Ортиқов Сарвар Саттаралиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Автомобилларга техник таъсир ўтказиш жараёнини ва сарфланадиган вақт меъёрларини аниқлаш усулини такомиллаштириш” мавзусида 05.08.06 – “Ғилдиракли ва гусеницали машиналар ва уларни ишлатиш” (техника фанлари).
Диссертация мавзуси рўйхатга олинган рақам: B2024.1.PhD/Т3381
Илмий раҳбар: Қаюмов Бахром Абдуллажонович техника фанлари фалсафа доктори (PhD), доцент
Диссертация бажарилган муассаса номи: Андижон машинасозлик институти.
ИК фаолият кўрсатаётган муассаса номи, ИК рақами: Андижон машинасозлик институти, PhD.03/30.09.2020.Т.124.01
Расмий оппонентлар: техника фанлари доктори, профессор Байбобоев Набижон Ғуломович, техника фанлари фалсафа доктори, (PhD) доцент Юсупов Сарварбек Содиқович.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: автомобилларга техник таъсир ўтказиш жараёнини ва сарфланадиган вақт меъёрларини аниқлаш усулини такомиллаштиришдан иборат.
III. Тадқиқотнинг илмий янгилиги:
автомобилларга техник таъсир ўтказиш, йўл қопламалари ҳолати, фойдаланиш минтақаси комплекс тузатиш коеффициентлари ва деталнинг вариация ҳамда тикланиш коеффисиентлари ўзаро нисбатини қўллаб автомобил қисмлари ресурсини аниқлаш математик модели ишлаб чиқилган;
автомобилларга техник таъсир ўтказиш жараёнида вақт сарфини хронометраж усулидан фойдаланиб аниқлашда умумий вақт меъёрлари комплекс корреляцион коеффициентлар орқали тузатиш киритиш асосланган;
автомобил транспортига техник таъсир ўтказиш жараёнида меҳнат сарфини аниқлаш бўйича йўриқнома такомиллаштирилган;
Гентра, Cобалт, Нехиа Р3, Спарк ва Исузу автомобилларига техник таъсир ўтказиш жараёнида меҳнат сарфини оптималлаштириш ва меъёрлаш учун техник регламент такомиллаштирилган.
IV.Тадқиқот натижаларининг жорий қилиниши. Енгил автомобилларга техник таъсир ўтказиш жараёни вақт меъёрларини аниқлаш усулини такомиллаштириш бўйича олинган натижалар асосида:
автомобил транспортига техник таъсир ўтказиш жараёни ва унинг меҳнат сарфини аниқлаш бўйича йўриқнома ва Гентра, Cобалт, Нехиа Р3, Спарк ва Исузу автомобилларга техник таъсир ўтказиш регламенти тегишли тартибда тасдиқланган ва Андижон вилояти транспорт бошқармасида жорий этилган (“Ўзавтосаноат” АЖ нинг 2024 йил 28 июндаги 17/07-25-0941-сон маълумотномаси). Натижада автомобилларга техник таъсир отказиш жараёни меҳнат сарфи оптималлашиши натижасида иш хажми 24% га камайтириш, бузилмасдан ишлаш эҳтимоллик коеффициенти 46 % га орттириш  имконини берган;
йўриқнома ва техник регламент “Истиқлол беминнат транс” МЧЖ жорий этилган (“Ўзавтосаноат” АЖ нинг 2024 йил 28 июндаги 17/07-25-0941-сон маълумотномаси). Натижада автомобилларнинг техник тайёргарлик коеффициенти 7,7 фоизга оширишга эришилган, 0,91 бирликка етказилган, технологик тўхтаб туришлар муддатини камайтириш ҳисобига йиллик иқтисодий ҳар бир автомобил учун 6,9 млн. сўмни ташкил этган.