Эргашев Алижон Ҳожимаматовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Ҳудудларнинг инвестицион муҳит жозибадорлигини оширишда маркетинг стратегияларидан фойдаланиш истиқболлари (Фарғона вилояти мисолида)», 08.00.11–Маркетинг ва 08.00.07–Молия, пул муомаласи ва кредит (иқтисодиёт фанлари).

Диссертация мавзуси рўйхатга олинган рақам: В2018.4.PhD/Iqt754.

Илмий раҳбар: Бекмуродов Адҳам Шарипович, иқтисодиёт фанлари доктори, профессор.

Диссертация бажарилган муассаса номи: Фарғона давлат университети.

ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.27.06.2017.I.16.01.

Расмий оппонентлар: Икрамов Мурат Акрамович, иқтисодиёт фанлари доктори, профессор; Нафасов Дониёр Бахтиёрович, иқтисодиёт фанлари бўйича фалсафа доктори (PhD).

Етакчи ташкилот: Тошкент молия институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: ҳудудларнинг инвестицион жозибадорлигини оширишда маркетинг стратегияларидан фойдаланиш истиқболлари бўйича илмий асосланган таклиф ва амалий тавсиялар ишлаб чиқишдан иборат.

III. Тадқиқотнинг илмий янгилиги:

ҳудудий маркетингнинг «10P» модели ҳудудларнинг инвестицион муҳит жозибадорлигини оширишнинг истеъмолчиларга йўналтирилган «10С» модели асосида такомиллаштирилган;

ҳудудга инвестицияларни жалб этиш имкониятларини маркетинг, ишбилармонлик муҳити ҳолати ва ижтимоий-иқтисодий ривожлантириш даражаси индикаторлари асосида баҳолаш таклиф этилган;

ҳудуд инвестицион жозибадорлигини оширишда «ҳудуд имижи»ни ривожлантиришга қаритилган маркетинг стратегиясини ишлаб чиқиш ва уни амалга оширишнинг ташкилий-иқтисодий механизми такомиллаштирилган;

ҳудуд инвестицион лойиҳалар самарадорлигини оширишга қаратилган «имиж», «ўзаро муносабатлар», «коммуникация», «истеъмолчиларга йўналтирилган» маркетинг стратегияларидан фойдаланиш асосида инвестицион сиёсатни юритишнинг маркетинг модели такомиллаштирилган.

IV. Тадқиқот натижаларининг жорий қилиниши.

Ҳудудларнинг инвестицион муҳит жозибадорлигини оширишда маркетинг стратегияларидан фойдаланиш истиқболлари бўйича олинган илмий натижалар асосида:

ҳудудларнинг бозор хусусиятларига кўра инвестицион муҳит жозибадорлигини оширишнинг истеъмолчиларга йўналтирилган «10P» модели асосида такомиллаштирилган ҳудудий маркетингнинг «10С» модели Ўзбекистон Республикаси Иқтисодиёт вазирлигининг «Ҳудудий дастурларни шакллантириш масалалари йиғма бўлими» фаолиятига жорий қилинган (Ўзбекистон Республикаси Иқтисодиёт вазирлигининг 2018 йил 27 июлдаги HБ-1-1/19-491-сон маълумот­номаси). Ҳудудий маркетингнинг замонавий комплексидан фойдаланишга қаратилган таклифлар Фарғона вилоятини ижтимоий-иқтисодий ривожлантириш бўйича қабул қилинган инвестицион лойиҳаларни ишлаб чиқишга хизмат қилган;

ҳудудга инвестицияларни жалб этиш имкониятларини маркетинг, ишбилармонлик муҳити ҳолати ва ижтимоий-иқтисодий  ривожлантириш даражаси индикаторлари асосида баҳолашнинг таклиф этилган усули Ўзбекистон Республикаси Иқтисодиёт вазирлигининг «Ишбилармонлик муҳитини такомиллаштириш ва тадбиркорликни ривожлантириш бошқармаси» фаолиятига жорий қилинган (Ўзбекистон Республикаси Иқтисодиёт вазирлигининг 2018 йил 27 июлдаги HБ-1-1/19-491-сон маълумот­номаси). Ҳудудга инвестицияларни жалб этиш имкониятларини маркетинг, ишбилармонлик муҳити ҳолати ва ижтимоий-иқтисодий  ривожлантириш даражаси индикаторларига кўра таклиф этилган баҳолаш тизими натижалари «Фарғона вилоятининг 2018 йилги минтақавий инвестиция дастурини тасдиқлаш тўғрисида»ги 978-сонли қарорини ишлаб чиқишга хизмат қилган;

ҳудуд инвестицион жозибадорлигини оширишда «ҳудуд имижи»ни шакллантиришнинг маркетинг стратегиясини ишлаб чиқиш ва уни амалга оширишнинг такомиллаштирилган ташкилий-иқтисодий механизми Ўзбекистон Республикаси Иқтисодиёт вазирлигининг «Ҳудудий дастурларни шакллантириш масалалари йиғма бўлими» фаолиятига жорий этилган (Ўзбекистон Республикаси Иқтисодиёт вазирлигининг 2018 йил 27 июлдаги HБ-1-1/19-491-сон маълумот­номаси).  Ҳудуд инвестицион жозибадорлигини оширишда «ҳудуд имижи»ни шакллантириш бўйича амалга оширилган тадбирлар натижасида Фарғона вилояти иқтисодиётига жалб этилган инвестициялар ҳажми 2018 йилнинг биринчи чорагида 2017 йилнинг шу даврига нисбатан 3,5 фоизга, хорижий инвестициялар ҳажми 1,4 фоизга ошишига имкон берганган;

ҳудуд инвестицион лойиҳалар самарадорлигини оширишга қаратилган «имиж», «ўзаро муносабатлар», «коммуникация», «истеъмолчиларга йўналтирилган» маркетинг стратегияларидан фойдаланиш асосида таклиф этилган инвестицион сиёсатни юритишнинг такомиллаштирилган маркетинг модели Ўзбекистон Республикаси Иқтисодиёт вазирлигининг «Ишбилармонлик муҳитини такомиллаштириш ва тадбиркорликни ривожлантириш бошқармаси» фаолиятига жорий этилган (Ўзбекистон Республикаси Иқтисодиёт вазирлигининг 2018 йил 27 июлдаги HБ-1-1/19-491-сон маълумот­номаси). Таклиф этилган инвестицион сиёсатни юритишнинг маркетинг модели асосида Фарғона вилоятида инвестицион-инновацион инфратузилма объектларини шакллантириш имконини берган.