Исмаилова Мухайё Каримовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Спазмолитик таъсирга эга «Симверин» таблеткаси технологиясини ишлаб чиқишнинг фармакотехнологик аспектлари», 15.00.01 - Дори технологияси (фармацевтика фанлари).
Диссертация мавзуси рўйхатга олинган рақам: B2023.1.PhD/Far97.
Илмий раҳбар: Юнусова Холида Маннановна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Тўхтаев Хаким Рахманович, фармацевтика фанлари доктори, профессор; Сотимов Ғайрат Бахтиёрович, техника фанлари доктори, катта илмий ходим.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ошқозон – ичак трактининг функционал касалликларини даволаш учун комбинирланган таблетка препаратини инновацион технологиясини ишлаб чиқишдан иборат.
III. Тадқиқотнинг илмий янгилиги:
илк бор дротаверин гидрохлорид ҳамда суюқ агрегат холатдаги симетикон субстанциялари асосида кенг қамровли, спазмолитик таъсирга эга комбинирланган таблетка таркиби ҳамда технологияси ишлаб чиқилган;
илк бор тавсия қилинаётган комбинирланган таблетканинг сифатига таъсир қилувчи омиллар ўрганилиб, сифат ва миқдор кўрсаткичлари меъёрий ҳужжатларда кўрсатилган талабларга мувофиқлиги исботланган;
in vitro ва in vivo усулларида олиб борилган экспериментал тадқиқотлар асосида тавсия этилаётган таркиб ва технологияда олинган «Симверин» комбинирланган таблеткаларининг юқори биосамарадорликга эга эканлиги  аниқланган;
«Симверин» таблеткасининг спазмолитик таъсири ва хавфсизлиги аниқланган ва унинг самарадорлиги солиштирма препарат «Метеоспазмил»дан кам эмаслиги тажрибаларда исботланган.
IV. Тадқиқот натижаларининг жорий қилиниши: Спазмолитик таъсирга эга «Симверин» таблеткаси технологиясини ишлаб чиқишнинг фармакотехнологик аспектлари бўйича олинган илмий натижалар асосида:
«Спазмолитик таъсирга эга бўлган воситани олиш усули»га Ўзбекистон Республикаси Интеллектуал мулк агентлигининг фойдали моделига патент олинган (№FAP 2565, 17.08.2024 й.). Натижада, дротаверин гидрохлорид ва симетикон асосида янги комбинирланган таблеткаларни ишлаб чиқариш имконини берган;
«Симверин» комбинирланган таблеткаси учун корхона фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари ҳавфсизлиги маркази» Давлат муассасасига рўйхатдан ўтказиш учун топширилган («Фармацевтика маҳсулотлари ҳавфсизлиги маркази» Давлат муассасасининг 2024 йил 17 сентябрдаги №41/11-12243-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу корхона фармакопея мақолаларининг тасдиқланиши спазмолитик таъсирга эга дори препаратларини ишлаб чиқариш ва тиббиётда қўллаш имконини беради;
ўтказилган клиник олди синовлари натижасида «Симверин» комбинирланган таблеткаларининг специфик фаоллиги ва ўткир заҳарли эмаслиги исботланган (Ўзбекистон Республикаси Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада ишончли спазмолитик таъсирга эга зарарсиз дори препаратининг самарадорлигини исботлаш имконини берган;
«Симверин» комбинирланган таблеткаси учун тажриба саноат регламенти «Radiks» МЧЖ билан ҳамкорликда ишлаб чиқилган ва тасдиқланган (ОПР 2183442-06-24). Мазкур ҳужжатнинг тасдиқланиши натижасида спазмолитик дори препарати учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган.