Jo‘raev Dilmurot Muxtorovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi) “Ma’muriy va ommaviy huquqiy nizolarni hal etishning muqobil usuli sifatida kelishuv bitimi”, 12.00.02 – Konstitusiyaviy huquq. Ma’muriy huquq. Moliya va bojxona huquqi (yuridik fanlar).
Dissertatsiya mavzusi ro‘yxatga olingan raqam: B2022.2.PhD/Yu721.
Ilmiy rahbar: Musaev Bekzod Tursunboevich, yuridik fanlar doktori (DSc), professor.
Dissertatsiya bajarilgan muassasa nomi: Toshkent davlat yuridik universiteti.
IK faoliyat ko‘rsatayotgan muassasa nomi, IK raqami: Toshkent davlat yuridik universiteti, DSc.07/30.12.2019.Yu.22.02.
Rasmiy opponentlar: Ro‘zmetov Xayrulla Ibadullaevich, yuridik fanlar doktori, dotsent; Javliev Nurali Bahodirovich, yuridik fanlar nomzodi, dotsent.
Yetakchi tashkilot: O‘zbekiston Respublikasi Sudyalar Oliy kengashi huzuridagi Sudyalar oliy maktabi.
Dissertatsiyaning yo‘nalishi: nazariy va amaliy ahamiyatga molik.
II. Tadqiqotning maqsadi ma’muriy va ommaviy huquqiy munosabatlardan kelib chiqadigan nizolarni sudda muqobil usulda hal etishni kengaytirish va kelishuv bitimi tuzish bo‘yicha ilmiy asoslangan taklif va tavsiyalarni ishlab chiqishdan iborat.
III. Tadqiqotning ilmiy yangiligi:
ma’muriy va ommaviy huquqiy munosabatlardan kelib chiqadigan nizolarni sudda hal etishda kelishuv bitimi tuzishni joriy qilish lozimligi asoslantirilgan;
kelishuv bitimining shakli va mazmuniga qo‘yiladigan talablar ishlab chiqilib, unga ko‘ra kelishuv bitimi yozma shaklda tuzilishi, bitim bo‘yicha majburiyatlarning bajarilishi taraflarni bir-biriga yoki boshqa voqealarga, harakatlarga bog‘liq qilib qo‘yishi mumkin emasligi asoslab berilgan;
ma’muriy va ommaviy huquqiy munosabatlardan kelib chiqadigan nizolarni sudda hal etishda kelishuv bitimini tasdiqlash to‘g‘risidagi masalani ko‘rib chiqish jarayonida sud tomonida uning qonunchilikka, uchinchi shaxslarning manfaatlariga zid emasligi aniqlanishi lozimligi asoslangan;
ma’muriy va ommaviy huquqiy munosabatlardan kelib chiqadigan nizolar bo‘yichi tuzilgan kelishuv bitimini sud tomonidan rad etishni asoslari ishlab chiqilgan, jumladan, bitim ishtirokchisi sanalgan javobgarda ma’muriy ixtiyoriylik bo‘lmasa, bitim shartli tuzilgan bo‘lsa kelishuv bitimini tasdiqlash sud tomonidan rad etilishi lozimligi asoslantirilgan;
agar ma’muriy sudning ayni bir shaxslar o‘rtasidagi, ayni bir predmet to‘g‘risidagi va ayni bir asoslar bo‘yicha nizo yuzasidan qabul qilingan, qonuniy kuchga kirgan hal qiluv qarori yoki ish yuritishni tugatish haqidagi ajrimi yoxud kelishuv bitimini tasdiqlash to‘g‘risidagi ajrimi mavjud bo‘lsa, sudya arizani (shikoyatni) ish yuritishga qabul qilishni rad etishi lozimligi asoslab berilgan.
IV. Tadqiqot natijalarining joriy qilinishi. Tadqiqot ishi bo‘yicha olingan ilmiy natijalar quyidagilarda foydalanilgan:
ma’muriy va ommaviy huquqiy munosabatlardan kelib chiqadigan nizolarni sudda hal etishda kelishuv bitimi tuzishni joriy qilish lozimligi haqidagi taklifdan O‘zbekiston Respublikasi MSIYtKning 1261-moddasi birinchi qismini ishlab chiqishda foydalanilgan (O‘zbekiston Respublikasi Oliy majlisi Qonunchilik palatasi Korrupsiyaga qarshi kurashish va sud-huquq masalalari qo‘mitasining
2023-yil 13-iyundagi 04/2-10/2149-son dalolatnomasi). Ushbu takliflarning amalga oshirilishi qonunchilikda ma’muriy nizolarni muqobil usulda hal etish imkoni va amaliyotining vujudga kelishiga xizmat qilgan;
kelishuv bitimining shakli va mazmuni yuzasidan kelishuv bitimi yozma shaklda tuzilishi, uni tuzgan shaxslar tomonidan imzolanishi, bitim bo‘yicha majburiyatlarning bajarilishi taraflarni bir-biriga yoki boshqa voqealarga, harakatlarga bog‘liq qilib qo‘yishi mumkin emasligi, bitimda sud xarajatlarini taqsimlash to‘g‘risidagi shart mavjud bo‘lmasa bu masala bitimni tasdiqlash chog‘ida hal etilishi lozimligi haqidagi taklifdan O‘zbekiston Respublikasi MSIYtKning 1262-moddasini ishlab chiqishda foydalanilgan (O‘zbekiston Respublikasi Oliy majlisi Qonunchilik palatasi Korrupsiyaga qarshi kurashish va sud-huquq masalalari qo‘mitasining 2023-yil 13-iyundagi 04/2-10/2149-son dalolatnomasi). Ushbu takliflarning amalga oshirilishi qonunchilikda ma’muriy nizolarni muqobil usulda hal etish imkoni va amaliyotining vujudga kelishiga xizmat qilgan;
ma’muriy va ommaviy huquqiy munosabatlardan kelib chiqadigan nizolarni sudda hal etishda kelishuv bitimini tasdiqlash to‘g‘risidagi masalani ko‘rib chiqish yuzasidan kelishuv bitimi ishni ko‘rayotgan sud tomonidan taraflar ishtirokida tasdiqlanishi, kelishuv bitimini tasdiqlash jarayonida sud tomonidan uning qonunchilikka, uchinchi shaxslarning manfaatlariga zid emasligi aniqlanishi, kelishuv bitimini tasdiqlashda ish yuritishdan tugatilishi va bu haqda sud ajrim chiqarishi lozimligi haqidagi taklifdan O‘zbekiston Respublikasi MSIYtKning 1263-moddasini ishlab chiqishda foydalanilgan (O‘zbekiston Respublikasi Oliy sudining 2023-yil 29-maydagi 1-197-23-son ma’lumotnomasi). Ushbu taklifning amalga oshirilishi normativ-huquqiy hujjatlarda ma’muriy nizolarni muqobil usulda hal etish imkonining vujudga kelishiga xizmat qilgan;
ma’muriy va ommaviy huquqiy munosabatlardan kelib chiqadigan nizolarni sudda hal etishda kelishuv bitimini tasdiqlashni rad etish yuzasidan kelishuv bitimining shartlari qonunchilikka zid bo‘lsa, bitim shartlari uchinchi shaxslarning huquqlari va qonuniy manfaatlariga daxl qilsa hamda ushbu uchinchi shaxslarning kelishuv bo‘yicha roziligi bo‘lmasa, javobgarda ma’muriy ixtiyoriylik bo‘lmasa, bitim shartli tuzilgan bo‘lsa kelishuv bitimini tasdiqlash rad etilishi lozimligi  haqidagi taklifdan O‘zbekiston Respublikasi MSIYtKning 1265-moddasini ishlab chiqishda foydalanilgan (O‘zbekiston Respublikasi Oliy majlisi Qonunchilik palatasi Korrupsiyaga qarshi kurashish va sud-huquq masalalari qo‘mitasining 2023-yil 13-iyundagi 04/2-10/2149-son dalolatnomasi). Ushbu takliflarning amalga oshirilishi qonunchilikda ma’muriy nizolarni muqobil usulda hal etish imkoni va amaliyotining vujudga kelishiga xizmat qilgan;
agar ma’muriy sudning ayni bir shaxslar o‘rtasidagi, ayni bir predmet to‘g‘risidagi va ayni bir asoslar bo‘yicha nizo yuzasidan qabul qilingan, qonuniy kuchga kirgan hal qiluv qarori yoki ish yuritishni tugatish haqidagi ajrimi yoxud kelishuv bitimini tasdiqlash to‘g‘risidagi ajrimi mavjud bo‘lsa, sudya arizani (shikoyatni) ish yuritishga qabul qilishni rad etishi lozimligi haqidagi taklifdan O‘zbekiston Respublikasi MSIYtKning 133-modda birinchi qismining 2-bandini  ishlab chiqishda foydalanilgan (O‘zbekiston Respublikasi Oliy majlisi Qonunchilik palatasi Korrupsiyaga qarshi kurashish va sud-huquq masalalari qo‘mitasining
2023-yil 13-iyundagi 04/2-10/2149-son dalolatnomasi). Ushbu takliflarning amalga oshirilishi qonunchilikda ma’muriy nizolarni muqobil usulda hal etish imkoni va amaliyotining vujudga kelishiga xizmat qilgan.