Бўриев Муҳриддин Деҳқон ўғлининг
фалсафа доктори (PhD) диссертацияси ҳимояси ҳақида эълон

 I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Плуг-юмшаткич тишли ғалтакмоласининг параметрларини асослаш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B.2024.3.PhD/Т4932
Илмий раҳбар: Чуянов Дустмурод Шодмонович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02.
Расмий оппонентлар: Батиров Зафар Лутфуллаевич, техника фанлари доктори, доцент; Қурбанов Шерзод Бахтиёрович, техника фанлари фалсафа доктори, доцент.
Етакчи ташкилот: Самарқанд агроинновациялар ва тадқиқотлар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади плуг-юмшаткич тишли ғалтакмоласининг конструксияси ва параметрларини асослаш орқали далаларга ағдаргичсиз ишлов беришда энергиятежамкорлик ва юқори иш сифатини таъминлашдан иборат.
III. Тадқиқотнинг илмий янгилиги:
плуг-юмшаткич ғалтакмоласининг конструксияси нам етарли бўлмаган шароитида шудгор юза қатламидаги кесакларни талаблар даражасида сифатли майдалашни таъминлашини ҳисобга олиниб ишлаб чиқилган;
ғалтакмола диаметри унинг тиши босимини кесакка жамланиши ҳамда кесакларни ғалтакмола цилиндри ва ишлов берилган дала орасида ишончли қисилиши шартидан аниқланган;
ғалтакмола тишларининг кенглиги, баландлиги ва сони кесакларнинг ўлчамлари ва ўзаро жойлашишини ҳисобга олган ҳолда асосланган;
охирги қия устунли ишчи орган исканаси тиғидан ғалтакмоланинг айланиш марказигача бўлган бўйлама масофа кейинги ишчи орган таъсирида деформацияланган тупроқнинг зарралари ғалтакмола тишларига етиб бормаслик шартидан аниқланган.
IV. Тадқиқот натижаларининг жорий қилиниши:
Тупроққа ағдаргичсиз ишлов берадиган плуг-юмшаткич ғалтакмоласининг параметрларини асослаш бўйича олинган натижалар асосида:
ғалтакмола билан жиҳозланган плуг-юмшаткич билан далаларга ағдаргичсиз ишлов бериш технологик жараёнларининг бажарилиши сифат кўрсаткичларини баҳолашга дастлабки талаблар ва унинг конструксиясини лойиҳалашга техник топшириқ ишлаб чиқилган (Ўзбекистон Республикаси Қишлоқ хўжалиги вазирлигининг 2024-йил 11-октябрдаги 05/04-04/491-сон маълумотномаси). Натижада ғалтакмола билан жиҳозланган плуг-юмшаткич конструксиясини ишлаб чиқиш имкони яратилган;
ғалтакмола билан жиҳозланган плуг-юмшаткич Қашқадарё вилояти Касби ва Қарши туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2024-йил 11-октябрдаги 05/04-04/491-сон маълумотномаси). Натижада тупроққа ишлов беришда ёнилғи сарфи 21,4 фоизга ва фойдаланишдаги харажатлар 22,5 фоизга камайган;
ғалтакмола билан жиҳозланган плуг-юмшаткични ишлаб чиқаришни ўзлаштириш учун лойиҳа-констркторлик ҳужжатлари (техникавий шартлар ва чизмалар) “БМКБ-Агромаш” АЖ да лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2024-йил 11-октябрдаги 05/04-04/491-сон маълумотномаси). Натижада далаларга ағдаргичсиз ишлов берадиган ғалтакмола билан жиҳозланган плуг-юмшаткични ишлаб чиқариш имкони яратилган.