Muxammadjonov Muxammadyusuf Shuxrat o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Ekspluatatsiyadagi moyli kuch transformatorlarining sovitish tizimini takomillashtirish orqali ishonchliligini oshirish”, 05.05.01 – “Energetika tizimlari va majmualari”.
Dissertatsiya mavzusi ro‘yxatga olingan raqam: B2022.4.PhD/T3322.
Ilmiy rahbar: Yusupov Dilmurod Turdalievich - texnika fanlari bo‘yicha falsafa doktori, katta ilmiy xodim.
Dissertatsiya bajarilgan muassasa nomi: Farg‘ona politexnika instituti va O‘zbekiston Respublikasi Fanlar akademiyasi Energetika muammolari instituti.
IK faoliyat ko‘rsatayotgan muassasa nomi, IK raqami: O‘zbekiston Respublikasi Fanlar akademiyasi Energetika muammolari instituti, DSc.02/30.12.2021.T.143.01.
Rasmiy opponentlar: Xamidov Shuxrat Vaxidovich - texnika fanlari doktori, professor. Hoshimov Ural Hoshimovich - texnika fanlari bo‘yicha falsafa doktori.
Yetakchi tashkilot: Qarshi muhandislik-iqtisodiyot instituti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: ekspluatatsiyadagi (M (ONAN) sovitish tizimiga ega) moyli kuch transformatorlarining ishonchliligini sovitish tizimini takomillashtirish orqali oshirishdan iborat.
III. Tadqiqotning ilmiy yangiligi:
M(ONAN) sovitish tizimiga ega moyli kuch transformatorlarining harorati me’yoridan oshganda avtomatik ravishda ishga tushish hamda sovuq havo oqimini issiq nuqtaga yo‘naltirish asosida qo‘shimcha sovitish imkonini beruvchi usul ishlab chiqilgan;
ekspluatatsiyadagi kuch transformatorining haroratini aniqlash imkonini beruvchi matematik model yuklama koeffisienti, moy va tashqi muhit haroratlarini kiruvchi parametrlar sifatida qabul qilib, qo‘shimcha sovitish jarayonini inobatga olgan holda ishlab chiqilgan;
ekspluatatsiyadagi moyli kuch transformatorlarini qo‘shimcha sovitish imkonini beruvchi qurilma “transformator - harorat datchiklari - ventilyator - kompressor - xladagentli sovitish kamerasi” ketma-ketligi asosida ishlab chiqilgan;
moyli kuch transformatorlarining ishonchliligini baholash imkonini beruvchi usul qo‘shimcha sovitish texnologiyasi va chulg‘am izolyasiyasining ishlash muddatini hisobga olgan holda ishlab chiqilgan.
IV. Tadqiqot natijalarining joriy qilinishi: Ekspluatatsiyadagi moyli kuch transformatorlarining ishonchliligini oshirish bo‘yicha olingan ilmiy natijalar asosida:
ekspluatatsiyadagi (M(ONAN) sovitish tizimiga ega) moyli kuch transformatorlarini qo‘shimcha sovitish imkonini beruvchi qurilma “Quva tekstil” MChJ korxonasiga joriy etilgan (“O‘zbekiston savdo-sanoat palatasi”ning 2023 yil 6 iyundagi 11/03-30-6544-son ma’lumotnomasi). Natijada “Quva tekstil” MChJ korxonasida mavjud 10/0,4 kV kuchlanishli jami 10 dona (6 dona 1000 kVA quvvatli va 4 dona 1600 kVA quvvatli) moyli kuch transformatorlarini qo‘shimcha sovitish orqali yiliga jami 50 746 300 so‘m iqtisodiy samaradorlikka erishilgan.
ekspluatatsiyadagi (M(ONAN) sovitish tizimiga ega) moyli kuch transformatorlarining ishlash ishonchliligini baholash imkonini beruvchi usul “Quva tekstil” MChJ korxonasiga joriy etilgan (“O‘zbekiston savdo-sanoat palatasi”ning 2023 yil 6 iyundagi 11/03-30-6544-son ma’lumotnomasi). Natijada ekspluatatsiyadagi moyli kuch transformatorlarining ishlash muddati 28 908 soatdan 52 560 soatga, ya’ni o‘rtacha 2 baravar oshishi aniqlangan.