Райимов Рўзиқул Облоқуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қуёшдаги чақнашлар, магнит бўронлари таъсирида юқори кучланишли электр узатишда авариялар ва ускуналар ишдан чиқишининг олдини олиш”, 05.05.01 – “Энергетика тизимлари ва мажмуалари”.
Диссертация мавзуси рўйхатга олинган рақам: В2021.1.PhD/T2106.
Илмий раҳбар: Қудратиллаев Ахматилла Саматиллаевич - техника фанлари номзоди, профессор.
Диссертация бажарилган муассаса номи: Ўзбекистон Республикаси Фанлар академияси Энергетика муаммолари институти.
ИК фаолият кўрсатаётган муассаса номи, ИК рақами: Ўзбекистон Республикаси Фанлар академияси Энергетика муаммолари институти, DSc.02/30.12.2021.Т.143.01.
Расмий оппонентлар: Захидов Ромэн Абдуллаевич - техника фанлари доктори, профессор, академик. Болтаев Отабек Тошмухамматович - техника фанлари доктори, доцент.
Етакчи ташкилот: “Ўзэнергоинжиниринг” АЖ
Диссертация йўналиши: назарий ва амалий аҳамиятга молик.
II. Тадқиқотнинг мақсади: қуёшдаги чақнашлар, магнит бўронлари таъсирида юқори кучланишли электр узатишда авариялар ва ускуналар ишдан чиқишини тадқиқ этиш ва уни бартараф этиш бўйича усуллар ҳамда технологияни ишлаб чиқишдан иборат.
III. Тадқиқотнинг илмий янгилиги:
қуёшдаги чақнашлар, магнит бўронларининг юқори кучланишли электр узатиш тармоқлари ва ускуналарига таъсирини ҳисобга олган ҳолда уларнинг юқори кучланишли электр ускуналарига таъсирини башорат қилиш усули такомиллаштирилган;
юқори кучланишли электр узатиш тизимларига қуёшдаги чақнашларда ҳосил бўлган магнит бўронлари, геоиндукцион магнит майдони ортишини ҳисобга олиб, куч трансформатори ҳолатининг математик модели ишлаб чиқилган;
қуёшдаги чақнашлар, магнит бўронлари таъсирида юқори кучланишли электр узатиш тизимларидаги авариялар оқибатларини ҳисобга олган ҳолда  етқазиладиган зарарларни аниқлаш алгоритми ишлаб чиқилган;
геоэкологик омиллар таъсирини инобатга олган ҳолда юқори кучланишли электр узатиш тизимларига етказиладиган зарарларни ҳисоблаш усули ишлаб чиқилган.
IV. Тадқиқот натижаларининг жорий қилиниши: Қуёшдаги чақнашлар, магнит бўронлари таъсирида юқори кучланишли электр узатишда авариялар ва ускуналар ишдан чиқишининг олдини олиш бўйича олинган илмий натижалар асосида:
юқори кучланишли электр узатиш линияларининг қуёшдаги чақнашлар, магнит бўронлари жараёнини тадқиқ этишнинг математик моделлари «Навоий вилояти ҳудудий электр тармоқлари» АЖда жорий қилинган. («Ҳудудий электр тармоқлари» акциядорлик жамиятининг  2024 йил 22 августдаги 01-04-08/666-сон маълумотномаси). Натижада истеъмолчиларни узлуксиз электр энергияси билан таъминлашнинг ишончлигини ортишига эришилган;
қуёшдаги чақнашлар ҳамда магнит бўронлари юқори кучланишли электр узатиш линиялари ҳамда ускуналари ишдан чиқишини олдини олиш теҳнологияси «Навоий вилояти ҳудудий электр тармоқлари» АЖда жорий қилинган. («Ҳудудий электр тармоқлари» акциядорлик жамиятининг  2024 йил 22 августдаги 01-04-08/666-сон маълумотномаси). Натижада кутилаётган йиллик иқтисодий самарадолик 760 000 000 (етти юз олтмиш миллион) сўмни ташкил этган;
юқори кучланишли электр узатиш линиялари ва ускуналарининг қуёшдаги чақнашлар ҳамда магнит бўронлари ҳолатларини бартараф этиш бўйича тавсиялар «Навоий вилояти ҳудудий электр тармоқлари» АЖда жорий қилинган. («Ҳудудий электр тармоқлари» акциядорлик жамиятининг  2024 йил 22 августдаги 01-04-08/666-сон маълумотномаси). Натижада юқори кучланишли электр узатиш линиялари ва ускуналари учун сарфланадиган маблағларни 12-15% тежашга эришилган.