Мукимов Абдулло Соатовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Микрокремнезём, сеолит ва метакаолин билан модификацияланган портландцемент олиш технологиясини ишлаб чиқиш ва қўллаш», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2024.3.PhD/Т4830.
Илмий раҳбар: Тураев Хайит Худайназарович, кимё фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети ҳузуридаги DSc.03/31.01.2023.К/Т.78.01 рақамли илмий кенгаш асосидаги бир марталик илмий кенгаш.
Расмий оппонентлар: Тоғашаров Аҳад Салимович, техника фанлари доктори, профессор; Хамзаев Номоз Жовлиевич, техника фанлари бўйича фалсафа (PhD).
Етакчи ташкилот: Қарши давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: микрокремнезём, сеолит ва метакаолин билан модификацияланган портландцемент олиш технологиясини ишлаб чиқиш ва қўшимчаларнинг портландцемент физик-механик хоссаларига таъсирини аниқлашдан иборат.
III. Тадқиқотнинг илмий янгилиги:
микрокремнезём, сеолит ва метакаолин минералларини триетаноламин билан фаоллаштириш натижасида клинкер ва портландцемент учун самарали қўшимча олинган;
фаоллштирилган минерал қўшимчаларни портландцемент ва клинкерга қўшимча сифатида қўшиш учун оптимал таркиблари аниқланган;
фаоллаштирилган минерал қўшимчалар асосида олинган портландцемент қоришмаларининг физик-механик хоссалари тегишли талабларга мос келиши исботланган;
микрокремнезёмни фаоллаштириш ва фаоллаштирилган микрокремнезём иштирокида юқори маркали портландцемент ишлаб чиқариш технологик схемаси ишлаб чиқилган;
фаоллаштирилган минерал қўшимчалар асосида СЕМ ИИ/А-И 32,5Н маркали цемент олиш технологияси ишлаб чиқилган.
IV. Тадқиқот натижаларининг жорий қилиниши. Микрокремнезём, сеолит ва метакаолин билан модификацияланган портландцемент олиш технологиясини ишлаб чиқиш ва қўллаш бўйича олинган илмий натижалар асосида:
фаоллаштирилган микрокремнезём асосида юқори маркали цемент олиш усули учун Ўзбекистон Республикаси Интеллектуал мулк агентлигининг фойдали моделга патенти олинган (№ ФАП 2589. 20240187/2, 16.09.2024 йил). Натижада, фаоллаштирилган микрокремнезём асосида юқори маркали цемент олиш усулини яратиш имконини берган;
микрокремнезём, сеолит ва метакаолин билан модификацияланган портландцемент олиш усули “Шеробод цемент заводи” МЧЖда амалиётга жорий қилинган (“Ўзсаноатқурилишматериаллари” уюшмасининг 2024 йил 24 октиябрдаги 04/15-3144-сонли маълумотномаси). Натижада, микрокремнезём, сеолит ва метакаолин билан модификацияланган портландцемент олиш учун мақбул таркибни ишлаб чиқиш имконини берган;
маҳаллий минерал қўшимчалар ёрдамида портландцемент олиш технологияси “Шеробод цемент заводи” МЧЖда амалиётга жорий қилинган (“Ўзсаноатқурилишматериаллари” уйишмасининг 2024 йил 24 октиябрдаги 04/15-3144-сонли маълумотномаси). Натижада, микрокремнезём, сеолит ва метакаолин ёрдамида янги таркибли портландцемент олиш имконини берган.