Alimuxamedov Suxrob Aybekovichning
 falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beradigan fan tarmog‘i nomi): “O‘zbekiston Respublikasida davlat boshqaruvi tizimini nomarkazlashtirish: siyosiy-huquqiy tahlil”, 12.00.02. – Konstitusiyaviy huquq. Ma’muriy huquq. Moliya va bojxona huquqi (yuridik fanlar).
Dissertatsiya mavzusi ro‘yxatga olingan raqam: B2023.2.PhD/Yu1024.
Ilmiy rahbar: Raxmankulov Mir-Akbar Xodji-Akbarovich, yuridik fanlar doktori, professor.
Dissertatsiya bajarilayotgan muassasa nomi: O‘zbekiston Respublikasi Jamoat xavfsizligi universiteti.  
IK faoliyat ko‘rsatayotgan muassasa nomi, IK raqami: O‘zbekiston Respublikasi Jamoat xavfsizligi universiteti,  DSs.32/30.12.2020.Yu.74.01.
Rasmiy opponentlar: Zulfiqarov Sherzod Xurramovich, yuridik fanlar doktori professor; Ruziev Zafar Rayimovich, yuridik fanlar doktori, professor.
Yetakchi tashkilot: Toshkent davlat yuridik universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekiston Respublikasida davlat boshqaruvi tizimini nomarkazlashtirish va mahalliy ijro etuvchi hokimiyat organlari faoliyatining samaradorligini oshirishga qaratilgan taklif va tavsiyalar ishlab chiqishdan iborat.
III. Tadqiqotning ilmiy yangiligi:
respublika ijro etuvchi xokimiyat organlari sub’ektlarining (vazirlik, qo‘mita, agentlik, inspeksiya) har birining alohida huquqiy maqomi va vakolatlari reestrini belgilash, ularning vakolatlarini bir-biridan chegaralash va maqbullashtirish, hamda ularning o‘zlarining hududiy bo‘linmalari bilan boshqaruv munosobatlarining chegarasi huquqiy jihatdan tartibga solinishi zarurligi asoslantirilgan;
joylarda aholining ijtimoiy muammolarini hal etishda, shu jumladan yo‘l-transport infratuzilmasi, muhandislik-kommunikatsiya tarmoqlari, hamda ijtimoiy-soha ob’ektlarida qurilish va obodonlashtirish ishlarini amalga oshirish, davlat mulkini boshqarish, davlat chegarasini qo‘riqlash va xavfsizligini ta’minlash sohalarida mahalliy ijro etuvchi hokimiyat organlarining vakolatlarini kengaytirish va tegishli qonun hujjatlarida aniqlashtirish zarurati asoslab berilgan;
mahalliy ijro etuvchi hokimiyat organlarining respublika boshqaruv organlaridan moliyaviy mustaqilligini ta’minlash, shuningdek tashabbusli byudjet jarayonini amalga oshirishda ularning vakolatlarini tegishli qonun hujjatlari bilan belgilash zarurati asoslantirib berilgan;
mahalliy ijro etuvchi hokimiyat organlari va mahalliy vakillik organlarining huquqiy maqomi va vakolatlarini bir-biridan ajratish, shuningdek viloyat va tuman (shahar) darajasidagi hokimliklarning vazifa va funksiyalarni bir-biridan chegaralash va ularning har biri uchun o‘ziga xos vazifa va funksiyalarni belgilash, hamda hokimliklarning respublika ijro etuvchi organlarining hududiy bo‘linmalari o‘rtasidagi boshqaruv munosobatlarini huquqiy jihatdan tartibga solish zarurligi asoslantirilgan.
IV. Tadqiqot natijalarining joriy qilinishi. Tadqiqot ishi bo‘yicha olingan ilmiy natijalardan quyidagilarda foydalanilgan:
respublika ijro etuvchi xokimiyat organlari sub’ektlarining (vazirlik, qo‘mita, agentlik, inspeksiya) har birining alohida huquqiy maqomi va vakolatlar reestrini belgilash, ularning vakolatlarini bir-biridan chegaralash va maqbullashtirish, hamda ularning o‘zlarining hududiy bo‘linmalari bilan munosobatlarining chegarasini huquqiy jihatdan tartibga solinishi lozimligi to‘g‘risidagi takliflaridan O‘zbekiston Respublikasi Prezidentining “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi 2022-yil 21-dekabrdagi PF-269-son Farmonining 10 bandini, O‘zbekiston Respublikasi Prezidentining “Yangi O‘zbekiston ma’muriy islohotlari doirasida Respublikasi ijro etuvchi hokimiyat organlari faoliyatini samarali tashkil etish chora-tadbirlari to‘g‘risida”gi 2022-yil 21-dekabrdagi PQ-447-son Qarorining 2 bandini, shuningdek O‘zbekiston Respublikasi Prezidentining “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida”gi 2023-yil 25-yanvardagi PF-14-son Farmonining 3 bandini ishlab chiqishda foydalanilgan (O‘zbekiston Respublikasi Adliya vazirligining 2023-yil 26-oktyabrdagi 13/17-778/8-son dalolatnomasi). Ushbu takliflarning joriy etilishi vazirlik, qo‘mita, agentlik va inspeksiyalarning alohida huquqiy maqomining belgilanishiga va ularning vakolatlarini bir-biridan chegaralanishiga huquqiy asos yaratgan;
joylarda aholining ijtimoiy muammolarini hal etishda, shu jumladan yo‘l-transport infratuzilmasi, muhandislik-kommunikatsiya tarmoqlari, hamda ijtimoiy soha ob’ektlarida qurilish va obodonlashtirish ishlarini amalga oshirish, davlat mulkini boshqarish, davlat chegarasini qo‘riqlash va xavfsizligini ta’minlash sohalarida mahalliy ijro etuvchi hokimiyat organlarining vakolatlarini kengaytirish va aniqlashtirish zarurligi to‘g‘risidagi takliflaridan 2023-yil 9-martdagi “Davlat mulkini boshqarish to‘g‘risida”gi O‘RQ-821-son O‘zbekiston Respublikasi Qonunining 25-moddasi, 2023-yil 30-avgustdagi “Gidrotexnika inshootlarining xavfsizligi to‘g‘risida”gi O‘RQ-865 son O‘zbekiston Respublikasi Qonunining 14-moddasi, 2023-yil 13-sentyabrdagi “O‘zbekiston Respublikasining Davlat chegarasi to‘g‘risida”gi O‘RQ-868-son O‘zbekiston Respublikasi Qonunining 9-moddalarini (O‘zbekiston Respublikasi Oliy Majlisi Senatining 2023 yil 28 oktyabrdagi 11-04/2330-sonli dalolatnomasi), shuningdek O‘zbekiston Respublikasi Prezidentining 2022-yil 6-iyuldagi PF-165-son “2022-2026 yillarda O‘zbekiston Respublikasining innovatsion rivojlanish strategiyasini tasdiqlash to‘g‘risida”gi Farmonining 9-bandi va O‘zbekiston Respublikasi Prezidentining 2022-yil 6-iyuldagi PQ-307-son “2022-2026 yillarda O‘zbekiston Respublikasining innovatsion rivojlanish strategiyasini amalga oshirish bo‘yicha tashkiliy chora-tadbirlar to‘g‘risida”gi Qarorining 4-7 bandlarini (O‘zbekiston Respublikasi Oliy ta’lim, fan va innovatsiyalar vazirligining 2023 yil 27 oktyabrdagi 4/17-320-sonli dalolatnomasi), O‘zbekiston Respublikasi Prezidentining 2022-yil 27-yanvardagi PQ-104 son “Xizmatlar sohasini rivojlantirishga oid qo‘shimcha chora-tadbirlar to‘g‘risida”gi Qarorining 1 va 8-bandlarini, O‘zbekiston Respublikasi Prezidentining 2022-yil 18-martdagi PQ-172 son “2022-2026 yillarda “Obod qishloq va obod mahalla”dasturlarini amalga oshirish chora-tadbirlari to‘g‘risida”gi Qarorining 1-bandlarini ishlab chiqishda foydalinilgan (O‘zbekiston Respublikasi Adliya vazirligining 2023-yil 26-oktyabrdagi 13/17-778/8-son dalolatnomasi). Ushbu takliflarning joriy etilishi mahalliy ijro etuvchi hokimiyat organlarining tegishli normativ huquqiy hujjatlarda qishloq xo‘jaligi, energetika, qurilish, ta’lim, sog‘liqni saqlash sohalarida, shuningdek davlat mulkini boshqarishda, joylarda gidrotexnika inshootlari xavfsizligini va davlat chegarasini qo‘riqlash va himoya qilish sohalarida vakolatlarini belgilanishiga xizmat qilgan;
mahalliy ijro etuvchi hokimiyat organlarining respublika boshqaruv organlaridan moliyaviy mustaqilligini ta’minlash, shuningdek tashabbusli byudjet jarayonini amalga oshirishda ularning vakolatlarini kengaytirish zarurati sohasidagi takliflaridan O‘zbekiston Respublikasi Prezidentining 2022-yil 16-avgustdagi PQ-353-son “Mahalla institutining jamiyat hayotidagi rolini mustahkamlash va moliyaviy imkoniyatlarini yanada kengaytirish chora-tadbirlari to‘g‘risida”gi qarorining 1-bandini, 2023 yil 10 apreldagi PQ-117-son “Tashabbusli byudjetlashtirish amaliyotini yanada takomillashtirish hamda faol mahallalarni qo‘llab-quvvatlash chora-tadbirlari to‘g‘risida”gi qarorining 2 va 3 bandlarini ishlab chiqishda foydalanilgan (O‘zbekiston Respublikasi Adliya vazirligining 2023-yil 26-oktyabrdagi 13/17-778/8-son dalolatnomasi). Ushbu takliflarning joriy etilishi mahalliy ijro etuvchi hokimiyat organlarining moliyaviy imkoniyatlarini kengaytirishning huquqiy asoslarini yaratishga xizmat qilgan;
mahalliy ijro etuvchi hokimiyat organlari va mahalliy vakillik organlarining huquqiy maqomi va vakolatlarini bir-biridan ajratish va chegaralash, shuningdek viloyat va tuman (shahar) darajasidagi hokimliklarning vazifa va funksiyalarni bir-biridan chegaralash va ularning har biri uchun o‘ziga xos vazifa va funksiyalarni belgilash, hamda hokimliklarning respublika ijro etuvchi organlarining hududiy bo‘linmalari o‘rtasidagi boshqaruv munosobatlarini huquqiy jihatdan tartibga solish zarurligi to‘g‘risidagi takliflaridan O‘zbekiston Respublikasi Prezidentining 2023-yil 11-sentyabrdagi PF-158 son Farmoni bilan tasdiqlangan “O‘zbekiston - 2030” Strategiyasining 75-78 bandlarini ishlab chiqishda foydalanilgan (O‘zbekiston Respublikasi Adliya vazirligining 2023-yil 26-oktyabrdagi 13/17-778/8-son dalolatnomasi). Ushbu takliflarning joriy etilishi O‘zbekiston Respublikasi davlat boshqaruv organlari tizimida mahalliy davlat hokimiyati organlari salohiyatini oshirish, vakolatlarini kengaytirish va davlat boshqaruvini nomarkazlashtirish masalalari “O‘zbekiston - 2030” Strategiyasida aks ettishida xizmat qilgan.