Borotov Alisher Xomidovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: “Xususiy mulkning huquq va kafolatlarini ishonchli himoya qilishni ta’minlash”, 12.00.03 – Fuqarolik huquqi. Tadbirkorlik huquqi. Oila huquqi. Xalqaro xususiy huquq (yuridik fanlar).
Dissertatsiya mavzusi ro‘yxatga olingan raqam: B2022.2.PhD/Yu734.
Ilmiy rahbarning F.I.Sh., ilmiy darajasi va unvoni: Imomov Nurillo Fayzullaevich, yuridik fanlar doktori, professor.
Dissertatsiya bajarilgan muassasa nomi: Toshkent davlat yuridik universiteti.
IK faoliyat ko‘rsatayotgan muassasa nomi, IK raqami: O‘zbekiston Respublikasi Sudyalar oliy kengashi huzuridagi Sudyalar oliy maktabi, PhD.37/27.02.2020.Yu.107.01.
Rasmiy opponentlar: Azizov Xudoyqul Tojievich, yuridik fanlar nomzodi, professor; Choriev Murodjon Shokirjonovich, yuridik fanlar doktori, professor.
Yetakchi tashkilot: O‘zbekiston Respublikasi Ichki ishlar vazirligi Akademiyasi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi xususiy mulkning huquq va kafolatlarini ishonchli himoya qilishni ta’minlash bilan bog‘liq ilmiy-nazariy va amaliy muammolarni aniqlash hamda qonunchilikni takomillashtirishga doir taklif-tavsiyalar ishlab chiqishdan iborat.
III. Tadqiqotning ilmiy yangiligi:
mulkdorga etkazilgan zararning o‘rni uni etkazgan shaxs tomonidan qonunchilikka muvofiq to‘la hajmda qoplanishi kerakligi haqidagi takliflari asoslab berilgan;
mulkdorning davlat organlari bilan o‘zaro munosabatlarida mulkdor huquqlarining ustuvorligi prinsipi amal qilishi, unga muvofiq qonunchilikdagi xususiy mulk huquqini amalga oshirish bilan bog‘liq holda yuzaga keladigan barcha bartaraf etib bo‘lmaydigan ziddiyatlar va noaniqliklar mulkdorning foydasiga talqin etilishi asoslantirilgan;
davlat organlarining va boshqa organlarning, fuqarolar o‘zini o‘zi boshqarish organlarining yoki ular mansabdor shaxslarining g‘ayriqonuniy harakatlari (harakatsizligi), shu jumladan davlat organi va boshqa organ yoki fuqarolarning o‘zini o‘zi boshqarish organi tomonidan qonunchilikka muvofiq bo‘lmagan hujjat chiqarilishi natijasida mulkdorga etkazilgan zararning o‘rni davlat va boshqa organ yoki fuqarolarning o‘zini o‘zi boshqarish organi tomonidan qoplanishi kerakligi asoslab berilgan;
davlat organlari va boshqa organlar, fuqarolarning o‘zini o‘zi boshqarish organlari mansabdor shaxslarining aybi bilan etkazilgan zararning o‘rnini qoplash sud qarori bilan shu mansabdor shaxslar zimmasiga yuklanishi mumkinligi asoslantirib berilgan.
IV. Tadqiqot natijalarining joriy qilinishi. Tadqiqot ishi bo‘yicha olingan ilmiy natijalaridan quyidagilarda foydalanilgan:
mulkdorga etkazilgan zararning o‘rni uni etkazgan shaxs tomonidan qonunchilikka muvofiq to‘la hajmda qoplanishi kerakligi haqidagi takliflar “Xususiy mulkni himoya qilish va mulkdorlar huquqlarining kafolatlari to‘g‘risida” (24.09.2012-y., O‘RQ–336-son)gi Qonunning 6-moddasi ikkinchi qismiga O‘zbekiston Respublikasining “O‘zbekiston Respublikasining ayrim qonun hujjatlariga o‘zgartishlar kiritish to‘g‘risida” 21.04.2021-yildagi O‘RQ–683-son Qonunning 214-moddasi to‘rtinchi qismi asosida o‘z aksini topgan (O‘zbekiston Respublikasi Oliy Majlisi Qonunchilik palatasining 2022-yil 28-iyundagi
04/2-10/39-son dalolatnomasi). Ushbu taklifning joriy qilinishi mulkdorga etkazilgan zarar qoplanishini huquqiy ta’minlashga xizmat qilgan;
mulkdorning davlat organlari bilan o‘zaro munosabatlarida mulkdor huquqlarining ustuvorligi prinsipi amal qilishi, unga muvofiq qonunchilikdagi xususiy mulk huquqini amalga oshirish bilan bog‘liq holda yuzaga keladigan barcha bartaraf etib bo‘lmaydigan ziddiyatlar va noaniqliklar mulkdorning foydasiga talqin etilishi haqidagi takliflar “Xususiy mulkni himoya qilish va mulkdorlar huquqlarining kafolatlari to‘g‘risida” (24.09.2012-y., O‘RQ–336-son)gi Qonunning 7-moddasiga O‘zbekiston Respublikasining “O‘zbekiston Respublikasining ayrim qonun hujjatlariga o‘zgartishlar kiritish to‘g‘risida” 2021-yil 21-apreldagi O‘RQ–683-son Qonunning 214-moddasi beshinchi qismi asosida o‘z aksini topgan (O‘zbekiston Respublikasi Oliy Majlisi Qonunchilik palatasining 2022-yil 28-iyundagi 04/2-10/39-son dalolatnomasi). Ushbu taklifning joriy qilinishi mulkdor huquqlarini ustunligini ta’minlashga xizmat qilgan;
davlat organlarining va boshqa organlarning, fuqarolar o‘zini o‘zi boshqarish organlarining yoki ular mansabdor shaxslarining g‘ayriqonuniy harakatlari (harakatsizligi), shu jumladan davlat organi va boshqa organ yoki fuqarolarning o‘zini o‘zi boshqarish organi tomonidan qonunchilikka muvofiq bo‘lmagan hujjat chiqarilishi natijasida mulkdorga etkazilgan zararning o‘rni davlat va boshqa organ yoki fuqarolarning o‘zini o‘zi boshqarish organi tomonidan qoplanishi kerakligi haqidagi takliflar “Xususiy mulkni himoya qilish va mulkdorlar huquqlarining kafolatlari to‘g‘risida” (24.09.2012-y., O‘RQ–336-son)gi Qonunning 14-moddasiga O‘zbekiston Respublikasining “O‘zbekiston Respublikasining ayrim qonun hujjatlariga o‘zgartishlar kiritish to‘g‘risida” 2021-yil 21-apreldagi O‘RQ–683-son Qonunning 214-moddasi sakkizinchi qismi asosida o‘z aksini topgan (O‘zbekiston Respublikasi Oliy Majlisi Qonunchilik palatasining 2022-yil 28-iyundagi 04/2-10/39-son dalolatnomasi). Ushbu taklifning joriy qilinishi mulkdor zarar etkazuvchini aniqlashga va zararni qoplatishga xizmat qilgan;
davlat organlari va boshqa organlar, fuqarolarning o‘zini o‘zi boshqarish organlari mansabdor shaxslarining aybi bilan etkazilgan zararning o‘rnini qoplash sud qarori bilan shu mansabdor shaxslar zimmasiga yuklanishi mumkinligi haqidagi takliflar “Xususiy mulkni himoya qilish va mulkdorlar huquqlarining kafolatlari to‘g‘risida” (24.09.2012-y., O‘RQ–336-son)gi Qonunning 14-moddasiga O‘zbekiston Respublikasining “O‘zbekiston Respublikasining ayrim qonun hujjatlariga o‘zgartishlar kiritish to‘g‘risida” 2021-yil 21-apreldagi O‘RQ–683-son Qonunning 214-moddasi sakkizinchi qismi asosida o‘z aksini topgan (O‘zbekiston Respublikasi Oliy Majlisi Qonunchilik palatasining 2022-yil 28-iyundagi 04/2-10/39-son dalolatnomasi). Ushbu taklifning joriy qilinishi mulkdor zarar etkazuvchini aniqlashga va zararni qoplatishga xizmat qilgan.