Юсупов Алижон Абдужаббор ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: 05.06.02–Тўқимачилик материаллари технологияси ва хомашёга дастлабки ишлов бериш - “Ҳалқали йигириш машинасида ип сифатини ошириш тадқиқи”.
Диссертация мавзуси рўйхатга олинган рақам: В2024.2.PhD/Т1659
Илмий раҳбар: Бобожанов Ҳусанхон Тохирович, техника фанлари доктори, доцент.
Диссертация бажарилган муассаса номи: Наманган тўқимачилик саноати институти
ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01
Расмий оппонентлар: Жуманиязов Қадам техника фанлари доктори, профессор; Ражабов Одилжон Олимжонович техника фанлари номзоди, доцент.
Етакчи ташкилот: Фарғона палитехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ҳалқали йигириш машинаси чўзиш механизмидаги пластик зичлагич ҳамда чиқарувчи ўйиқли цилиндр конструксиясини такомиллаштириш орқали ип сифатини яхшилашдан иборат.
III.Тадқиқотнинг илмий янгилиги қуйидагилардан иборат:
ҳалқали йигириш машинасида орқа чўзувчи жуфтликлар орасида харакатланаёнган пиликни узилишини олдини олиб зичлаб берувчи янги конструксиядаги пластик йўналтиргич конструксияси ишлаб чиқилган;  
ҳалқали йигириш машинасидаги мавжуд релефли цилиндр ўрнига ип тукдорлигини камайтириб унинг сифат кўсаткичларини ошишига имкон берувчи учбурчак шаклдаги релефли цилиндр конструксияси ишлаб чиқилган;
ҳалқали йигириш машинасининг чиқарувчи жуфтлигидаги янги тавсия этилаётган учбурчак шаклдаги релефли цилиндрида толаларнинг ҳаракатланишини ва унга таъсир этаётган кучларни математик модели олинган;
ҳалқали йигириш машинасида сифат кўрсаткичлари юқори бўлган ип олиш учун такомиллашган учбурчак шаклдаги релефли цилиндрнинг ўйиқ бурчаги ҳамда урчуқ айланиш тезлигининг мақбул қийматлари регрессоин математик модел тенгламалари орқали аниқланган.
Тадқиқотнинг амалий натижалари қуйидагилардан иборат:
ҳалқали йигириш машинасида толалар оқимини тартибга солиш элементларининг параметрларини созлаш бўйича етарлича тавсиялар ва ишланмалар мавжуд эмаслиги аниқланди;
ҳалқали усулда йигирилган ипларини қўлланилиш соҳалари ва ипга қўйилган талаблардан келиб чиқиб, уларнинг сифатини ошириш мақсадида янги такомиллаштирилган толаларни зичловчи пластик йўналтиргич яратилган;
ҳалқали йигириш машинасида рифляли цилиндр ўрнига пишитиш учбурчагида толаларни бир эрга йиғиб берувчи янги конструксиядаги учбурчак шаклдаги ўйиқли цилиндр тайёрланган;
янги қурилмани ишлаб чиқаришга жорий этиш натижасида йигирилган ипдаги тукдорликни ҳамда ипнинг чизиқли зичлиги бўйича нотекислигини камайишига эришилган;
ҳалқали ип сифатига таъсир этувчи омилларни бошқариш, жараёнларни барқарорлаштириш ва қурилмаларни ростлаш нафақат йигириш жараёнига, балки кейинги технологик жараёнларига ҳам таъсир кўрсатиши тажрибалар натижасида асосланган;
янги такомиллаштирилган учбурчак шаклдаги ўйиқли цилиндрда ипнинг ҳаракати назарий жиҳатдан тадқиқ этилган ҳамда олиб борилган тажрибалар натижаларида ўз исботини топган.
IV. Тадқиқот натижаларининг жорий қилиниши. Ҳалқали йигириш машинасида сифат кўрсаткичи юқори бўлган ип маҳсулотини ишлаб чиқариш бўйича бажарилган илмий натижалар асосида:
Янги конструксиядаги зичлагич ва учбурчак шаклдаги ўйиқли цилиндр «Ўзтўқимачиликсаноат» уюшмасига қарашли Наманган вилояти Поп туманидаги “АРЦОФТТЕХ” масъулияти чекланган жамиятида ишлаб чиқаришга жорий этилган («Ўзтўқимачиликсаноат» уюшмасининг 2024 йил 14 октябрдаги №03/25-2732 сон маълумотномаси). Натижада йигирилган ипнинг тукдорлиги 12% га, ипнинг номери бўйича нотекислиги 3% га камайган, нисбий узилиш кучи эса 3 % га ошишига эришилган.