Олий аттестация комиссиясида коррупцияга қарши кураш ойликлар доирасида «Коррупцияга қарши кураш» мавзусида Ўзбекистон Республикаси Жамоат хавфсизлиги университети билан ҳамкорликда ҳуқуқий билимларни оширишга доир маънавий-маърифий тадбир ўтказилди. Унда масъул ходимлар билан тартиб-қоида комиссиясида мавзуга оид масалалар юзасидан амалий семинарлар (аниқ ҳолатлар бўйича) маълумотлар берилди.

«Конституция – эркин ва фаровон ҳаёт гарови!» бош ғояси асосида ўтказилаётган ҳуқуқий билимларни ошириш ойлиги доирасида ташкил этилган тадбир Ўзбекистон Республикаси Олий таълим, фан ва инновациялар вазирлигининг 2024 йил 25 сентябрь куни тасдиқланган “Ўзбекистон Республикаси Вазирлар Маҳкамасининг “2024-2025 йилларда жамиятда ҳуқуқий маданиятни юксалтириш бўйича чора-тадбирлар дастурини тасдиқлаш тўғрисида”ги 2024 йил 18 сентябрдаги 588-сон қарорида белгиланган топшириқлар ижроси юзасидан Назорат режаси”нинг 42-банди ижросининг аҳамиятини намоён этди.
Ўзбекистон Республикаси Жамоат хавфсизлиги университети доценти, юридик фанлар бўйича (PhD) фалсафа докторлари А.Пайзиев инсон ҳуқуқ ва эркинликлари қонунларимизда қатъий белгилаб қўйилгани хусусида маълумотлар анжуман иштирокчилари эътиборини тортди.

Ҳуқуқий демократик ва адолатли жамият қуришда Бош Қомусимизнинг ўрни, Конституциянинг янги таҳририга киритилган ўзгартиришлар ва уларнинг халқимиз манфаатлари ва Ватанимиз тараққиётини таъминлашдаги долзарб аҳамияти хусусида кенг қамровли маълумотлар берилди.
Тадбир сўнгида иштирокчилар томонидан мавзуга доир берилган саволларига мутахассис-олимлар томонидан батафсил жавоблар берилди.

Ахборот хизмати