Бабабеков Умидбек Джурабековичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Икки изли осма бороналаш агрегатини ишлаб чиқиш ва параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2023.3.PhD/Т3983.
Илмий раҳбар: Абдусалим Тўхтақўзиев, техника фанлари доктори, профессор.
Диссертация бажарилган муассаса номи: Гулистон давлат университети.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: Ауезов Онгарбай Пирлешович – техника фанлари доктори, профессор; Худояров Анвар Назиржонович – техника фанлари доктори, профессор.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади. Икки изли осма бороналаш агрегатини ишлаб чиқиш ва унинг мақбул параметрларини асослаш орқали ерларни бороналашда иш сифати ва унумини ошириш, меҳнат сарфи ва бошқа ҳаражатларни камайтиришдан иборат.
III. Тадқиқотнинг илмий янгилиги:
 икки изли осма бороналаш агрегатининг конструктив схемаси унинг биринчи ва иккинчи қаторларда жойлашган бороналарининг тишлари бир хил чуқурликка ботиб ишлаши таъминланиши шартидан ишлаб чиқилган;
 икки изли бороналаш агрегати бороналарининг параметрлари (тишлар ва улар пастки ўткирланган қисмларининг узунлиги, тишлар изларининг кенглиги, ҳар бир тишга тўғри келадиган масса, бороналанинг мавжуд ва пасайтирилган улаш нуқталари орасидаги тик масофа) улар томонидан ишлов берилаётган тупроқ қатлами белгиланган чуқурликка тўлиқ юмшатилиши таъминланиши ҳисобга олиниб асосланган;
икки изли осма бороналаш агрегати таянч чанғиларининг параметрлари (эгрилик радиуси, эни ва узунлиги) улар тупроққа сезиларли ботмасдан ишлашлари ҳамда уларнинг олдида тупроқ уюмлари ҳосил бўлмаслиги ҳисобга олиниб асосланган;
икки изли осма бороналаш агрегати бороналари тишларининг узунлиги ҳар бир тишга тўғри келадиган масса, бороналарнинг мавжуд ва пасайтирилган уланиш нуқталари орасидаги тик масофаларнинг мақбул қийматлари уларнинг бороналаш агрегатининг сифат ва энергетик кўрсаткичларига таъсирини баҳоловчи регрессия тенгламаларини биргаликда ечиш орқали асосланган.
IV. Тадқиқот натижаларининг жорий қилиниши. Икки изли осма бороналаш агрегатини ишлаб чиқиш ва параметрларини асослаш бўйича олинган натижалар асосида:
икки изли бороналаш агрегатига Интеллектуал мулк марказининг фойдали моделга (“Тупроққа ишлов бериш қуроли”, №ФАП 02333) патенти олинган. Натижада икки изли бороналаш агрегатининг конструктив схемасини ишлаб чиқиш имкони яратилган;
икки изли осма бороналаш агрегатининг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаб, техник топшириқ ва чизмалар) “БМКБ-Агромаш” АЖ да лойиҳалаш жараёнига жорий этилган (БМКБ-Агромаш” АЖнинг 2024-йил 02-февралдаги № 01-05 сон маълумотномаси). Натижада параметрлари асосланган икки изли осма бороналаш агрегатининг саноат усулида ишлаб чиқариш имкони яратилган;