Ҳамроев Рамзжон Комилжон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Икки ярусли дискли плуг юқори ярус корпусларининг параметрларини асослаш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2024.1.PhD/Т4010
Илмий раҳбар: Ишмурадов Шухрат Улуғбердиевич, техника фанлари бўйича фалсафа доктори (PhD), доцент.
Диссертация бажарилган муассаса номи: Ислом Каримов номидаги Тошкент давлат техника университети
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02.
Расмий оппонентлар: Равшанов Ҳамроқул Амирқулович, техника фанлари доктори (ДСc), доцент; Эргашев Маруфжон Мухаммаджонович, техника фанлари бўйича фалсафа доктори (PhD), катта илмий ходим.
Етакчи ташкилот: Қишлоқ хўжалиги техникаси ва технологияларини сертификатлаш ва синаш давлат маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади республикамиз шароитида буғдой, ем-хашак, такрорий экинлар, сабзавот-полиз ва бошқа экинлар экиладиган далаларга асосий ишлов беришда энергия-ресурстежамкорликни таъминлаш, иш унуми ва сифатини ошириш учун икки ярусли дискли плуг ишлаб чиқиш ва унинг параметрларини асослашдан иборат.
III. Тадқиқотнинг илмий янгилиги:
юқори ва пастки дисксимон корпуслардан иборат икки ярусли дискли плугнинг конструктив схемаси ишлаб чиқилган;
ишлов берилаётган тупроқ қатламини ағдариш жараёнида тупроқ бўлагининг ҳаракатини тавсифловчи математик модел дискнинг тикка нисбатан ўрнатилиш бурчагини ҳисобга олган ҳолда такомиллаштирилган;
икки ярусли дискли плуг юқори дискли иш органлари параметрларининг ўзгариш чегаралари уларнинг тупроқ билан ўзаро таъсирлашиш жараёнларида унинг ён томонга мақбул улоқтирилишини ҳисобга олган ҳолда аниқланган;
икки ярусли дискли плуг юқори дискли иш органлари параметрларининг талаб даражасидаги иш сифатини кам энергия сарфляган ҳолда таъминлайдиган мақбул қийматлари плугнинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши:
Икки ярусли дискли плугнинг юқори дискли иш органлари параметрларини асослаш бўйича олинган натижалар асосида:
ерларни асосий ва такрорий экинларни экиш учун шудгорлашда қўлланиладиган икки ярусли дискли плуг конструксиясини лойиҳалаш ва ишлаб чиқиш учун техник топшириқ ишлаб чиқилган ва тасдиқланган (Ўзбекистон Республикаси Қишлоқ хўжалиги вазирлигининг 2023 йил 23 ноябрдаги 07/22-05/6033-сон маълумотномаси). Натижада дискли плуг юқори дискли иш органлари сферик дисклардан ташкил топган икки ярусли дискли плуг конструксиясини ишлаб чиқиш имкони яратилган;
экинлар экиладиган далаларга асосий ишлов бериш учун ишлаб чиқилган икки ярусли дискли плуг Янгийўл ва Чиноз туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2023 йил 23 ноябрдаги 07/22-05/6033-сон маълумотномаси). Натижада ўт босган ерларни сифатли шудгорлаш ва ўсимлик қолдиқларини тўлиқ кўмиш имконига эга бўлинган.
икки ярусли дискли плугни ишлаб чиқаришни ўзлаштириш учун лойиҳа-конструкторлик ҳужжатлари (техникавий шартлар ва чизмалар) «БМКБ-Агромаш» АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2023 йил 23 ноябрдаги 07/22-05/6033-сон маълумотномаси). Натижада тракторлар билан агрегатлаб ишлатишга мўлжалланган икки ярусли дискли плугни ишлаб чиқариш имкони яратилган.