Mirkamalov Rustam Xamzaevichning
fan doktori (DSc) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «G‘arbiy Tyan-Shan (O‘zbekiston) yura davrigacha hosil bo‘lgan majmualarining geodinamik evolyusiyasi va mineragenik rayonlashtirish», 04.00.01–Umumiy va mintaqaviy geologiya (geologiya-mineralogiya fanlari).
Dissertatsiya mavzusi ro‘yxatga olingan raqam: B2018.1.DSc/GM11.
Ilmiy maslahatchi: Pirnazarov Majid Maxkamovich, geologiya-mineralogiya fanlari doktori.
Dissertatsiya bajarilgan muassasa nomi: «Mineral resurslar instituti» DK.
IK faoliyat ko‘rsatayotgan muassasa (muassasalar) nomi, IK raqami: Mineral resurslar instituti DK, Geologiya va geofizika instituti, Gidrogeologiya va injenerlik geologiyasi instituti, Seysmologiya instituti, O‘zbekiston Milliy universiteti va Toshkent davlat texnika universiteti, DSc.27.06.2017.GM.40.01.
Rasmiy opponentlar: Toychiev Xojiakbar Abdurasulovich, geologiya-mineralogiya fanlari doktori; Dolgopolov Feliks Gennad`evich, geologiya-mineralogiya fanlari doktori; Biske Georgiy Sergeevich, geologiya-mineralogiya fanlari doktori.
Yetakchi tashkilot: «Urankamyobmetalgeologiya» DUK.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi: G‘arbiy Tyan-Shan (O‘zbekiston) yura davrigacha hosil bo‘lgan majmualaridagi mineragenik potensialni baholash hamda konlar joylashuv xususiyatlarini aniqlashdan iborat.
III. Tadqiqotning ilmiy yangiligi:
O‘zbekiston hududining yura davrigacha hosil bo‘lgan burmali fundamentini geodinamik rayonlashtirish sxemasi ishlab chiqilgan;
O‘zbekistonning mezozoy erasigacha shakllangan burmali fundamentini geodinamik taraqqiyoti modeli, strukturaviy qayta joylashuv va ma’dan hosil bo‘lishining oltita muhim davrlari (R2-3, V-Є, O-S1, S2-D, C1-2, C3-P1) palinspastik rekonstruksiyasi asoslangan;
spreding, subduksiya usti akkresiya va vulkanizmi, kollizion siqilish, vulkano-plutonizm hamda kolliziyadan keyin namoyon bo‘lgan plita ichi magmatizmi turli geodinamik sharoitlarida shakllanishining ko‘p davrliligi bilan tavsiflanadigan strukturaviy-moddiy majmualar mineragenik ixtisoslashganligi aniqlangan;
O‘zbekiston ma’danli ob’ektlarining ko‘pchiligi akkresion, subduksiya usti va kollizion majmualardagi o‘rni isbotlangan;
yuqorisida bo‘shoq tog‘ jinslari bilan yopilgan burmali fundament mineragenik potensiali aniqlangan.
IV. Tadqiqot natijalarining joriy qilinishi.
Geodinamik rekonstruksiyalar va yura davrigacha hosil bo‘lgan hosilalarni mineragenik rayonlashtirish bo‘yicha olingan ilmiy natijalar asosida:
O‘zbekiston hududi geologik tuzilishini turli jihatlarini namoyon etgan, o‘zaro bog‘liq ko‘p maqsadli xaritalar majmui O‘zbekiston Respublikasi davlat geologiya va mineral resurslar qo‘mitasida amaliyotga joriy qilingan (Davlat geologiya qo‘mitasining 2018 yil 30 maydagi 04/11-spr-son ma’lumotnomasi). Natijada geologik va ma’dan foydali qazilma konlari xaritalari Atlasi respublika hududini regional geologik o‘rganishning strategik rejalarini muvofiqlashtirish imkonini bergan;
mezozoygacha shakllangan burmali negiz geologik hosilalarining yagona legendasi va turlicha ma’danlashuv joylashuvini standart holatlari “Hisorgeologiya” DUKda amaliyotga joriy qilingan (Davlat geologiya qo‘mitasining 2018 yil 30 maydagi 04/11-spr-son ma’lumotnomasi). Natijada nodir-asl va kolchedan-polimetallarga istiqbolli maydonlarda ma’danlashuvni bashorat qilish chuqurliklari sezilarli oshishini hisobga olgan holda geologiya-qidiruv ishlari dastlabki bosqichlarining yo‘nalishlarini aniqlash imkonini bergan;
Nurota tog‘lari hududida aniqlangan nodir-asl metalli ma’danlashuvga istiqbolli muayyan holatlar Markaziy O‘zbekiston geologik tasvirlash-izlash ekspedisiyasida amaliyotiga joriy qilingan (Davlat geologiya qo‘mitasining 2018 yil 30 maydagi 04/11-spr-son ma’lumotnomasi). Natijada dastlabki ixtisoslashgan izlash ishlarini o‘tkazilishi lozim bo‘lgan birinchi navbatdagi maydonlarni aniqlash imkonini bergan;
Qizilqum hududining geologik tuzilishi bo‘yicha yangi tasavvurlar Yalpi geologik tasvirlash-izlash ekspedisiyasida amaliyotga joriy qilingan (Davlat geologiya qo‘mitasining 2018 yil 30 maydagi 04/11-spr-son ma’lumotnomasi). Natijada Sharqiy Bukontov tog‘lari geologik xaritalari uchun legenda va Ko‘kpatos oltin ma’danlar maydonining 3D kompyuter modeli tuzilgan, berkitiqcha va yopiq ma’danlashuv hududlarini bashoratlash imkonini bergan;
mezozoygacha hosil bo‘lgan qatlamlarda uglevodorod xomashyosi uchun istiqbolli maydonlarni geodinamik rekonstruksiyalar asosida bashoratlash bo‘yicha takliflar «O‘zbekneftgaz» AJda amaliyotga joriy etilgan («O‘zbekneftgaz» AJning 2018 yil 28 iyundagi 02-14/2-40-son ma’lumotnoma). Natijada Qizilqum-Nurota hududidagi yura davrigacha hosil bo‘lgan burmali fundament uglevodorod xomashyosini izlash ishlarini olib borish jarayonida mavzuviy va seysmorazvedka ishlarini muvofiqlashtirish va samaradorligini oshirish imkonini bergan.
