Хабиев Темур Рафаелевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармогʻи номи): “Менежерларнинг музокаралар фаолиятида қарор қабул қилишнинг метакогнитив хусусиятлари”, 19.00.05 – Ижтимоий психология. Этнопсихология (психология фанлари).
Диссертация мавзуси рўйхатга олинган рақам: В2023.2.PhD/P520.
Илмий раҳбар: Карамян Мариетта Хачатуровна, психология фанлари доктори (DSc), профессор.
Диссертация бажарилган муассаса номи: Мирзо Улугʻбек номидаги Ўзбекистон Миллий университети.
ИК фаолият кўрсатаётган муассаса номи, ИК рақами: Мирзо Улугʻбек номидаги Ўзбекистон Миллий университет, PhD.03/30.12.2021.P.01.07.
Расмий оппонентлар: Кадиров Камолидин Батирович, психология фанлари доктори, профессор; Махмудов Ибрагимжон Исмаилович, психология фанлари номзоди, доцент.
Етакчи ташкилот: Чирчиқ давлат педагогика университети
Диссертация йўналиши: назарий ва амалий аҳамиятга молик.
II. Тадқиқотнинг мақсади менежерларнинг музокаралар фаолиятида метакогнитив қарорларни қабул қилиш кўникмаларини ривожлантириш ва шакллантириш дастурини ишлаб чиқиш учун менежерларнинг музокаралар фаолиятида қарорларни қабул қилишнинг метакогнитив хусусиятларини очиб беришдан иборат.
III. Тадқиқотнинг илмий янгилиги:
менежерларнинг жинси, ёши ва профессионализация босқичида метакогнитив англанганлик, метакогнитив хулқ-атворда ўзини ўзи баҳолаш, рефлексив-интуитивликнинг ривожланиш даражасига таъсири туфайли бошқарув фаолиятида музокара ёндашувлари ва қарорларни қабул қилиш стратегиясини танлашнинг психологик хусусиятлари аниқланган;
бошқарув фаолиятида қарор қабул қилиш стратегиялари (огоҳлик, қочиш, прокрастинация, ўта ҳушёрлик), музокаралар ёндашувлари (ҳамкорга ва вазиятга интегратив ёндашув, дистрибутив ёндашув) ва когнитив услублар (рефлексивлик ва интуитивлик)ни танлашга метакогнитив англанганлик даражаси ва менежерларнинг профессионализация босқичининг дифференциациаллашган тасири аниқланган;
менежерлардаги метакогнитив англанганлик, метакогнитив хулқ-атворда ўзини ўзи баҳолаш, рефлексивлик-интуитивлик, қарор қабул қилиш стратегиялари ва музокара ёндашувларининг ўзаро боғлиқлигига асосланиб шахс профессионалашув босқичларига богʼлиқ метакогнитив қобилиятнинг намоён бўлиши исботланган;
менежерлар ва ташкилотлар раҳбарларининг вазият олди касбий фикрлашни модификацион баҳолашни, ҳамкорларнинг ҳолати ва манфаатларини ҳисобга олган ҳолда музокараларнинг интегратив ёндашувини шакллантириш бўйича машқларни ўз ичига олган менежерларнинг музокаралар фаолиятида метакогнитив қарорларни қабул қилиш кўникмаларини ривожлантириш дастурининг самарадорлиги исботланган.
IV. Тадқиқот натижаларининг жорий қилиниши. Менежерларнинг музокаралар фаолиятида қарорларни қабул қилишнинг метакогнитив хусусиятларини ўрганишга қаратилган илмий тадқиқот натижалари асосида:
жинси, ёши ва профессионализация босқичининг менежерлар метакогнитив  англанганлиги, метакогнитив хулқ-атворда ўзини ўзи баҳолаши, рефлексивлик-интуитивлиги каби психологик хусусиятларнинг ривожланиш даражасига таъсири ва уларнинг бошқарув фаолиятида музокара ёндашувлари ва қарорлар қабул қилиш стратегиясини танлаши аниқланганлигига доир таклифлар ёшлар ўртасида тадбиркорликни ривожлантириш бўйича Ўзбекистон Республикаси Ёшлар ишлари агентлигининг фаолиятига киритилган (Ўзбекистон Республикаси Ёшлар ишлари агентлигининг 2024-йил 14-майдаги 2-13-21-2152-сон маълумотномаси). Натижада ёш тадбиркорларда метакогнитив кўникмалар, музокаралар олиб бориш ва қарор қабул қилиш кўникмаларини ривожлантиришнинг ижтимоий-психологик моҳиятини ташхислаш имконияти пайдо бўлган;
қарор қабул қилиш стратегиялари (огоҳлик, қочиш, прокрастинация, ўта ҳушёрлик), музокаралар ёндашувлари (ҳамкорга ва вазиятга интегратив ёндашув, дистрибутив ёндашув) ва когнитив услублар (рефлексивлик ва интуитивлик)ни танлашга метакогнитив англанганлик даражаси ва менежерларнинг профессионализация босқичининг дифференциациаллашган таъсири аниқланганлигига оид таклифлар Ўзбекистон Республикаси Ёшлар ишлари агентлигининг фаолиятига киритилган (Ўзбекистон Республикаси Ёшлар ишлари агентлигининг 2024-йил 14-майдаги 2-13-21-2152-сон маълумотномаси). Натижада, бу ёш тадбиркорларнинг музокаралар олиб бориш ва қарор қабул қилиш кўникмаларини ривожлантириш жараёнини такомиллаштириш бўйича тавсиялар сифатида хизмат қилган;
метакогнитив англанганлик, метакогнитив хулқ-атворда ўзини ўзи баҳолаш, рефлексивлик-интуитивлик ва қарор қабул қилиш стратегиялари, музокара ёндашувларининг ўзаро боғлиқлиги шахс профессионалашув босқичларига алоқадор равишда унинг метакогнитив қобилияти  асосланганлигига оид таклифлар Ўзбекистон Республикаси Ёшлар ишлари агентлигининг фаолиятига киритилган (Ўзбекистон Республикаси Ёшлар ишлари агентлигининг 2024-йил 14-майдаги 2-13-21-2152-сон маълумотномаси). Натижада, бу олинган эмпирик натижаларни ҳисобга олган ҳолда қарор қабул қилиш ва музокаралар кўникмаларини ривожлантириш дастурини қўллаш учун асос бўлиб хизмат қилган;
менежерлар ва ташкилотлар раҳбарларининг вазият олди касбий фикрлашни модификацион баҳолашни, ҳамкорларнинг ҳолати ва манфаатларини ҳисобга олган ҳолда музокараларнинг интегратив ёндашувини шакллантириш бўйича машқларни ўз ичига олган менежерларнинг музокаралар фаолиятида метакогнитив қарорларни қабул қилиш кўникмаларини ривожлантириш дастурининг самарадорлиги исботланганлигига оид таклифлар Ўзбекистон Республикаси Ёшлар ишлари агентлигининг фаолиятига киритилган (Ўзбекистон Республикаси Ёшлар ишлари агентлигининг 2024-йил 14-майдаги 2-13-21-2152-сон маълумотномаси). Натижада ёшларнинг метакогнитив кўникмаларини ривожлантириш дастури жорий этилган.