Сидикжанов Жаъфар Собир ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: “Пахта матоларининг киришиш параметрлари асосида эркаклар кўйлагини лойиҳалаш усулини такомиллаштириш” 05.06.04 – “Тикувчилик буюмлари технологияси ва костюм дизайни” ихтисослиги.
Диссертация мавзуси рўйхатга олинган рақам: B2023.4.PhD/Т4275
Илмий раҳбар: Набиджанова Наргиза Насимжановна, техника фанлари доктори, профессор.
Диссертация бажарилган муассаса номи: Наманган тўқимачилик саноати институти
ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01
Расмий оппонентлар: Абдукаримова Машхура Абдураимовна, техника фанлари доктори, профессор; Орипов Жасур Икромжон ўғли, техника фанлари бўйича фалсафа доктори, доцент.
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади: эркаклар кўйлагини лойиҳалаш усулларини такомиллаштириш мақсадида лойиҳалаш жараёнида матонинг киришиш параметрларини олдиндан ҳисоблаш ҳамда жараённи автоматлаштириш орқали конструкция чизмаларини сифати ва қуриш тезкорлигини оширишдан иборат.
III. Тадқиқотнинг илмий янгилиги қуйидагилардан иборат:
матоларнинг киришиш хусусиятини инобатга олиб кийим конструксия чизмаларини қуришда пахта толали матоларнинг бирламчи кўрсаткичлари асосида унинг танда ва арқоқ йўналишлари бўйича киришиш қийматларини хусусиятини инобатга олинган ҳисоблашнинг математик модели ишлаб чиқилган;
кийимни танага мос ҳолда ўрнашувини кафолатлайдиган материалларнинг киришиш хусусиятига кўра кўйлак конструкция чизмасининг аниқлиги ва унинг участкаларидаги ўзгаришларини назарда тутувчи оптимал лойиҳалаш усули ишлаб чиқилган;
тайёр кийимни бўяш усули орқали эркаклар кўйлаги базавий асос чизмаларини қуришда киришиш қийматларини қайта ҳисоблаб конструкция сифатини ва тезкорлигини оширувчи автоматлаштирилган тизим ишлаб чиқилган;
эркаклар кўйлагини тикиб сўнг уни бўяш  усулида  ишлаб  чиқариш, унинг андозалари асосий деталлари градация схемасида конструктив нуқталарнинг Х ва Й ўқлари бўйича оптимал силжиш қийматлари ҳисоблаб топилган.
IV. Тадқиқот натижаларининг жорий қилиниши. Эркаклар кўйлагини лойиҳалаш усулини такомиллаштириш ва автоматлаштирилган тизимини ишлаб чиқиш бўйича олинган илмий ва амалий натижалар асосида:
 эркаклар кўйлагини автоматлаштирилган лойиҳалаш тизими «Ўзтўқимачиликсаноат» уюшмаси тизимидаги корхоналарда, хусусан «Идеал Текстил Орзу» МЧЖда жорий қилинган («Ўзтўқимачиликсаноат» уюшмасининг 2024 йил 25 июндаги №03/25-1558-сонли маълумотномаси). Натижада буюмни лойиҳалаш учун кетадиган вақт ҳаражатларини 46,28% га қисқартирилган, меҳнат унумдорлиги эса 86,15% га оширилган;
киришиш хусусиятига кўра, кўйлак конструкцияси участкаларидаги ўзгаришларни ҳисобга олувчи оптимал лойиҳалаш усули  «Замин люкс текстил» МЧЖда жорий қилинган («Ўзтўқимачиликсаноат» уюшмасининг 2024 йил 25 июндаги №03/25-1558-сонли маълумотномаси). Натижада пахта матосининг киришиш меъёрлари ва градация схемасининг илмий асосланган параметрларини тадбиқ этилиши ҳисобига 229372,26 минг сўм иқтисодий самарадорликка эришилган.