бўяш цехларида технологик жараёнларнинг стабиллигини таъминлаш натижалари асосида қуйидаги натижаларга эришилган:
 технологик жараённинг стабиллигини аниқлаш ишлаб чиқилган асимметрия ва эксесс, Колмогоров ҳамда Смирнов назорат карта математик моделлари пайвандлаш цехи объектида қўлланилган. Цехдаги ўлчаш маълумотларидан илмий натижалар асосида технологик жараённинг стабиллиги текширилган ва баҳоланган (Ўзбекистон Республикаси Андижон вилояти ҳокимлигининг 2023 йил 28-апрелдаги №11/37-238-сонли маълумотномаси). Натижада пайвандлаш цехида нуқсонлар улуши ҳисобланганда 19,8% яъни 80,2% мақсад билан иш топширилган. Заводдаги Г.С.И.П дастури бўйича пайвандлаш цехидан олинган 80% мақсад билан таққослаганда бизнинг натижаларимиз билан деярли устма-уст тушганлиги имконини берган;
технологик жараённинг стабиллигини аниқлаш ишлаб чиқилган асимметрия ва эксесс, Колмогоров ҳамда Смирнов назорат карта математик моделлари бўяш цехи объектида қўлланилган. Цехидаги ўлчаш маълумотларидан илмий натижалар асосида технологик жараённинг стабиллиги текширилган ва баҳоланган (Ўзбекистон Республикаси Андижон вилояти ҳокимлигининг 2024 йил 12-декабрдаги №06/20-101-сонли маълумотномаси). Натижада бўяш цехида нуқсонлар улуши ҳисобланганда 13,7% яъни 86,3% мақсад билан иш топширилган. Заводдаги Г.С.И.П дастури бўйича бўяш цехидан олинган 86% мақсад билан таққослаганда бизнинг натижаларимиз билан деярли устма-уст тушганлиги имконини берган.