Комолидинова Фируза Муродали қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Компрессион пайпоқ маҳсулотларини олиш технологиясини такомиллаштириш (Импровинг тҳе течнологй фор продуcинг cомпрессион ҳосиерй)”, 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: В2023.2.PhD/Т3712.
Илмий раҳбар: Ханхаджаева Нилуфар Раҳимовна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентлар: Матисмаилов Сайпилла Лолашбаевич, техника фанлари доктори, профессор; Петросова Лариса Ивановна, техника фанлари доктори, профессор.
Етакчи ташкилот: Наманган тўқимачилик саноати институти.
Диссертация йўналиши: амалий аҳамиятга молик.
II. Тадқиқотнинг мақсади: пайпоқ тўқув автоматларининг технологик имкониятларидан кенгроқ фойдаланиб ҳамда тўқима тузилиши хусусиятларидан келиб чиқиб, компрессион пайпоқ маҳсулотларини олиш технологиясини такомиллаштиришдан иборат.   
III. Тадқиқотнинг илмий янгилиги:
маҳаллий хомашёлардан фойдаланган ҳолда, турли иқлим шароитларга мос келувчи компрессион пайпоқ маҳсулотларини олишнинг турли раппортдаги футер трикотаж тўқима тузилишларини қўллаш ҳисобига ресурстежамкор усули ишлаб чиқилган;
компрессион трикотаж тўқималари технологик кўрсаткичлари ва физик-механик хусусиятларини тўқима тузилиши раппорти ва таркибий элементларига боғлиқлик қонуниятлари ишлаб чиқилган;
компрессион трикотаж тўқималарига таъсир этувчи омилларни инобатга олган ҳолда узилиш кучи ва узилишдаги чўзилиш кўрсаткичларини қалинлиги бўйича боғланишлари олинган;
янги тўқима тузилишлари асосида ва мос хомашё турларини қўллаб компрессион пайпоқ маҳсулотининг янги моделини олиш усули ва тўқима тузилиши ишлаб чиқилган.
IV. Тадқиқот натижаларининг жорий қилиниши. Пайпоқ тўқув автоматларида компрессион пайпоқ маҳсулотларини олиш усулини такомиллаштириш бўйича олинган натижалар асосида:  
компрессион пайпоқ маҳсулотининг такомиллашган конструксияси ва олиш усулига Ўзбекистон Республикаси Адлия Вазирлиги ҳузуридаги «Интеллектуал мулк маркази» давлат муассасаси томонидан фойдали моделга патенти олинган  (“Уч қисми очиқ бўлган компрессион пайпоқ маҳсулоти”  № ФАП 2567-20.08.2024 й.). Натижада компрессион трикотаж маҳсулотининг компрессион ва гигиеник хусусияти яхшилашга эришилган;
турли раппортдаги футер трикотаж тўқимаси асосида компрессион пайпоқ маҳсулотларини олиш усули “Браво оригинал техтиле” МЧЖ ва “АЗИА МАХ ИНВЕСТ” МЧЖ корхоналарида жорий этилган (“Ўзтўқимачиликсаноат” уюшмасининг 05.07.2024 йилдаги 03/25-1654-сонли маълумотномаси). Натижада сифат кўрсаткичларини яхшилашга ҳамда хом ашё сарфини 34% гача камайтиришга эришилган, корхоналарда варикозга қарши компрессион пайпоқ маҳсулотларини ишлаб чиқаришни маҳаллийлаштириш, ички ва ташқи бозорга йўналтирилган маҳсулотлар ишлаб чиқариш имконияти яратилган.