Xo‘jaev Lochin Husanovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar:
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “G‘ovak-elastik tenglamalar sistemasi uchun bir o‘lchovli to‘g‘ri va teskari masala”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2021.4.PhD/FM648  
Ilmiy rahbar: Imomnazarov Xolmatjon Xudoynazarovich, fizika-matematika fanlari doktori, professor.
Dissertatsiya bajarilgan muassasa nomi: Toshkent axborot texnologiyalari universiteti Qarshi filiali
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Xasanov Anvarjon, fizika-matematika fanlari doktori, professor; Begmatov Akram, fizika-matematika fanlari doktori, professor.
Yetakchi tashkilot: Termiz davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi g‘ovak-elastik muhitda seysmik Sh to‘lqinlar tarqalishining bir o‘lchovli to‘g‘ri va teskari dinamik masalalarini o‘rganish, mos g‘ovak-elastik muhitning to‘g‘ri va teskari dinamik masalalarning echilishi haqidagi teoremalarni isbotlash, ular uchun turg‘unlik baholarini olish, shuningdek, qaralayotgan bir o‘lchovli teskari dinamik masalani echish uchun algoritm ishlab chiqishdan iborat.
III. Tadqiqotning ilmiy yangiligi quyidagilardan iborat:
g‘ovak-elastik muhitda teskarilanmaydigan yaqinlashish bilan Sh (Shear horizontal – gorizantal siljish) to‘lqinlarining tarqalishini matematik modelini tavsiflovchi xususiy hosilali differensial tenglamalar sistemasi saqlanish qonunlari usuli va qaytmas jarayonlar termodinaka qonuni asosida ishlab chiqilgan;
Volterra integro-differensial tenglamasining korrektligidan foydalanib dissipativ holatda g‘ovak-elastikning dinamik tenglamalari uchun Gursa masalasining korrektligi ketma-ket yaqinlashish usuli yordamida isbotlangan;
qatlamli g‘ovak-elastik muhitda teskari dinamik masala uchun Gupillaning gipotezasi bajarilgani haqidagi faraz ostida g‘ovak-elastiklikning bir o‘lchovli teskari dinamik masalalarining echimi uchun rekkurent formulalar, regulyarizatsiyalangan algoritmlari kompleks analiz usullari yordamida  ishlab chiqilgan;
kesish usuli, regulyarizatsiya usuli va qo‘zg‘almas nuqta usullarining kombinatsiyasidan foydalanib erkin sirt nuqtalari tebranishlarining qo‘shimcha ma’lumotlari bo‘yicha g‘ovak-elastiklik tenglamalarining bir o‘lchovli sistemasini bo‘lakli-silliq siljish koeffisientini aniqlash masalasining korrektligi isbotlangan;
ko‘ndalang to‘lqinlar uchun g‘ovak-elastiklikning bir o‘lchovli integral shartli teskari dinamik masalalari echimlarining turg‘unlik baholashlari olingan, ular uchun mavjudlik va yagonalik teoremalari funksional analiz usullari yordamida isbotlangan.
IV. Tadqiqot natijalarining joriy qilinishi. G‘ovak-elastik tenglamalar sistemasi uchun bir o‘lchovli to‘g‘ri va teskari masalalarni tadqiq qilish bo‘yicha olingan natijalar asosida:
g‘ovak-elastiklikning bir o‘lchovli teskari dinamik masalalarini regulyarizatsiyalangan algoritmlari, integral shartli ko‘ndalang to‘lqinlar uchun g‘ovak-elastiklikning bir o‘lchovli teskari dinamik masalalari uchun yagonaligi, mavjudligi va turg‘unligi bo‘yicha olingan natijalar OT-Atex-2018-340 “Ikki tezlikli muhit dinamikasining amaliy geofizik masalalarini nazariy va sonli tadqiq etish” loyihasi bo‘yicha olib borilgan ilmiy tadqiqotlarda foydalanilgan (Qarshi davlat universitetining 2024-yil 20-fevraldagi №04\537-sonli ma’lumotnomasi). Natijada, ikki tezlikli muhit dinamikasining amaliy geofizik masalalarining korrekt ekanligini tekshirish imkonini bergan;
erkin sirt nuqtalari tebranishlarining qo‘shimcha ma’lumotlaridan bir o‘lchovli g‘ovak-elastiklik tenglamalar sistemasining bo‘lakli-silliq siljish koeffisienti, Gupillaning g‘ovakli muhit qatlamlari bo‘ylab buzilishlar tarqalishining teng vaqtlari haqidagi gipotezasi bajarilganligi haqidagi faraz ostida rekurent formulalar bo‘yicha olingan natijalar RFBR № 06-05-65110 “Ikki fazali muhitning termodinamik jihatdan matematik modelini o‘zaro effektlar bilan dissipativ yaqinlashishda matematik modellashtirish” mavzusidagi grant loyihasi doirasidagi ilmiy tadqiqotlarda foydalanilgan (Rossiya, HM va MG ITIning 2023-yil 28-apreldagi №15301/6-01-29-sonli ma’lumotnomasi). Natijada, g‘ovak-elastiklik tenglamalar sistemasining bo‘lakli-silliq koeffisientlarini aniqlash masalasining korrektligini isbotlash imkonini bergan.