Алиқулов Қуват Ҳақназаровичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ёшларда иқтисодий фаолликни шакллантиришнинг ахлоқий ва эстетик жиҳатлари», 09.00.02–Онг маданият ва амалиёт шакллари (фалсафа фанлари) (эстетика).
Диссертация мавзуси рўйхатга олинган рақам: B2017.2.PhD/Fal55.
Илмий раҳбар: Ғабуллаев Отабек Мухаммадиевич, фалсафа фанлари доктори, доцент.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.27.06.2017.F.02.02.
Расмий оппонентлар: Худойбердиев Исматилло Эгамбердиевич, фалсафа фанлари доктори, профессор; Абдуллаева Насиба Буроновна, фалсафа фанлари доктори, доцент.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ёшлар иқтисодий фаоллигининг ахлоқий-эстетик жиҳатларининг ўзига хослиги ва уни ҳозирги ислоҳотлар давридаги аҳамиятини очиб беришдан иборат.
III. Тадқиқотнинг илмий янгилиги:
ёшларда иқтисодий фаолликнинг мобил элементлари бўлган жозибадорлик, фактура, конструктив-декоратив фаолият эстетик эҳтиёж, товарга эстетик муносабат, инновацион эстетик фаолият турлари билан корреляцион боғланиши аниқланган;
ёшлар иқтисодий фаоллигини тарихий-миллий, этно-эстетик ривожланиш хусусиятлари эстетик қадриятларнинг нотекис ривожланиши, эҳтиёжларнинг ўсиб бориши каби умумэстетик қонунлар билан сабабий боғланиши очиб берилган;
ёшлар иқтисодий фаоллигининг ахлоқий-эстетик жиҳатларини ривожлантириш имкониятлари ўз-ўзини ахлоқий ташкил қилиш, мобиллик, яратувчанлик, ишбилармонлик, инновацион-эстетик фаолият тушунчалари воситасида асослаб берилган;
ёшларнинг иқтисодий фаоллиги ва инновациялар муҳити уйғунлашиши натижасида меҳнат фаолиятида завқий муносабат, ишлаб чиқаришни эстетиклашиши, атроф-муҳитни гўзаллаштиришда инверсион фаоллашиш кўрсатиб берилган;
IV. Тадқиқот натижаларининг жорий қилиниши.
Ёшлар иқтисодий фаоллигини шакллантиришнинг ахлоқий ва эстетик жиҳатлари бўйича ишлаб чиқилган амалий таклифлар асосида:
ёшлар иқтисодий фаоллигининг ривожланиш қонуниятлари ва тамойиллари, эстетиклашув механизмлари, ахлоқий-эстетик жиҳатдан ривожлантиришнинг вазифалари ва имкониятлари, тизимли-функционал тамойили, ахлоқий-эстетик омиллар ва инновацион, трансформацион ўзгаришлар диалектикаси билан боғлиқ натижаларидан ОТ-ЁФ8-007 рақамли фундаментал грант лойиҳасини бажаришда фойдаланилган (Олий ва ўрта махсус таълим вазирлигининг 2018 йил 23 мартдаги 89-03-1105-сон маълумотномаси). Бу илмий натижаларнинг амалиётда қўлланилиши грант лойиҳасининг ёшларнинг ахлоқий-эстетик ва иқтисодий маданиятига оид масалаларни такомиллаштиришга ва таълим муассасаларида маънавий-маърифий ишлар самарадорлигини оширишга хизмат қилган;
“фаоллик”, “иқтисодий фаоллик” тушунчалари, уларнинг умумназарий моҳияти Самарқанд вилояти ҳудудидаги ёшлар иқтисодий фаоллигига конструктив таъсирини ўрганишга доир таклиф ва тавсиялардан Ўзбекистон ёшлар иттифоқи Самарқанд вилоят Кенгаши томонидан ташкиллаштирилган тадбирларда фойдаланилган (Ўзбекистон ёшлар иттифоқи Самарқанд вилоят Кенгашининг 2017 йил 20 декабрдаги 02-06/419-сон маълумотномаси). Бу таклифлар вилоят ёшлар иттифоқи томонидан ўтказилаётган тадбирларнинг маънавий-маданий жиҳатдан сифати ва самарадорлиги салоҳиятининг кўтарилишига хизмат қилган;
ёшлар иқтисодий фаоллигининг тарихий-этномиллий ва этномаданий хусусиятлари, уларнинг ривожланиш қонуниятлари, тамойилларнинг амалий ишлар хулосалари ва эмпирик-социологик тадқиқотларининг далилларидан Ўзбекистон “Адолат” социал-демократик партияси фаолиятида самарали фойдаланилган (Ўзбекистон “Адолат” социал-демократик партиясининг 2017 йил 28 декабрдаги 1/622-сон маълумотномаси). Натижада мазкур таклифларнинг «Адолат» социал-демократик партияси фаолиятида жорий этилиши ёшлар онгида соғлом иқтисодий рақобат муҳити ҳақида тасаввур ва билимлар шаклланишига имкон берган.
