Кушанов Лочин Абдумуратовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Комбинациялашган иш органли плугнинг компановкаси ва асосий параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2022.2.PhD/Т2928.
Илмий раҳбар: Ахметов Адилбек Агабекович, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: Норчаев Даврон Рустамович, техника фанлари доктори, профессор; Мусурмонов Аззам Турдиевич, техника фанлари доктори, профессор.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади буғдойдан бўшаган майдонларга такрорий экинлар экиш учун тупроққа сифатли ишлов берувчи энергия ва ресур стежамкор комбинациялашган иш органи билан жиҳозланган плугни компановкасини, конструктив – технологик параметрларини ва иш режимларини асослашдан иборат.
III. Тадқиқотнинг илмий янгилиги:
корпуси қисқартирилган ағдаргич ва планкалар билан жиҳозланган ротордан ташкил топган комбинациялашган иш органли плугнинг конструксияси технологик жараённи кам энергия сарфлашини ҳисобга олган ҳолда ишлаб чиқилган;
қисқартирилган ағдаргичдан узатилаётган палахсаларни уларнинг ҳаракат йўналиши бўйича қия жойлашган ишчи элементлар - куракчалар билан жиҳозланган планкали ротор самарали парчалаши ўлчами 100 мм ва ундан катта кесакларнинг парчаланмасдан ўтиб кетмаслиги шартини таъминлашидан келиб чиққан ҳолда асосланган;
қисқартирилган ағдаргичга нисбатан роторнинг жойлашиши ишлов берилаётган палахсанинг эгат тубига тупроқ тўлиши ва ротор олдида тупроқ уюмини ҳосил бўлишини бартараф этган ҳолда ҳайдалаётган дала юзаси бўйлаб бир текис тақсимланиши шартини таъминлашдан келиб чиққан ҳолда асосланган;
роторнинг айланишлар сони қисқартирилган ағдаргич юзаси бўйлаб узатаётган палахсаларнинг тезлигига мутаносиб ҳолда у билан тўқнашиши эвазига палахсани керакли ўлчам-фракцияга парчаланишини таъминлашга эришишига кўра асосланган.
IV. Тадқиқот натижаларининг жорий қилиниши. Комбинациялашган иш органли плугнинг компановкаси ва асосий параметрларини асослаш бўйича олинган натижалар асосида:
ишлаб чиқилган комбинациялашган иш органли плугга Ўзбекистон  Республикаси  Интеллектуал  мулк  агентлигининг ФАП 00752 рақамли фойдали моделга патенти олинган (Қишлоқ хўжалиги вазирлигининг 2024 йил 4 февралдаги 06/22-05/662-сон маълумотномаси). Натижада корпуси қисқартирилган ағдаргич ва планкалар билан жиҳозланган ротордан ташкил топган комбинациялашган иш органли плугнинг  конструксиясини ишлаб чиқиш имкони яратилган;
комбинациялашган иш органли плуг Жиззах вилояти Зарбдор тумани фермер хўжаликларида жорий этилган (Қишлоқ хўжалиги вазирлигининг 2024 йил 4 февралдаги 06/22-05/662-сон маълумотномаси). Натижада мавжуд техник воситаларга нисбатан меҳнат сарфи 36 фоизга ва бир гектар ерга сарфланадиган эксплуатасион ҳаражатлар эса 17,77 фоизга камайишига эришилган;
комбинациялашган иш органли плугни ўзлаштириш учун лойиҳа-конструкторлик ҳужжатлари (техникавий шартлар ва чизмалар) «БМКБ-Агромаш» АЖ да  лойиҳалаш  жараёнига  жорий  этилган (Қишлоқ  хўжалиги  вазирлигининг 2024 йил 4 февралдаги 06/22-05/662-сон маълумотномаси). Натижада, такрорий экинлар экиш учун ғалладан бўшаган майдонларни сифатли шудгорлашда ишлатиладиган, кам материалҳажмдорликка эга комбинациялашган иш органли плугни ишлаб чиқариш имконияти яратилган.