Илхомжонова Фотима Мухиддиновнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Акциядорлик жамиятларида молиявий менежментнинг замонавий моделларидан самарали фойдаланиш”, 08.00.07 – “Молия, пул муомаласи ва кредит”.
Диссертация мавзуси рўйхатга олинган рақам: В2023.2.PhD/Iqt3111.
Илмий раҳбар: Ташмурадова Бибисора Эгамовна, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2019.I.17.01.
Расмий оппонентлар: Хайдаров Низамиддин Хамраевич, иқтисодиёт фанлари доктори, профессор; Қаҳҳоров Азизжон Аҳрор ўғли, иқтисодиёт фанлари бўйича фалсафа доктори (PhD).
Етакчи ташкилот: Г.В.Плеханов номидаги Россия иқтисодиёт университети Тошкент шаре филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Мамлакатимизда акциядорлик жамиятларида молиявий менежментнинг замонавий моделларидан самарали фойдаланиш бўйича амалий таклифлар ишлаб чиқиш диссертация ишининг мақсади ҳисобланади.
III.Тадқиқотнинг илмий янгилиги қуйидагилардан иборат:
банк хусусий капиталини оширишда соф фойда тақсимотини ўз чиқарилган акцияларини сотиб олишга йўналтириш орқали молиявий барқарорликни ошириш таклиф қилинган;
дивиденд сиёсатини оптималлаштириш ва оддий акцияларни ёпиқ обун тарзида акциядорлар ортасида жойлаштириш орқали банк устав капиталлашувини ошириш таклифи асосланган;
консерватив ёндашувни амалга оширган ҳолда юқори тоифали кредит рейтингига эга бўлган мижозларга кредит ажратиш орқали чакана кредитлаш соҳасидаги рискларни минималлаштириш таклиф этилган;
фоизли ва комиссион даромадлар таркибини оптималлаштиришда мижозларга хизмат кўрсатишнинг узоқ каналларига ўтиш таклиф этилган.
IV.Тадқиқот натижаларининг жорий қилиниши. Акциядорлик жамиятларида молиявий менежментнинг замонавий моделларидан самарали фойдаланиш бўйича олинган илмий натижалар асосида:
банк хусусий капиталини оширишда соф фойда тақсимотини ўз чиқарилган акцияларини сотиб олишга йўналтириш орқали молиявий барқарорликни ошириш таклиф “Даврбанк” АТБ томонидан амалиётга жорий этилган. (“Даврбанк” АТБининг 2024-йилнинг 1-февралидаги 15816-сон маълумотномаси). Натижада, банкнинг 2022-йилнинг 30-июн холатига тақсимланмаган фойдаси 86 084 163 000.00 сўмнинг бир қисми, яъни 46 862 525 000.00 сўмлик маблағлар дивиденд тарзида ҳисобланиб, шундан 36 900 000.00 сўмини чиқарилган акциялар харидига белгиланган тартибда йўналтирилди ва молиявий менежмент тизимида молиявий барқароликни 10 фоизга ўсишига эришилди;
дивиденд сиёсатини оптималлаштириш ва оддий акцияларни ёпиқ обун тарзида акциядорлар ортасида жойлаштириш орқали банк устав капиталлашувини ошириш таклифи “Даврбанк” АТБ томонидан амалиётга жорий этилган. (“Даврбанк” АТБининг 2024-йилнинг 1-февралидаги 15816-сон маълумотномаси). Натижада, банкнинг устав капитали 2023-йилнинг 6-июн ҳолатига 400 трлн. сўмни ташкил этиб, 42,5 фоизга ошган ҳамда ўз маблағлари билан қарз маблағлари нисбати пасайишига эришилди;
консерватив ёндашувни амалга оширган ҳолда юқори тоифали кредит рейтингига эга бўлган мижозларга кредит ажратиш орқали чакана кредитлаш соҳасидаги рискларни минималлаштириш таклифи “Даврбанк” АТБ томонидан амалиётга жорий этилган (“Даврбанк” АТБининг 2024-йилнинг 1-февралидаги 15816-сон маълумотномаси). Натижада, банк ўз кредит портфели сифат жиҳатидан юқори тоифага олиб чиқди ҳамда активлар рентабеллиги коеффисиентини 5,63 фоизга ўшишига эришилди;
фоизли ва комиссион даромадлар таркибини оптималлаштиришда мижозларга хизмат кўрсатишнинг узоқ каналларига ўтиш таклифи “Даврбанк” АТБ томонидан амалиётга жорий этилган. (“Даврбанк” АТБининг 2024-йилнинг 1-февралидаги 15816-сон маълумотномаси). Натижада, банк хусусий капитал рентабеллиги(РОЕ) кўрсаткичи 2022-йилда 34,59 фоиз ёки олдинги йилга нусбатан 4,24 фоизга ошган.