Рамазанов Салоҳиддин Олимжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурхондарё хомашёлари асосида портландцемент олиш технологиясини ишлаб чиқиш», 02.00.15 – Силикат ва қийин эрийдиган нометалл материаллар технологияси (техника фанлари).
Диссертация мавзуси рўйхатга олинган рақам: B2024.3.PhD/Т4844.
Илмий раҳбар: Арипова Мастура Хикматовна, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Искендеров Ахмед Максетбайевич, техника фанлари доктори, профессор; Талипов Ниғматулла Хамидович, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Сурхондарё хомашёлари асосида портландцемент олиш технологиясини ишлаб чиқишдан иборат.
III. Тадқиқотнинг илмий янгилиги:
илк бор янги Ёлғизбулоқ конида оҳактош, гилтупроқ, гипстош комплекс хомашёлари аниқланган ҳамда уларнинг кимёвий ва минералогик таркиблари ўрганилиб, портландцемент ишлаб чиқариш учун истиқболли хомашё эканлиги исботланган;
оҳактош-гилтупроқ-шлак тизимида портландцемент олиш учун клинкер ҳосил бўлиш майдони ўрнатилган ҳамда хомашёларнинг оптимал таркиблари оҳактош-81,38%, гилтупроқ-15,78%, шлак-2,84% эканлиги аниқланган;
клинкерни майдалашда қўлланилган аминлар асосидаги (МCC 301 ва МCC 201) кимёвий қўшимчаларнинг портландцемент физик-техник хусусиятларига таъсири ўрганилган, натижада дисперслик даражасини ва реакцияга киришиш юзасини ошириши аниқланган;
Ёлғизбулоқ кони комплекс хомашёлари ва ОКМКнинг шлак чиқиндилари асосида юқори физик-техник хусусиятларга эга портландцемент ишлаб чиқариш имконияти мавжудлиги исботланган.
IV. Тадқиқот натижаларининг жорий қилиниши.
Сурхондарё хомашёлари асосида портландцемент олиш технологиясини ишлаб чиқиш бўйича олинган илмий натижалар асосида:
цемент клинкерини кимёвий реагентлар қўшиб майдалаш технологияси «Шеробод цемент заводи» МЧЖнинг “2025-2030 йилларда амалиётга жорий этиш бўйича истиқболли ишланмалар рўйхати”га киритилган («Ўзсаноат қурилиш материаллари уюшмаси» АЖнинг 2024 йил 12 августдаги 04/13-2256-сон маълумотномаси). Натижада, Ёлғизбулоқ кони хомашёлари асосида М500 маркали портлантдцемент олишда шарли тегирмоннинг унумдорлигини 10 %, майдалаш даражасини 5 % га ошириш имконини беради;
ёлғизбулоқ кони хомашёлари асосида цемент клинкери олиш технологияси «Шеробод цемент заводи» МЧЖнинг “2025-2030 йилларда амалиётга жорий этиш бўйича истиқболли ишланмалар рўйхати”га киритилган («Ўзсаноат қурилиш материаллари уюшмаси» АЖнинг 2024 йил 12 августдаги 04/13-2256-сон маълумотномаси). Натижада, янги турдаги хомашё асосида мустаҳкамлиги 28 кунликда 5 % гача оширилган М500 маркали портлантдцемент олиш имконини беради.