Бегматов Бахриддин Яхшибоевичнинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тармоқлараро интеграцияни таъминлаш жараёнида талабаларнинг ишлаб-чиқариш ва технологик компетенцияларини ривожлантириш методикаси (Транспорт воситалари муҳандислиги таълим йўналиши мисолида)”, 13.00.02 – Таълим ва тарбия назарияси ва методикаси (техника) (педагогика фанлари).
Диссертация мавзуси рўйхатга олинган рақам: B2023.3.PhD/Ped1589.
Илмий раҳбар: Аскаров Ихтиёржон Бахтиёрович, педагогика фанлари бўйича фалсафа доктори (PhD), профессор.
Диссертация бажарилган муассаса номи: Жиззах политехника институти.
ИК фаолият кўрсатаётган муассаса номи, ИК номи: Жиззах политехника институти, PhD.03/30.06.2020.Т.115.01.
Расмий оппонентлар: Ҳимматалиев Дўстназар Омонович, педагогика фанлари доктори, профессор; Алимов Нормурод Носирович, педагогика фанлари номзоди, доцент.
Етакчи ташкилот:  Қарши муҳандислик-иқтисодиёт институти.
Диссертация йўналиши назарий ва амалий аҳамиятга молик.
II. Тадқиқотнинг мақсади тармоқлараро интеграцияни таъминлаш жараёнида талабаларнинг ишлаб-чиқариш ва технологик компетенцияларини ривожлантириш методикасини такомиллаштиришдан иборат.
III.  Тадқиқотнинг илмий янгилиги:
олий таълим муассасалари ва ишлаб чиқариш корхоналари ҳамкорлигини таъминлашнинг илмий-методик асослари орқали ишлаб-чиқариш ва технологик компетенцияларини ривожлантиришга хизмат қилувчи тамойилларга асосланган ҳолда корхона ва таълим муассасаларининг тармоқлараро интеграция тузилмаси такомиллаштирилган;
олий таълим муассасалари ва кадрлар буюртмачиларининг талаблари асосида талабаларнинг ишлаб-чиқариш ва технологик компетенцияларини ривожлантиришга қаратилган талабалар амалиётини интерактив бошқаришга мўлжалланган интеграциялашган wеб-сайт ҳамда ташкилий-тузилмавий модел ишлаб чиқилган;
таълим жараёнида интеграциялашган wеб-технологиялардан фойдаланиш асосида вербал интеллектли талабаларнинг ишлаб-чиқариш ва технологик компетенциясини ривожлантириш методикаси “On the job training”, “Булутли технология”, “Critical thinking development technology” каби интерактив методларга кўра такомиллаштирилган;
талабаларга қўйиладиган компетенциявий талаблар ва сифат кўрсаткичларини баҳолашнинг репродуктив, вариатив, яратувчилик мезонлари асосида талабаларнинг ишлаб-чиқариш ва технологик компетенцияларини ривожланганлик даражасини аниқлаш ва диагностик баҳолаш тизими такомиллаштирилган.
IV. Тадқиқот натижаларининг жорий қилиниши. Тармоқлараро интеграцияни таъминлаш жараёнида талабаларнинг ишлаб-чиқариш ва технологик компетенцияларини ривожлантириш бўйича олинган илмий натижалар асосида:
олий таълим муассасалари ва ишлаб чиқариш корхоналари ҳамкорлигини таъминлашнинг илмий-методик асослари орқали ишлаб-чиқариш ва технологик компетенцияларини ривожлантиришга хизмат қилувчи тамойилларга асосланган ҳолда корхона ва таълим муассасаларининг тармоқлараро интеграция тузилмаси такомиллаштиришга оид методик тавсиялар Жиззах политехника институти илмий-тадқиқот ишлари режасининг “АИФ 1/4 – Касб-ҳунарга йўналтирилган марказ ва электроника бўйича қўшма ўқув лаборатория яратиш” (2021-2023йй.) мавзусидаги амалий тадқиқот лойиҳаси бажарилишида фойдаланилган (Жиззах политехника институтининг 2023-йил 21-октябрдаги 01-2447-2434-сон маълумотномаси). Натижада талабаларда касбий кўникма ва амалий малакаларни ривожлантиришга хизмат қилган;
талабаларнинг ишлаб-чиқариш ва технологик компетенцияларини ривожлантиришга қаратилган талабалар амалиётини интерактив бошқаришга мўлжалланган интеграциялашган веб-технология ишлаб чиқилди ҳамда талабалар амалиётининг ўқув-дидактик таъминоти оптималлаштирилди, малакаларни чуқурлаштириш, дунёқарашни кенгайтириш ва назорат қилишга оид ишланмалар “Автомобиллар: конструксияси ва ҳисоби” ўқув қўлланмаси мазмунига сингдирилган (Ўзбекистон Республикаси ОЎМТВнинг 27.12.2019 йилдаги 1186-сон буйруғи, № 1186-166 гувоҳнома). Натижада мазкур ўқув-услубий таъминот орқали бўлажак муҳандисларни тайёрлашнинг сифатини оширишга эришилган;
интегратив таълим муҳитида бўлажак муҳандиснинг ишлаб-чиқариш ва технологик компетенцияларини ривожлантиришга қаратилган ташкилий-тузилмавий модели ҳамда методикаси “On the job training”, “Булутли технология”, “Critical thinking development technology” каби интерактив методлардан “Автомобиллар назарияси” номли ўқув қўлланмасини тайёрлашда фойдаланилган (Олий таълим, фан ва инновациялар вазирлигининг 27.03.2023 йилдаги 68-сон буйруғи, № 68-697 гувоҳнома). Мазкур ўқув-методик таъминот интегратив таълим муҳитида бўлажак муҳандиснинг ишлаб-чиқариш ва технологик компетенцияларини ривожлантиришга доир илмий-методик тавсияларни оммалаштиришга эришилган.