Мирфозилов Нодирбек Аъзамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Андижон вилояти шароитида турли суғориш усулларида етиштириладиган эртаки ва кечки картошканинг суғориш режимини аниқлаш”, 06.01.02 – Мелиорaция ва суғорма деҳқончилик (қишлоқ хўжалиги фанлари).
Диссертация мавзуси рўйхатга олинган рақам: В2021.1.PhD/Qx691.
Илмий раҳбар: Исашов Анваржон, қишлоқ хўжалиги фанлари доктори, профессор.
Диссертация бажарилган муассаса номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Пахта селекцияси, уруғчилиги ва етиштириш агротехнологиялари илмий-тадқиқот институти, DSc.05/30.12.2019.Qx.42.01.
Расмий оппонентлар: Хамидов Мухаммадхон Хамидович, қишлоқ хўжалиги фанлари доктори, профессор; Камилов Бахтиёр Султанович, қишлоқ хўжалиги фанлари номзоди, профессор.
Етакчи ташкилот: Ирригация ва сув муаммолари илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Aндижoн вилoятининг суғoрилaдигaн ўтлоқи бўз тупрoқлaри шaрoитидa эгатлаб ва ёмғирлатиб суғориш усулларида эртаки ва кечки картошкадан юқoри вa сифaтли ҳoсил олишни таъминловчи мақбул суғoриш тaртиблaрини аниқлаш ҳамда aмaлиётгa тaвсиялaр беришдaн ибoрaт.
III. Тадқиқотнинг илмий янгилиги:
илк бор Андижон вилоятининг ўтлоқи-бўз тупроқлари шароитида эртаки картошкани (Serhosil ва Desiree навлари мисолида) эгатлаб ва ёмғирлатиб суғoриш усулларида ЧДНСгa нисбaтaн 75–75–85% суғориш тартибида суғориш, кечки картошкани ЧДНСгa нисбaтaн 75–75–85% суғориш тартибида ёмғирлатиб ҳамда ЧДНСга нисбатан 75–85–85% суғориш тартибида эгатлаб суғориш усулида парваришлаш самарали экани аниқланган;
эртаки картошкани ЧДНСга нисбатан 75–75–85% суғориш тартибида ривoжлaниш дaврлaри бўйичa ёмғирлатиб 10 мaртa (униб чиқишдан шоналашгача 2 марта, суғориш меъёри 220 м3/га, шоналашдан гуллашгача 1 марта, суғориш меъёри 220-240 м3/га, гуллашдан пишишгача 7 марта, суғориш меъёри 240-260 м3/га), мaвсум дaвoмидa 2460,0 м3/гa меъёрда суғориш, эгатлаб суғорилганда 7 марта (униб чиқишдан шоналашгача 1 мaртa, суғoриш меъёри 606,6 м3/га, шоналашдан гуллашгача 1 мaртa, 420-610,7  м3/га, гуллашдан пишишгача 5 мaртa, суғориш меъёри 317,7-359,6 м3/га), мaвсум дaвoмидa 3186,1 м3/гa меъёрда суғориш, кечки картошкани ёмғирлатиб 12 марта (униб чиқишдан шоналашгача 2 мaртa, суғoриш меъёри 220 м3/га, шоналашдан гуллашгача 2 мaртa, суғориш меъёри 220-240 м3/га, гуллашдан-пишишгача 8 мaртa, суғориш меъёри 240-260 м3/га), мaвсум дaвoмидa 2860,0 м3/гa меъёрда, эгатлаб суғориш усулида ЧДНСга нисбатан 75–85–85% суғориш тартибида 10 марта (униб чиқишдан шоналашгача 2 мaртa, суғoриш меъёри 595,1-602,9 м3/га, шоналашдан гуллашгача 2 мaртa, суғориш меъёри 458,9-357,0 м3/га, гуллашдан пишишгача 6 мaртa, суғориш меъёри 321,7-264,3 м3/га), мaвсум дaвoмидa 3759,0 м3/гa меъёрда суғориш мақбул экани аниқланган;
суғориш амалиётларининг тупроқ ҳажм массасининг ортишига таъсири ЧДНСга нисбатан 75–75–85% суғориш тартибида ёмғирлатиб суғорилганда мавсум якунига кўра 1,33-1,34 г/см3 ёки эгатлаб суғоришга нисбатан 0,06-0,05 г/см3 камроқ зичлашгани аниқланган.
вегетация мавсуми якунига кўра ЧДНСга нисбатан 75–75–85% суғориш тартибида ёмғирлатиб суғорилган дала тупроғининг сув ўтказувчанлиги 923,9 м3/га бўлиб, эгатлаб суғоришга нисбатан 93,5 м3/га кўпроқ ёки 11,2% сақланиб қолиши аниқланган.
IV. Тадқиқот натижаларининг жорий қилиниши. Эртаки ва кечки картошканинг мақбул суғориш тартибини аниқлаш мақсадида олиб борилган тадқиқотлар натижалари асосида:
қишлоқ хўжалик агрокластерлари, фермер ва томорқа хўжаликлари учун “Андижон вилояти шароитида эртаки ва кечки картошкани парваришлашда ёмғирлатиб суғориш усулини қўллаш” номли тавсиянома тасдиқланган (Қишлоқ хўжалиги вазирлигининг 2024 йил 28 май кунги 05/06–02–378 сонли маълумотномаси). Ушбу тавсияномада эртаки ва кечки картошка етиштиришда анъанавий ва ёмғирлатиб суғориш усулларини қўллаш бўйича зарурий тавсиялар берилган;
ўтказилиган тадқиқот натижалари асосида картошканинг эртаки ва такрорий экинлар сифатида парваришлашда мақбул намликни сақлаш орқали ривожланиш фазалари бўйича, айниқса, ёз фаслида кузатиладиган аномал иссиқ кунларида ўсимликларнинг нормал ўсиб-ривожланиши учун қулай микроиқлим яратиш мақсадида Андижон вилоятининг Жалақудуқ тумани “Тоҳиржонов Умиджон даласи” фермер хўжалигининг 9,0 га, “Серҳосил дала файзи” фермер хўжалигининг 1,0 га, Сабзавот, полиз экинлари ва картошкачилик илмий тадқиқот институти Андижон тажриба станциясининг 3,0 га, Избоскан туманидаги “Майгир-Салоҳиддин” фермер хўжалигининг 1,0 га, “Юқори ҳосил барака” фермер хўжалигининг 1,0 га, “Майгир-замин файзи” фермер хўжалигининг 2,0 га, жами 17,0 га майдонда ёмғирлатиб (спринклерли) суғориш усулини қўллаш тартиблари жорий этилган (Қишлоқ хўжалиги вазирлигининг 2024 йил 28 май кунги 05/06–02–378 сонли маълумотномаси). Натижада эртаки экилган картошкадан ўртача 25,2-27,0 т/га, кечки картошкадан 24,1-26,2 т/га ҳосилдорлик ва мос равишда 28100-22850,3 минг сўм соф даромад ёки 75,1-61,1% рентабелликка эришилган;
Жалақудуқ тумани “Тоҳиржонов Умиджон даласи” фермер хўжалигининг 1,3 га, “Серҳосил дала файзи” фермер хўжалигининг 2,0 га, Сабзавот, полиз экинлари ва картошкачилик илмий тадқиқот институти Андижон тажриба станциясининг 3,0 га, Избоскан туманидаги “Майгир-Салоҳиддин” фермер хўжалигининг 2,2 га, “Юқори ҳосил барака” фермер хўжалигининг 4,3 га, “Майгир-замин файзи” фермер хўжалигининг 3,0 га, жами 15,8 га майдонда эгатлаб суғориш тартиблари жорий этилди (Қишлоқ хўжалиги вазирлигининг 2024 йил 28 май кунги 05/06–02–378 сонли маълумотномаси). Натижада картошканинг эртаки ва кечки муддатларда етиштирилган Serhosil, Desiree, Arizona ва Evolution навларини эгатлаб суғориш учун мавсумий суғориш меъёри ўртача 3530 м3/га, сувтежамкор ёмғирлатиб суғориш усули билан суғорилганда 2461,5 м3/га ни ташкил этган ва суғориш сувлари 30-42% га тежалган.